Wednesday, October 14, 2026
Latest:

Author: Namadhu Arasu

சினிமாதமிழ்நாடு
Namadhu Arasu ,

 மோகன்லாலின் ‘எம்புரான்’ திட்டமிட்டபடி ரிலீஸ்.. ரசிகர்கள் உற்சாகம்!

மோகன்லால் நடிப்பில் பிருத்விராஜ் இயக்கிய ‘எம்புரான்’ திரைப்படம் மார்ச் 27-ம் தேதி வெளியாவதில் இருந்த சிக்கல் நீங்கியது. லைகா மற்றும் ஆசிர்வாத் சினிமாஸ் தயாரித்தது.
மோகன்லாலின் ‘எம்புரான்’ திரைப்படம் வரும் மார்ச் 27-ம் தேதி வெளியாவதில் இருந்த சிக்கல் நீங்கியது. அதன்படி படம் திட்டமிட்டபடி வெளியாக உள்ளது.
நடிகர் பிருத்விராஜ் இயக்கத்தில் மோகன்லால் நடிப்பில் கடந்த 2019-ஆம் ஆண்டு வெளியான படம் ‘லூசிஃபர்’. இதன் இரண்டாம் பாகத்துக்கு ‘எம்புரான்’ என தலைப்பிட்டு பணிகள் தொடங்கப்பட்டன.

முதல் பாகத்தில் நடித்த அனைத்து நடிகர்களுமே இதிலும் நடித்துள்ளனர். அவர்களோடு சில முன்னணி நடிகர்களும் நடித்திருக்கிறார்கள். இந்தப் படத்தின் படப்பிடிப்பு, 2023 அக்டோபர் 5-ம் தேதி, ஃபரிதாபாத்தில் தொடங்கியது.
கோகுலம் மூவிஸ் நிறுவனம் லைகா முதலீடு செய்த பணத்தை கொடுத்துவிட்டதால் பிரச்சினைகளுக்கு முற்றுப்புள்ளி வைக்கப்பட்டது. இந்நிலையில் படம் வரும் மார்ச் 27-ம் தேதி திட்டமிட்டபடி திரையரங்குகளில் வெளியாகிறது.
இதன் படப்பிடிப்பு, உலகம் முழுக்க பல இடங்களில் நடைபெற்றது. அதில் ஷிம்லா, லே, ஐக்கிய அரசுகள், ஐக்கிய அமெரிக்க நாடுகள், சென்னை, குஜராத், ஐக்கிய அரபு அமீரகம், மும்பை மற்றும் கேரளா ஆகிய இடங்கள் அடங்கும்.

Read More
சினிமாதமிழ்நாடு
Namadhu Arasu ,

சிவகார்த்திகேயனின் ‘பராசக்தி’ படத்தில் இணைந்த மலையாள நடிகர்..

சிவகார்த்திகேயன் நடிக்கும் ‘பராசக்தி’ படத்தில் மலையாள நடிகர் பேசில் ஜோசப் இணைந்துள்ளார். சுதா கொங்கரா இயக்கத்தில் உருவாகும் இப்படத்திற்கு ஜி.வி.பிரகாஷ் குமார் இசையமைக்கிறார்.
சிவகார்த்திகேயன் நடிக்கும் ‘பராசக்தி’ படத்தில் மலையாள நடிகர் இணைந்துள்ளார். இதனால் படத்தின் மீதான எதிர்பார்ப்பு மேலும் அதிகரித்துள்ளது.
சுதா கொங்கரா இயக்கத்தில் சிவகார்த்திகேயன் நடிக்கும் படம் ‘பராசக்தி’. ரவி மோகன், அதர்வா, ஸ்ரீலீலா என பெரும் நடிகர்கள் பட்டாளமே நடிக்கும் இப்படத்துக்கு ஜி.வி.பிரகாஷ் குமார்
ஆகாஷ் பாஸ்கரன் படத்தை தயாரிக்கிறார். இந்தப் படத்தின் படத்தின் படப்பிடிப்பு இலங்கையில் நடைபெற்று வருகிறது. இதில் அனைத்து நடிகர்களும் பங்குபெறும் சில முக்கிய காட்சிகளை படக்குழு படமாக்கி வருகிறது.
இதில் முன்னணி மலையாள நடிகரும், இயக்குநருமான பேசில் ஜோசப் இணைந்துள்ளார். அவரும் ரவி மோகனும் படப்பிடிப்பு தளத்தில் இருக்கும் புகைப்படங்கள் இணையத்தில் வெளியாகி இருக்கிறது.

Read More
சினிமாதமிழ்நாடு
Namadhu Arasu ,

7,500 பாடல்களை எழுதியுள்ள வைரமுத்து 10,000 பாடல்களை வைரமுத்து எழுத வேண்டும் – மு.க.ஸ்டாலின்

முதலமைச்சர் ஸ்டாலின், வைரமுத்து 7,500 பாடல்களை எழுதியுள்ளார், 10,000 பாடல்கள் எழுத வேண்டும் என்றார். வைரமுத்து பன்னாட்டு கருத்தரங்கத்தில் அவரது ஆங்கில மொழிபெயர்ப்பு நூல் வெளியிடப்பட்டது.
முதலமைச்சர் ஸ்டாலின், வைரமுத்து 7,500 பாடல்களை எழுதியுள்ளார், 10,000 பாடல்கள் எழுத வேண்டும் என்றார். வைரமுத்து பன்னாட்டு கருத்தரங்கத்தில் அவரது ஆங்கில மொழிபெயர்ப்பு நூல் வெளியிடப்பட்டது.

Read More
தமிழ்நாடு
Namadhu Arasu ,

தமிழ்நாடு வேளாண் பட்ஜெட் – கரும்பு டன்னுக்கு ரூ.3500 வழங்கப்படும்-live

தமிழ்நாடு அரசு வேளான் பட்ஜெட்டை அமைச்சர் எம்.ஆர்.கே பன்னீர் செல்வம் தாக்கல் செய்து வருகிறார்.
வேதாரண்யம் முல்லை, நத்தம் புளி, கப்பல்பட்டி முருங்கை, நல்லூர் வரகு மற்றும் ஆயக்குடி கொய்யாவிற்கு புவிசார் குறியீடு பெற நடவடிக்கை எடுக்கப்படும்.

4 ஆண்டுகளில் 35 வேளான் விளை பொருட்களுக்கு புவிசார் குறியீடு பெறப்பட்டுள்ளன என அமைச்சர் எம்.ஆர்.கே பன்னீர்செல்வம் அறிவிப்பு.

மேலும் மலர்கள் சாகுபடி செய்யும் உழவர்களுக்கு மானியம் வழங்கிட ரூ.8.51 கோடி ஒதுக்கீடு செய்யப்படும். பாரம்பரிய மலரான மல்லிகை சாகுபடியை அதிகரிக்க ரூ.1.60 கோடியும், ஒதுக்கப்பட்டுள்ளது.

மதுரை மல்லிக்கான சிறப்பு திட்டத்திