Namadhu Arasu – Page 24

தமிழகத்தில், 2.26 கோடி ரேஷன் கார்டுதாரர்கள் உள்ளனர். இதில் ஏ.ஏ.ஒய்., மற்றும் பி.எச்.எச்., ரேஷன் கார்டுகளில் 3 கோடியே 65 லட்சம் உறுப்பினர்கள் உள்ளனர்.உணவுப் பொருள் வழங்கல் மற்றும் நுகர்வோர் பாதுகாப்புத் துறையின் கீழ் வழங்கப்படும் ரேஷன் கார்டு மூலமாகத்தான் மகளிர் உரிமைத் திட்டம் போன்ற நலத்திட்டங்களை மக்கள் பெற முடிகிறது.
இந்த நிலையில் பொது விநியோகத் திட்டப் பயனாளிகள் தங்கள் ரேஷன் கார்டுகளில் பெயர் நீக்கம், சேர்த்தல், முகவரி சான்று, தொலைபேசி எண் பதிவு ஆகியவற்றை மேற்கொள்ள வருகின்ற சனிக்கிழமை (12ஆம் தேதி) அன்று பொது விநியோகத் திட்ட மக்கள் குறைதீர் முகாம் நடைபெறும் என அறிவிக்கப்பட்டுள்ளது.
இது தொடர்பாக வெளியாகியுள்ள அறிவிப்பில்,பொது விநியோகத் திட்டத்தின் பயன்களை குடும்ப அட்டைதாரர்கள் எளிதில் பெறும் வகையில் தமிழ்நாடு முழுவதும் ஒவ்வொரு வட்டத்திலும் சென்னையைப் பொறுத்தவரை மண்டல அலுவலகங்களிலும் மக்கள் குறைதீர் முகாம் பிரதி மாதமும் இரண்டாம் சனிக்கிழமை நடத்தப்படும் என அரசு அறிவித்துள்ளது.
ஜூலை 2025 மாதத்திற்கான மாதாந்திர பொது விநியோகத் திட்ட மக்கள் குறைதீர் முகாம் சென்னையில் உள்ள உணவுப் பொருள் வழங்கல் மற்றும் நுகர்வோர் பாதுகாப்புத் துறையின் 19 மண்டல உதவி ஆணையாளர் அலுவலகங்களில் 12.07.2025 அன்று காலை 10.00 மணி முதல் பிற்பகல் 1.00 மணி வரை நடைபெறவுள்ளது.
குடும்ப அட்டைகளில் பெயர் சேர்த்தல், பெயர் நீக்கல், முகவரி மாற்றம், கைபேசி எண் பதிவு / மாற்றம் செய்தல் மற்றும் அங்கீகாரச் சான்று உள்ளிட்ட பொது விநியோகத் திட்டம் தொடர்பான சேவைகள் மேற்கொள்ளப்படும்.
சென்னையிலுள்ள 19 மண்டல அலுவலகப் பகுதிகளில் உள்ள குடும்ப அட்டைதாரர்கள் இச்சேவையினைப் பயன்படுத்திக் கொள்ளுமாறு கேட்டுக்கொள்ளப்படுகிறார்கள். பிற மாவட்டங்களில் மண்டல, வட்ட வழங்கல் அதிகாரிகள் அளவில் இந்த குறைதீர் முகாம்கள் நடத்தப்படும்.

சினிமா தமிழ்நாடு நிகழ்ச்சிகள்

Namadhu Arasu July 12, 2025July 12, 2025

வேள்பாரி” நாவல் வெளியீட்டு விழாவில் ரஜினி பேச்சு…

சென்னை சேப்பாக்கத்தில் உள்ள கலைவாணர் அரங்கத்தில் “வீரயுக நாயகன் வேள்பாரி” நாவல் ஒரு லட்சம் பிரதிகளை கடந்ததை கொண்டாடும் வகையில் வெற்றி விழா நடைபெற்றது.
இந்த வெற்றி விழாவில் நாவல் ஆசிரியரும் மார்க்சிஸ்ட் கம்யூனிஸ்ட் கட்சியின் எம்.பி.யுமான சு.வெங்கடேசன் வெற்றி விழா உரை நிகழ்த்த சிறப்பு விருந்தினர்களான நடிகர் ரஜினிகாந்த், இயக்குநர் ஷங்கர், தமிழ்நாடு நிதித்துறைச் செயலாளர் உதயசந்திரன் உள்ளிட்டோர் கலந்துகொண்டனர்.
இதில் நடிகர் ரஜினி பேசுகையில், “தமிழ் சினிமாவை மாற்றியவர்களில் முக்கியமானவர்கள் பாரதிராஜா, மணிரத்னம் பிறகு ஷங்கர். இயக்குநர் ஷங்கர் படங்களை பொறுத்தவரை, அதில் வெறும் பிரமாண்டம் மட்டும் இருக்காது, சமூக நீதி இருக்கும், தத்துவம் இருக்கும். சமூகத்துக்கு நல்ல ஒரு அறிவுரை இருக்கும். அவருடன் 3 படங்கள் பண்ணேன். 3 படங்களும் வெற்றிப்படங்கள். ‘வேள்பாரி’ உரிமையை ஷங்கர் வாங்கியிருக்கிறார்.
சென்னை சேப்பாக்கத்தில் உள்ள கலைவாணர் அரங்கத்தில் “வீரயுக நாயகன் வேள்பாரி” நாவல் ஒரு லட்சம் பிரதிகளை கடந்ததை கொண்டாடும் வகையில் வெற்றி விழா நடைபெற்றது.
இந்த வெற்றி விழாவில் நாவல் ஆசிரியரும் மார்க்சிஸ்ட் கம்யூனிஸ்ட் கட்சியின் எம்.பி.யுமான சு.வெங்கடேசன் வெற்றி விழா உரை நிகழ்த்த சிறப்பு விருந்தினர்களான நடிகர் ரஜினிகாந்த், இயக்குநர் ஷங்கர், தமிழ்நாடு நிதித்துறைச் செயலாளர் உதயசந்திரன் உள்ளிட்டோர் கலந்துகொண்டனர்.
இதில் நடிகர் ரஜினி பேசுகையில், “தமிழ் சினிமாவை மாற்றியவர்களில் முக்கியமானவர்கள் பாரதிராஜா, மணிரத்னம் பிறகு ஷங்கர். இயக்குநர் ஷங்கர் படங்களை பொறுத்தவரை, அதில் வெறும் பிரமாண்டம் மட்டும் இருக்காது, சமூக நீதி இருக்கும், தத்துவம் இருக்கும். சமூகத்துக்கு நல்ல ஒரு அறிவுரை இருக்கும். அவருடன் 3 படங்கள் பண்ணேன். 3 படங்களும் வெற்றிப்படங்கள். ‘வேள்பாரி’ உரிமையை ஷங்கர் வாங்கியிருக்கிறார்.
ஜெயகாந்தன் எனக்கு பிடித்த எழுத்தாளர். பிரமாணர்கள் குறித்து அவர் கதை எழுதினாள் அங்கே தான் பிறந்தாரோ என தோன்றும். அந்த அளவுக்கு எழுதுவார். யாருக்காக அழுதான் புத்தகத்தை படித்து 3 நிமிடம் அவருக்காக அழுதேன். வந்தார்கள் வென்றார்கள் படித்தால் கண்களில் ரத்தம் வரும்” என்றார்.
அனுபவசாலிகள் இல்லை என்று சொன்னால் எந்த இயக்குமும், எந்த கட்சியும் தேறாது. அவர்கள் தூண்கள் மட்டுமல்ல. சிகரங்கள் கூட” என்று நடிகர் ரஜினிகாந்த் சென்னையில் நடந்த விழாவில் பேசியுள்ளார்.
சென்னை சேப்பாக்கத்தில் உள்ள கலைவாணர் அரங்கத்தில் “வீரயுக நாயகன் வேள்பாரி” நாவல் ஒரு லட்சம் பிரதிகளை கடந்ததை கொண்டாடும் வகையில் வெற்றி விழா நடைபெற்றது.
இந்த வெற்றி விழாவில் நாவல் ஆசிரியரும் மார்க்சிஸ்ட் கம்யூனிஸ்ட் கட்சியின் எம்.பி.யுமான சு.வெங்கடேசன் வெற்றி விழா உரை நிகழ்த்த சிறப்பு விருந்தினர்களான நடிகர் ரஜினிகாந்த், இயக்குநர் ஷங்கர், தமிழ்நாடு நிதித்துறைச் செயலாளர் உதயசந்திரன் உள்ளிட்டோர் கலந்துகொண்டனர்.
அனுபவசாலிகள் இல்லை என்று சொன்னால் எந்த இயக்குமும், எந்த கட்சியும் தேறாது. அவர்கள் தூண்கள் மட்டுமல்ல. சிகரங்கள் கூட” என்று நடிகர் ரஜினிகாந்த் சென்னையில் நடந்த விழாவில் பேசியுள்ளார்.
சென்னை சேப்பாக்கத்தில் உள்ள கலைவாணர் அரங்கத்தில் “வீரயுக நாயகன் வேள்பாரி” நாவல் ஒரு லட்சம் பிரதிகளை கடந்ததை கொண்டாடும் வகையில் வெற்றி விழா நடைபெற்றது.
இந்த வெற்றி விழாவில் நாவல் ஆசிரியரும் மார்க்சிஸ்ட் கம்யூனிஸ்ட் கட்சியின் எம்.பி.யுமான சு.வெங்கடேசன் வெற்றி விழா உரை நிகழ்த்த சிறப்பு விருந்தினர்களான நடிகர் ரஜினிகாந்த், இயக்குநர் ஷங்கர், தமிழ்நாடு நிதித்துறைச் செயலாளர் உதயசந்திரன் உள்ளிட்டோர் கலந்துகொண்டனர்.
அனுபவசாலிகள் இல்லை என்று சொன்னால் எந்த இயக்குமும், எந்த கட்சியும் தேறாது. அவர்கள் தூண்கள் மட்டுமல்ல. சிகரங்கள் கூட’ என்றும் சொல்லலாம் என இருந்தேன். ஆனால் அதை மறந்துவிட்டேன். அதனால் இந்த முறை வரும்போது கவனமாக இருக்க வேண்டும் என நினைத்தேன். சரியாக பேச வேண்டும் என நினைத்தேன்.
சிவகுமார், கமல்ஹாசனை கூப்பிடாமல், 75 வயதிலும், கூலிங் க்ளாஸ் போட்டு, ஸ்லோமோஷனில் நடந்துவரும் என்ன கூப்பிட்டுள்ளார்கள் என நினைப்பார்கள். அதனால் ஜாக்கிரதையாக இருக்க வேண்டும் என முடிவு செய்தேன். ஜெயகாந்தன் எனக்கு பிடித்த எழுத்தாளர். பிரமாணர்கள் குறித்து அவர் கதை எழுதினாள் அங்கே தான் பிறந்தாரோ என தோன்றும். அந்த அளவுக்கு எழுதுவார். யாருக்காக அழுதான் புத்தகத்தை படித்து 3 நிமிடம் அவருக்காக அழுதேன். வந்தார்கள் வென்றார்கள் படித்தால் கண்களில் ரத்தம் வரும்” என்றார்.

அறிவியல்ஆன்மீகம்தமிழ்நாடு

Namadhu Arasu July 10, 2025July 10, 2025 devotional, gurupoornima, Tamilnadu

இன்று குரு பூர்ணிமா… என்ன செய்ய வேண்டும் …

குரு பூர்ணிமா என்பது ஆனி மாத பௌர்ணமி தினத்தில் கொண்டாடப்படும் ஒரு புனிதமான பண்டிகையாகும். குருமார்கள், ஆசிரியர்கள், மற்றும் வழிகாட்டிகளைப் போற்றும் நாளாக இது அனுசரிக்கப்படுகிறது. “குரு” என்ற சமஸ்கிருத சொல்லுக்கு “அறியாமை என்னும் இருளை நீக்கி அறிவொளியைப் புகட்டுபவர்” என்று பொருள்.
இந்து மதத்தில் மட்டுமல்லாமல், பௌத்த மற்றும் சமண மதங்களிலும் முக்கியத்துவம் வாய்ந்ததாக குரு பூர்ணிமா கொண்டாடப்படுகிறது. மகாபாரதத்தை எழுதிய மகரிஷி வேத வியாசரின் பிறந்த நாளாகவும் இது கொண்டாடப்படுகிறது. இந்த நாளில், மாணவர்கள் தங்கள் குருக்களின் ஆசிகளைப் பெறவும், அவர்களுக்கு மரியாதை செலுத்தவும் செய்கிறார்கள்.
ஒவ்வொரு வருடமும் ஆனி மாதத்தில் வரும் பௌர்ணமி “குரு பூர்ணிமா” அல்லது “வியாச பூர்ணிமா” என்று அழைக்கப்படுகிறது. ஒரு வருடத்தில் வரும் மிக முக்கியமான பெளர்ணமிகளில் ஆனி மாதத்தில் வரும் குரு பூர்ணிமாவும் ஒன்றாக கருதப்படுகிறது. இந்த பெளர்ணமி மட்டும் குருவிற்கு மரியாதை செலுத்தும் குரு பூர்ணிமாவாக கொண்டாடப்படுவதற்கு மிக முக்கியமான காரணம் சொல்லப்படுகிறது. வியாசர் அவதரித்த திருநாளையே குரு பூர்ணிமாவாக கொண்டாடுகிறோம். இப்படி போற்றும் அளவிற்கு வியாசர் அப்படி என்ன செய்தார் என்பதை தெரிந்து கொள்ள வேண்டும்.
சன்னியாச ஆசிரமத்தில், ஒவ்வொரு சன்னியாசியும் ஒவ்வொரு விதமான முறையில் துறவு வாழ்க்கையை வாழ்ந்து கொண்டிருப்பார்கள். “குடீசகர்கள்” என்று அழைக்கப்படும் சன்னியாசிகள் ஒரு குடிசையிலேயே வாழ்ந்து கொண்டிருப்பார்கள். “பஹுதகர்கள்” என்று அழைக்கப்படும் இன்னொரு விதமான துறவிகள், அதிக நீர் உள்ள நதிக்கரையிலேயே வாழ்ந்து கொண்டிருப்பார்கள். “பரிவ்ராஜகர்கள்” என்று அழைக்கப்படும் ஒரு விதமானவர்கள், பயணம் செய்து கொண்டே இருப்பார்கள். ஒரு இடத்தில் (ஊரில்) மூன்று அல்லது சில குறிப்பிட்ட நாட்கள் தான் தங்குவார்கள்.
பரிவ்ராஜகர்கள் ஞானத்தை அடைந்திருப்பார்கள். குரு-சிஷ்ய பரம்பரையில் வந்திருப்பார்கள். தாங்கள் தங்கும் கிராமத்திலோ நகரத்திலோ பிச்சை எடுத்து தான் உணவு உட்கொள்வார்கள். சன்னியாசிகளுக்குப் பற்றின்மை எனும் பண்பு மிகவும் முக்கியமானது. ஒரே இடத்தில் அதிக நாட்கள் தங்கினால் அந்த இடத்திலோ, அங்கு வாழும் மக்களின் மேலோ மற்றும் அங்கு வாழும் மக்களுக்கு இவர்கள் மீதோ பற்று வந்துவிடும். அதனால் ஒரு இடத்திலிருந்து இன்னொரு இடத்திற்கு சஞ்சாரம் செய்து கொண்டே இருப்பார்கள். ஆனால் மழைக் காலத்திலோ ஊர் ஊராக சஞ்சரிக்க முடியாது. ஏனெனில் மழைக் காலத்தில் புதிதாகப் புட்கள், செடிகள் துளிர் விடும்; புழு பூச்சிகள் மண்ணிலிருந்து வெளி வரத் தொடங்கும். துறவிகளுக்கு அகிம்சை என்ற பண்பும் மிகவும் முக்கியமானது.
புட்களையும், செடிகளையும், புழு பூச்சிகளையும் மிதியாமல் சஞ்சரிப்பது கடினம் என்பதால், மழைக்காலம் தொடங்கி, முடியும் வரை (நான்கு மாதங்கள்) ஒரே இடத்தில் தங்கி விடுவார்கள். குறிப்பாக இயற்கை சீர் கெடாமல் இருந்த பண்டைக் காலத்தில், ஆனி மாத பவுர்ணமி அன்று தான் மழைக் காலமும் தொடங்கும். அவர்கள் எந்த ஊரில் மழைக்காலம் தொடங்கும் பொழுது இருக்கிறார்களோ அதே ஊரிலேயே நான்கு மாதங்களும் தங்கி விடுவார்கள். அவ்வூரில் வாழும் மக்கள் சன்னியாசிகளிடம் நான்கு மாதங்களில் வேதாந்த உபதேசம் செய்யுமாறு வேண்டிக் கொள்வார்கள். அந்தந்த ஊர் மக்களே அவருக்குத் தேவையான குடிசையை அமைத்து கொடுத்து பிச்சைக்கும் ஏற்பாடு செய்வார்கள்.
வாழ்க்கை முழுவதும் ஒவ்வொருவரும் வேதாந்தத்தில் ஈடுபட்டு, குரு மற்றும் ஈஸ்வரனை வழிபட வேண்டும். சன்னியாசி தான் ஞானத்தை பெற்றதற்கு நன்றியை வெளிபடுத்தும் வகையிலும், “தான் துவங்க இருக்கும் வேதாந்த உபதேசம் தடையில்லாமல் முடிவடையவும், வியாச பகவானை ஆராதித்துப் பூஜை செய்யும் இந்நாள், குரு பவுர்ணமி என்றும் வியாச பவுர்ணமி என்றும் அழைக்கப்படுகிறது. இந்நாளில் துறவிகள் மட்டுமில்லாமல், ஞான மற்றும் மோட்ச சாஸ்திரத்தை அறிய முற்படும் அனைவரும் தங்களது குருவையும், வியாச பகவானையும் ஆராதிக்க வேண்டும். வியாச பகவானை நிமித்தமாக வைத்து, (சிவ பெருமான் அல்லது ஸ்ரீமன் நாராயணன்) தொடங்கி, தங்களுடைய இப்பொழுதைய குரு வரை குரு பரம்பரையில் உள்ள அனைவரையும் இந்நாளில் வழிபட வேண்டும்.

இந்தியா தமிழ்நாடு விளையாட்டு

Namadhu Arasu July 7, 2025July 7, 2025 CRICKET, England, India, massvictory

இங்கிலாந்து பேட்ஸ்மேன்களை அலற விட்ட ஆகாஷ் தீப்!49 ஆண்டு கால சாதனையை தகர்த்தது !

இங்கிலாந்துக்கு எதிரான 2வது டெஸ்ட் போட்டியில் 10 விக்கெட் வீழ்த்திய ஆகாஷ் தீப் 49 ஆண்டு கால சாதனையை தகர்த்துள்ளார்.
பர்மிங்காமில் உள்ள எட்ஜ்பாஸ்டன் மைதானத்தில் நடந்த இங்கிலாந்துக்கு எதிரான 2வது டெஸ்ட் போட்டியில் இந்திய அணி 337 ரன்கள் வித்தியாசத்தில் அபார வெற்றி பெற்றது. இந்த போட்டியில் முதலில் பேட்டிங் செய்த இந்திய அணி முதல் இன்னிங்சில் 587 ரன்கள் குவித்தது. இங்கிலாந்து முதல் இன்னிங்சில் 407 ரன்களுக்கு ஆல் அவுட் ஆனது. 2வது இன்னிங்சை விளையாடிய இந்திய அணி 427/6 என்ற நிலையில் டிக்ளேர் செய்தது.
ஆட்டநாயகன் கேப்டன் சுப்மன் கில்
இதனால் 608 என்ற இமாலய இலக்குடன் ஆடிய இங்கிலாந்து அணி 68 ஓவரில் 271 ரன்களுக்கு ஆட்டமிழந்தது. இதன் மூலம் இந்திய அணி 337 ரன்கள் வித்தியாசத்தில் இமாலய வெற்றி பெற்றது. மேலும் பர்மிங்காமில் உள்ள எட்ஜ்பாஸ்டன் மைதானத்தில் முதன் முறையாக வெற்றியை ருசித்துள்ளது. முதல் இன்னிங்சில் இரட்டை சதம் (269 ரன்கள்), 2வது இன்னிங்சில் சதம் (161 ரன்) விளாசிய இந்திய அணி கேப்டன் சுப்மன் கில் ஆட்டநாயகன் விருது வென்றார்.
ஆகாஷ் தீப் 10 விக்கெட்
இந்திய அணி பாஸ்ட் பவுலர் ஆகாஷ் தீப் முதல் இன்னிங்சில் 4 விக்கெட்டுகளும், 2 இன்னிங்சில் 6 விக்கெட்டுகள் என மொத்தம் 10 விக்கெட்டுகள் வீழ்த்தி அசத்தினார். ஆகாஷ் தீப் ஒரு இன்னிங்சில் 5 விக்கெட்டுகளும், ஒரு டெஸ்ட்டில் 10 விக்கெட்டுகளும் வீழ்த்துவது இதுவே முதன் முறையாகும். மற்றொரு பவுலர் முகமது சிராஜ் முதல் இன்னிங்சில் 6 விக்கெட்டுகளும், 2வது இன்னிங்சில் 1 விக்கெட்டும் வீழ்த்தி வெற்றிக்கு முக்கிய காரணமாக விளங்கினார்.

ஆகாஷ் தீப் பெரும் சாதனை

இங்கிலாந்து மண்ணில் களம் கண்ட முதல் டெஸ்ட் போட்டியிலேயே 10 விக்கெட்டுகளை வீழ்த்திய ஆகாஷ் தீப் பல்வேறு சாதனைகளுக்கு சொந்தக்காரராகியுள்ளார். குறிப்பாக அவர் 49 ஆண்டுகளுக்குப் பிறகு ஒரு பெரிய சாதனையைப் படைத்துள்ளார். டெஸ்ட் கிரிக்கெட்டில் இங்கிலாந்தின் முதல் ஐந்து பேட்ஸ்மேன்களில் நான்கு பேரை (பென் டக்கெட், ஜோ ரூட், ஆலி போப் மற்றும் ஹாரி புரூக்) ஆகியோரை ஒரே இன்னிங்ஸில் அவுட்டாக்கிய‌ முதல் பந்துவீச்சாளர் என்ற பெருமையை ஆகாஷ் தீப் பெற்றுள்ளார்.
சிறந்த இந்திய பவுலர்
மைக்கேல் ஹோல்டிங் 1976ம் ஆண்டு டெஸ்ட் கிரிக்கெட்டில் இங்கிலாந்தின் முதல் 4 பேட்ஸ்மேன்களை அவுட்டாகியிருந்த நிலையில், ஆகாஷ் தீப் அவரது சாதனையை முறியடித்துள்ளார். மேலும் இங்கிலாந்து மண்ணில் சிறப்பாக பந்து வீசிய முதல் இந்திய பந்துவீச்சாளர் (187/10) என்ற பெருமையை ஆகாஷ் தீப் பெற்றார்.

முன்னாள் வீரர் சேத்தன் சர்மாவின் 10/188 சிறந்த பவுலிங்கை ஆகாஷ் தீப் முறியடித்துள்ளார். முகமது ஷமி போன்று பந்துவீசுவதால் ‘குட்டி’ ஷமி என அழைக்கப்படும் ஆகாஷ் தீப்புக்கு பல்வேறு தரப்பினரும் பாராட்டுகளை தெரிவித்து வருகின்றனர்.

ஆன்மீகம்தமிழ்நாடு

Namadhu Arasu July 7, 2025July 7, 2025 Tamilnadu, temple, thiruchendhur

திருச்செந்தூர் முருகன் கோயில் கும்பாபிஷேகம்

திருச்செந்தூர் முருகன் கோயில் கும்பாபிஷேகம் விமர்சையாக நடைபெற்றது.திருச்செந்தூர் சுப்பிரமணிய சுவாமி கோயில், முருகப்பெருமானின் அறுபடை வீடுகளில் இரண்டாவது தலமாக விளங்குகிறது. நூற்றாண்டுகளாக தமிழ் பக்தர்களின் ஆன்மீக ஈர்ப்பை தக்கவைத்திருக்கின்ற இத்தலத்தில், ஜூலை 7ம் தேதி கும்பாபிஷேகம் மிகச் சிறப்பாக நடைபெற்றது. புணிதநீர் தரிசனம் மற்றும் கும்பாபிஷேக தருணத்தில் ஆயிரக்கணக்கான பக்தர்கள் கோஷம் எழுப்பி முழங்கினர்.
அலைமோதிய பக்தர்கள் கூட்டம்
கும்பாபிஷேகத்தை முன்னிட்டு கடந்த வாரம் முழுவதும் யாகசாலை பூஜைகள், மந்திரோச்சாடனங்கள் நடைபெற்றன. இன்று அதிகாலை முதலே பக்தர்கள் கூட்டம் பெருகத் தொடங்கியது. குடமுழுக்கு நிகழ்வின் போது புனிதநீர் ராஜகோபுரத்தின் மீது ஊற்றப்பட்டது. அதே நேரத்தில் ட்ரோன்களின் உதவியுடன் கோயிலின் வளாகம் முழுவதும் திரட்டிய புனிதநீர் பக்தர்களின் மீது தெளிக்கப்பட்டது. பக்தர்கள் “அரோகரா அரோகரா” என உரக்க முழங்கி, “வெற்றிவேல் வீரவேல்” எனக் கைகொட்டி ஆரவாரம் செய்தனர்.
சிறப்பு அம்சம் என்னவென்றால், இந்த ஆண்டின் கும்பாபிஷேக நிகழ்ச்சி தமிழ் மந்திரங்களோடும் நடத்தப்பட்டது. இதற்கு பெரிய வரவேற்பும், பாராட்டும் கிடைத்தது. இதன்மூலம், தமிழில் பக்தியையும் ஆன்மீக பாரம்பரியத்தையும் பரப்ப வேண்டிய முயற்சி வெற்றிகரமாக அமைந்தது.
பாதுகாப்பு நடவடிக்கையாக 6,000க்கும் மேற்பட்ட போலீசார் பணியில் ஈடுபட்டனர். எமர்ஜென்சி மருத்துவ குழுக்கள், தீயணைப்பு வாகனங்கள் தயார் நிலையில் இருந்தன. பக்தர்கள் இடைவிடாது அலைமோதியதால், கோயில் நிர்வாகமும் அறநிலையத்துறை அமைச்சகமும் சிறப்பு பேருந்துகள், ரயில்கள் ஏற்பாடு செய்திருந்தது. சென்னை, கோவை, மதுரை, சேலம், திருநெல்வேலி உள்ளிட்ட பகுதிகளில் இருந்து பக்தர்கள் திரண்டனர்.
ராஜகோபுரம், மற்ற கோபுரங்கள் பழமை மாறாமல் புதுப்பிக்கப்பட்டிருந்தது. வண்ண விளக்குகள், பூச்சோலை அலங்காரங்கள், பழங்கள், மஞ்சள்-குங்குமக் கப்புகள் என பக்திப் பரவசம் பொங்கியது. இன்று முழுவதும் முருகன் பாட்டுக்கள், பன்னிரு திருமுறை பாடல்கள் ஒலிபரப்பானது. இந்த நிகழ்வை முன்னிட்டு தமிழகத்தின் பல்வேறு முருகன் கோயில்களிலும் சிறப்பு அபிஷேகங்கள், பூஜைகள் நடைபெற்றன. வெளிநாட்டுப் பகுதிகளில் இருந்தும் பக்தர்கள் திருச்செந்தூருக்கு வந்தனர். முருகப்பெருமானின் அருளைப் பெற தங்களது நேரத்தையும் சக்தியையும் செலுத்தி பக்தர்கள் ஆர்வமுடன் பங்கேற்றனர். மிகுந்த பக்தி உணர்வோடு நடந்த இந்த கும்பாபிஷேகம், தமிழர் ஆன்மிக மரபின் பெருமையை மீண்டும் ஒளிர வைத்தது.

குற்றம்தமிழ்நாடு நிகழ்ச்சிகள்

Namadhu Arasu July 3, 2025July 3, 2025 முதலமைச்சர் மு.க.ஸ்டாலின்

போலீஸ் அதிகாரிகளின்கீழ் செயல்படும் தனிப்படைகள் அனைத்தும் கலைப்பு: டிஜிபி சங்கர் ஜிவால்

விசாரணை என்ற பெயரில் கோயில் காவலாளி போலீஸாரால் அடித்து கொலை செய்யப்பட்ட சம்பவம் எதிரொலியாக, போலீஸ் அதிகாரிகளின்கீழ் செயல்படும் தனிப்படைகளை கலைத்து டிஜிபி சங்கர் ஜிவால் உத்தரவிட்டுள்ளார்.

திருப்புவனம் கோயில் காவலாளி அஜித்குமார் மீதான போலீஸாரின் தாக்குதலில் அவர் உயிரிழந்தார். இதைத் தொடர்ந்து உயர் போலீஸ் அதிகாரிகளின்கீழ் செயல்படும் தனிப்படைகளை கலைத்து டிஜிபி சங்கர் ஜிவால் உத்தரவவிட்டுள்ளார். இதுதொடர்பாக மண்டல ஐஜிக்கள், காவல் ஆணையர்கள், மாவட்ட எஸ்பிக்கள் உள்ளிட்டோருக்கு சுற்றறிக்கை அனுப்பப்பட்டுள்ளது. அதில் துணை ஆணையர்கள். போலீஸ் எஸ்பிக்கள், டிஎஸ்பிக்கள் உள்ளிட்டோரின்கீழ் செயல்படும் சிறப்பு (தனிப்படை) படைகள் நிரந்தரமாக செயல்படக் கூடாது என தெரிவிக்கப்பட்டுள்ளது.
ஏதாவது குற்ற வழக்குகள் நடைபெற்றால் அதில் துப்பு துலக்குவதற்காக மட்டுமே துணை ஆணையர்கள், டிஎஸ்பிக்கள் உள்ளிட்ட அதிகாரிகள் தங்களுக்குகீழ் பணியாற்ற தனிப்படைகளை அமைத்துக் கொள்ளலாம் என்று புதிய உத்தரவு பிறப்பித்துள்ளார். இந்த தனிப்படையை அமைப்பதற்கும் மண்டல ஐஜிக்கள் மற்றும் காவல் ஆணையர்கள் ஆகியோரிடம் உரிய அனுமதி பெற வேண்டும் என்றும் அவர் அறிவுறுத்தி உள்ளார். அனைத்து மாவட்டங்களிலும் பல்வேறு அதிகாரிகளின்கீழ் இயங்கும் நூற்றுக்கணக்கான தனிப்படை போலீஸாரை மாற்றுப் பணிகளில் ஈடுபடுத்த வேண்டும் என்றும் டிஜிபி அலுவலகம் தெரிவித்துள்ளது.
இதனிடையே விசாரணை கைதிகளை போலீஸார் தேவை இல்லாமல் துன்புறுத்தக் கூடாது என அனைத்து மாவட்ட போலீஸாருக்கும் சட்டம்- ஒழுங்கு கூடுதல் டிஜிபி டேவிட்சன் தேவாசீர்வாதம் உத்தரவு பிறப்பித்துள்ளார்.
காவல் நிலையத்துக்கு யாரும் புகார் அளிக்க வந்தால் உடனடியாக விசாரித்து வழக்குக்கு தகுந்தவாறு சிஎஸ்ஆர் அல்லது எப்ஐஆர் பதிவு செய்ய வேண்டும். தேவையில்லாமல் லத்தியை பயன்படுத்துவதை தவிர்க்க வேண்டும். காவலர்கள் முதல் அதிகாரிகள் வரை சுய ஒழுக்கம் கண்டிப்பாக இருக்க வேண்டும்.

விசாரணை கைதிகளை தேவையில்லாமல் துன்புறுத்தக் கூடாது. அசம்பாவிதங்கள் எதுவும் ஏற்படாமல் பார்த்துக் கொள்ள வேண்டும். தேவையில்லாத கஸ்டெடி இருக்கக் கூடாது. முழுமையான ரெக்கவரி என்ற பெயரில் துன்புறுத்தல் கூடாது.

விசாரணை மரணம் அல்லது விசாரணையின்போது வன்முறை இருக்க கூடாது. காவல் நிலையங்களில் பாலியல் தொடர்பான துன்புறுத்தல்கள் இருக்கக் கூடாது. காவலர்கள் சகிப்புத்தன்மையுடன் பணியாற்ற வேண்டும். கட்டப்பஞ்சாயத்து போன்ற செயல்களில் ஈடுபட கூடாது. இவ்வாறு கூறியுள்ளார்.

இந்தியா தமிழ்நாடு நிகழ்ச்சிகள்வணிகம்வணிகம்

Namadhu Arasu July 3, 2025July 3, 2025 centralgovt, commodities, gst, Tamilnadu

குறையும் ஜிஎஸ்டி..! எந்தெந்த பொருட்களுக்கு …

டூத் பேஸ்ட், காலணி, ரெடிமேட் ஆடைகள், வாஷிங் மெஷின் உள்ளிட்ட பொருட்களின் ஜிஎஸ்டியை குறைக்க மத்திய அரசு திட்டமிட்டு இருப்பதாக தகவல் வெளியாகி உள்ளது.
இந்தியாவில் 4 அளவுகளில் ஜிஎஸ்டி வசூலிக்கப்படுகிறது. அதாவது, 5, 12, 18 மற்றும் 28 விழுக்காடு என்ற வகையில் ஜிஎஸ்டி வசூலிக்கப்பட்டு வருகிறது. இதில், 12 விழுக்காடு என்ற வகையை ரத்து செய்ய மத்திய அரசு திட்டமிட்டு இருப்பதாக கூறப்பட்ட நிலையில், அதன் கீழ் வரும் பொருட்களுக்கான வரியை 5 விழுக்காடாக குறைக்க முடிவு செய்திருப்பதாக தகவல் வெளியாகி உள்ளது.
அதன்படி, டூத் பேஸ்ட், காலணி, ரெடிமேட் ஆடைகள், வாஷிங் மெஷின் மீதான வரி குறைக்கப்பட வாய்ப்புள்ளது. குக்கர், குடை, தையல் இயந்திரம், வாட்டர் ஹீட்டர் உள்ளிட்ட பொருட்களுக்கான ஜிஎஸ்டியும் 12 விழுக்காட்டில் இருந்து 5 சதவிகிதத்திற்கு குறைக்கப்படும் என எதிர்பார்க்கப்படுகிறது.
இதன் மூலம், பெருவாரியான வீட்டு உபயோகப் பொருட்களின் விலை குறையும் என கூறப்படுகிறது. இம்மாதத்தில் நடைபெற உள்ள 52 ஆவது ஜிஎஸ்டி கவுன்சில் கூட்டத்தில் இது தொடர்பான முடிவு எடுக்கப்படும் என தகவல் வெளியாகி உள்ளது.

தமிழ்நாடு தொழில்நுட்பம்

Namadhu Arasu June 30, 2025June 30, 2025 Tamilnadu, trainticketbooking

ரயில் டிக்கெட் முன்பதிவு: சூப்பர் வசதிகள் அறிமுகம் – இனி ஈஸியா டிக்கெட் புக் பண்ணலாம்!

ரயில் புறப்படுவதற்கு எட்டு மணி நேரத்துக்கு முன்னதாகவே முன்பதிவு பட்டியல் (Reservation Chart) தயாராகிவிடும். அதுமட்டுமில்லாமல், டிக்கெட் முன்பதிவு செய்யும் முறையிலும் பெரிய மாற்றம் வரப்போகிறது. ஒரு நிமிடத்தில் ஒன்றரை லட்சம் டிக்கெட்டுகள் வரை புக் செய்யலாம்.
இனி ரயில்கள் புறப்படுவதற்கு 8 மணி நேரத்துக்கு முன்பே முன்பதிவு பட்டியல் தயாராகிவிடும். இப்போது 4 மணி நேரத்துக்கு முன்புதான் பட்டியல் தயாராகும். பயணிகளின் வசதிக்காக இந்த மாற்றம் செய்யப்படுகிறது.
ரயில்வே அமைச்சர் அஷ்வினி வைஸ்னவ் உத்தரவு!
ரயில்வே வாரியம் இதற்கான திட்டத்தை உருவாக்கியுள்ளது. ரயில்வே அமைச்சர் அஷ்வினி வைஷ்ணவ் இதை கொஞ்சம் கொஞ்சமாக அமல்படுத்த உத்தரவிட்டுள்ளார். இதனால் எந்த குழப்பமும் இருக்காது என்று அவர் கூறியுள்ளார். விரைவில் இது எப்போது அமலுக்கு வரும் என்று அறிவிக்கப்பட உள்ளது.
ரயில்வே அமைச்சகம் ஒரு அறிக்கை வெளியிட்டுள்ளது. அதில், “ரயில் புறப்படுவதற்கு 4 மணி நேரத்துக்கு முன்பு முன்பதிவு பட்டியல் தயாராவதால் பயணிகளுக்கு குழப்பம் ஏற்படுகிறது. புதிய நேர நிர்ணயம் பயணிகளுக்கு மிகவும் உதவியாக இருக்கும்” என்று கூறப்பட்டுள்ளது. காத்திருப்பு பட்டியலில் உள்ள பயணிகளுக்கு இது மிகவும் பயனுள்ளதாக இருக்கும். அவர்களுக்கு காத்திருப்பு பட்டியல் நிலவரம் முன்கூட்டியே தெரிந்துவிடும். தூர இடங்களில் இருந்து வரும் பயணிகளுக்கு இது மிகவும் வசதியாக இருக்கும். டிக்கெட் கிடைக்கவில்லை என்றால் வேறு ஏற்பாடு செய்யவும் அவர்களுக்கு நேரம் கிடைக்கும்.
ரயில்வே அமைச்சகம் ஒரு அறிக்கை வெளியிட்டுள்ளது. அதில், “ரயில் புறப்படுவதற்கு 4 மணி நேரத்துக்கு முன்பு முன்பதிவு பட்டியல் தயாராவதால் பயணிகளுக்கு குழப்பம் ஏற்படுகிறது. புதிய நேர நிர்ணயம் பயணிகளுக்கு மிகவும் உதவியாக இருக்கும்” என்று கூறப்பட்டுள்ளது. காத்திருப்பு பட்டியலில் உள்ள பயணிகளுக்கு இது மிகவும் பயனுள்ளதாக இருக்கும். அவர்களுக்கு காத்திருப்பு பட்டியல் நிலவரம் முன்கூட்டியே தெரிந்துவிடும். தூர இடங்களில் இருந்து வரும் பயணிகளுக்கு இது மிகவும் வசதியாக இருக்கும். டிக்கெட் கிடைக்கவில்லை என்றால் வேறு ஏற்பாடு செய்யவும் அவர்களுக்கு நேரம் கிடைக்கும்.
புதிய ப்யணிகள் முன்பதிவு திட்டத்தின் மூலம் டிக்கெட் சரிபார்ப்பு, டிக்கெட் பற்றிய தகவல்களை அறிதல் என்பது ஒரு நிமிடத்தில் 4 லட்சம் என்ற அளவில் இருந்து 40 லட்சமாக உயர்த்த முடியும். இந்த புதிய முறையில் பல மொழிகளில் டிக்கெட் முன்பதிவு செய்யலாம். இது உபயோகிக்க எளிதாகவும் இருக்கும். அஷ்வினி வைஷ்ணவ் தலைமையில் நடந்த கூட்டத்தில் இந்த முடிவுகள் எடுக்கப்பட்டன. இந்த திட்டத்தை Centre for Railway Information Systems (CRIS) என்ற அமைப்பு செய்து வருகிறது.
டிக்கெட் முன்பதிவு!
“புதிய PRS-ல் பயணிகள் தங்களுக்கு பிடித்த இடத்தை தேர்வு செய்யலாம். கட்டண விவரங்களையும் பார்க்கலாம்” என்று அதிகாரி ஒருவர் கூறினார். ஜூலை 1 முதல் IRCTC இணையதளம் மற்றும் மொபைல் செயலியில் தட்கல் டிக்கெட் முன்பதிவு செய்பவர்கள் கட்டாயம் பயனர் அங்கீகாரம் (user authentication) செய்ய வேண்டும்.
ரயில்வே துறையில் தற்போது அறிவிக்கப்பட்டுள்ள நிறைய மாற்றங்கள் அமலுக்கு வரும் போது பயணிகளுக்கு சிறப்பான அனுபவமாக இருக்கும். டிக்கெட் முன் பதிவு செய்யும் போது பயனர்களுக்கு எளிதாக, விரைவான சேவையை வழங்கும் போது டிக்கெட் முன் பதிவு செய்பவர்களின் எண்ணிக்கை மிக வேகமாக அதிகரிக்கும்.

தட்கல் முறையில் முன் பதிவு செய்யும் போது ஏற்படும் சில தொழில்நுட்ப சிக்கல்களும் சரி செய்யப்படும் பட்சத்தில் பயணிகள் நல்ல அனுபவத்தை பெறுவார்கள்.

குற்றம்தமிழ்நாடு

Namadhu Arasu June 30, 2025June 30, 2025 policesuspend, tamilnadu lockupdeath

விசாரணைக்கு சென்றவர் உயிரிழப்பு… காவலர்கள் 6 பேர் அதிரடி சஸ்பெண்ட்..

சிவகங்கையில் விசாரனைக்கு அழைத்து செல்லப்பட்டவர் காவல் நிலையத்தில் உயிரிழந்த சம்பவம் பெரும் பதட்டத்தை ஏற்படுத்தி உள்ளது. காவல் நிலையத்தை முற்றுகையிட்டு உறவினர்கள் போராட்டம் நடத்தி உள்ளனர்.
சிவகங்கை மாவட்டம் மடப்புரம் கிராமத்தைச் சேர்ந்த அஜித் குமார் என்ற இளைஞர் மடப்புரம் பத்திரகாளியம்மன் கோயிலில் தற்காலிக ஊழியராக பணியாற்றி வந்தார். இவர் கோயிலுக்கு வந்த மதுரையைச் சேர்ந்த மருத்துவர் நிகிதாவின் காரை பார்க்கிங் பகுதிவரை எடுத்துச் சென்று நிறுத்தியுள்ளார். இதன் பின்னர், காரில் இருந்த 10 சவரன் தங்க நகைகள் இல்லாதது தெரியவந்ததால், மருத்துவர் நிகிதா திருப்புவனம் காவல் நிலையத்தில் புகார் அளித்தார்.
இதனை அடுத்து கோயிலுக்குச் சென்ற காவல்துறையினர் அஜித்குமாரை விசாரணை செய்ததுடன், அவரை தங்களது வாகனத்தில் அழைத்து சென்றுள்ளனர். இந்நிலையில், திடீரென அஜித்குமார் உயிரிழந்துவிட்டதாக கூறியதால் உறவினர்கள் அதிர்ச்சியடைந்தனர். திருப்புவனம் காவல்நிலையத்தில் வைத்து விசாரணை நடத்திய பின்னர், தனிப்படை காவலர்கள் 7 பேர், அஜித்குமாரை அருகில் உள்ள தோப்பிற்கு அழைத்துச் சென்று கடுமையாக தாக்கியதால் உயிரிழந்துவிட்டதாக உறவினர்கள் குற்றம்சாட்டினர்.
இதையடுத்து, திருப்புவனம் காவல்நிலைய காவலர்கள் பிரபு, கண்ணன், சங்கரமணிகண்டன், ராஜா, ஆனந்த், ராமச்சந்திரன் ஆகிய 6 பேரை சஸ்பெண்ட் செய்து மாவட்ட கண்காணிப்பாளர் உத்தரவிட்டார். எனினும், திருப்புவனம் காவல்நிலைய காவலர்களை கைதுசெய்ய வலியுறுத்தி அஜித்குமாரின் உறவினர்கள் 2-ஆவது நாளாக மடப்புரத்தில் போராட்டத்தில் ஈடுபட்டனர். உயிரிழந்த அஜித்குமாரின் உடல் மதுரை ராஜாஜி அரசு மருத்துவமனையில் வைக்கப்பட்டிருந்த நிலையில், சிவகங்கை மாவட்ட மாஜிஸ்திரேட் வேங்கடபிரசாத், அங்கு நேரில் சென்று குடும்பத்தினரிடம் விசாரணை நடத்தினார்.
அப்போது, அஜித்குமாரின் மரணத்தில் நீதி விசாரணை வேண்டும், குற்றவாளிகளைக் கடுமையாகத் தண்டிக்க வேண்டுமென உறவினர்கள் மனு அளித்தனர். அஜித்குமாரின் உடலை அவரது குடும்பத்தினர் பார்த்த பிறகு, உடற்கூராய்வுக்கு சம்மதம் தெரிவித்தனர். இதையடுத்து, வீடியோ பதிவு செய்யப்பட்டு, உரிய விதிமுறைகளின்படி, உடற்கூராய்வு செய்யப்பட்டு, குடும்பத்தினரிடம் உடல் ஒப்படைக்கப்பட்டது. இதையடுத்து, சொந்த ஊரான மடப்புரம் கிராமத்திற்கு உடல் கொண்டு செல்லப்பட்டு இறுதிச்சடங்கு நடைபெற்றது.
இந்த நிலையில், இளைஞர் உயிரிழந்த சம்பவத்திற்கு பல்வேறு அரசியல் கட்சித் தலைவர்களும் கண்டனம் தெரிவித்துள்ளனர். ஜெய்பீம் படம் பார்த்தேன் உள்ளம் உலுக்கியது என கூறிய முதலமைச்சர் எங்கே இருக்கிறார் என கூறி அதிமுக பொதுச்செயலாளர் எடப்பாடி பழனிசாமி வினவியுள்ளார். விசாரணை எனும் போர்வையில் இளைஞரை அடித்து துன்புறுத்தியதாக உறவினர்கள் கூறுவது ‘Lockup’ மரணமோ என்ற சந்தேகத்தை எழுப்புவதாக பாஜக மாநிலத் தலைவர் நயினார் நாகேந்திரன் தெரிவித்துள்ளார். இளைஞர் மரண விவகாரத்தில் தொடர்புடைய காவலர்கள் மீது கொலை வழக்குப்பதிவு செய்து கைது செய்ய வேண்டும் என நாம்தமிழர் கட்சி தலைமை ஒருங்கிணைப்பாளர் சீமான் தெரிவித்துள்ளார்.

இந்தியா உலகம்வணிகம்

Namadhu Arasu June 28, 2025June 28, 2025 India, trumph

இந்தியாவுடன் மிகப்பெரிய வர்த்தக ஒப்பந்தம்: சீனாவுக்கு சூசகமாக தெரிவித்த டிரம்ப்

அமெரிக்க அதிபர் டொனால்ட் டிரம்ப், இந்தியாவுடன் “மிகப் பெரிய வர்த்தக ஒப்பந்தம்” ஒன்று குறித்து மறைமுகமாக சுட்டிக்காட்டியுள்ளார். ஜூலை 9 ஆம் தேதி அமெரிக்காவின் வர்த்தக வரி நிறுத்தம் முடிவடைவதற்கு முன்னதாக, வாஷிங்டனும் புதுடெல்லியும் ஒரு ஒப்பந்தத்தை இறுதி செய்ய தொடர்ந்து பேச்சுவார்த்தை நடத்தி வருகின்றன.
ஏப்ரல் 2 ஆம் தேதி, இந்தியப் பொருட்களுக்கு 26 சதவீத பரஸ்பர வரியை அமெரிக்கா அறிவித்தது. பின்னர் 90 நாள் இடைக்கால சலுகை அளிக்கப்பட்டது, அது ஜூலை 9 அன்று முடிவடைகிறது.

“நாங்கள் எந்தவொரு நாட்டோடும் சும்மா ஒப்பந்தங்கள் செய்வதில்லை. அனைவரும் ஒரு ஒப்பந்தம் செய்ய விரும்புகிறார்கள், அதன் ஒரு பகுதியாக இருக்க விரும்புகிறார்கள். சில மாதங்களுக்கு முன்பு, பத்திரிகைகள், ‘உங்களுக்கு உண்மையில் ஆர்வம் உள்ள யாரும் இல்லையா?’ என்று கேட்டன.

சரி, நாங்கள் நேற்றுதான் சீனாவுடன் ஒப்பந்தம் செய்தோம். எங்களிடம் சில சிறந்த ஒப்பந்தங்கள் உள்ளன. இந்தியாவுடன் ஒரு பெரிய ஒப்பந்தம் வரலாம். இந்தியா தெரிவிக்கும். சீன ஒப்பந்தத்தில், நாங்கள் சீனாவைத் தெரிவிக்க வைக்கத் தொடங்கினோம்,” என்று அமெரிக்க அதிபர் கூறினார்.
வியாழக்கிழமை உள்ளூர் நேரம் வாஷிங்டன் டி.சி.யில் நடைபெற்ற ஒரு “பிக் பியூட்டிஃபுல் பில்” நிகழ்வில் பேசிய டிரம்ப், சீனாவுடன் கையெழுத்திட்ட ஒப்பந்தத்தின் விவரங்கள் குறித்தோ, அல்லது இந்தியாவுடன் ஒரு பெரிய வர்த்தக ஒப்பந்தத்திற்கான வாய்ப்பு குறித்தோ விரிவாகப் பேசவில்லை.

“நாங்கள் அனைவருடனும் ஒப்பந்தங்கள் செய்யப் போவதில்லை. சிலருக்கு நாங்கள் ஒரு கடிதம் அனுப்பி, மிக்க நன்றி என்று கூறிவிடுவோம். நீங்கள் 25, 35, 45 சதவீதம் செலுத்தப் போகிறீர்கள். இதுதான் எளிதான வழி, என் மக்கள் அதை அப்படி செய்ய விரும்பவில்லை. அவர்கள் அதில் சிலவற்றைச் செய்ய விரும்புகிறார்கள், ஆனால் நான் செய்வதை விட அதிகமான ஒப்பந்தங்களைச் செய்ய விரும்புகிறார்கள்,” என்று அவர் கூறினார்.

இந்த மாத தொடக்கத்தில், அமெரிக்க வர்த்தக பேச்சுவார்த்தையாளர்கள் ஒப்பந்தம் குறித்து விவாதிக்க இந்தியா வந்திருந்தனர். பரஸ்பர வரிகளுக்கான ஜூலை 8 காலக்கெடு இன்னும் சில வாரங்களே உள்ள நிலையில், வர்த்தகப் பேச்சுவார்த்தைகளில் தங்கள் சிறந்த சலுகைகளை அளிக்குமாறு அமெரிக்கா நாடுகளைக் கேட்டுக் கொண்டதாக வெள்ளை மாளிகை தெரிவித்திருந்தது.

“கடிதத்தின் தகுதிகள் மற்றும் உள்ளடக்கத்தை நான் உறுதிப்படுத்த முடியும். அமெரிக்க வர்த்தகப் பிரதிநிதி (USTR) இந்த கடிதத்தை எங்கள் வர்த்தகப் பங்காளிகள் அனைவருக்கும் அனுப்பினார், காலக்கெடு நெருங்குகிறது என்பதை அவர்களுக்கு ஒரு நட்புரீதியான நினைவூட்டலாக,” என்று வெள்ளை மாளிகை செய்தித் தொடர்பாளர் கரோலின் லீவிட் கூறியிருந்தார்.

அமெரிக்க வர்த்தகச் செயலாளர் ஹோவர்ட் லட்னிக் கூறுகையில், அமெரிக்கா மேம்பட்ட உற்பத்தியை மீண்டும் கொண்டு வரவும், இந்தியாவுக்கான ஏற்றுமதியை அதிகரிப்பதன் மூலம் வர்த்தகப் பற்றாக்குறையை ஈடுசெய்யவும் நோக்கம் கொண்டுள்ளது. இரு தரப்பினரும் “உண்மையில் செயல்படும் ஒரு இடத்தைக் கண்டுபிடித்தனர்” என்றும் அவர் கூறினார்.

இதற்கிடையில், எண்ணெய் மற்றும் பாதுகாப்பு கொள்முதலை பல்வகைப்படுத்துவது நாட்டின் மூலோபாய நலன் சார்ந்தது என்றும், அமெரிக்காவில் இருந்து அதிகமாக வாங்குவது சரக்கு வர்த்தக இடைவெளியை கணிசமாக குறைக்க உதவும் என்றும் இந்திய அதிகாரிகள் சுட்டிக்காட்டியுள்ளனர். ஏப்ரல் 2025 இல் இந்தியாவின் எண்ணெய் இறக்குமதி சார்ந்து 90 சதவீதமாக உயர்ந்ததுடன், இந்தியாவின் சுத்திகரிப்புத் திறனும் அதிகரித்து வருகிறது.

Author: Namadhu Arasu

ரேஷன் கார்டில் மற்றம் செய்ய விரும்புவோர் இன்று நடக்கும் முகாமில் மாற்றம் செய்யலாம்…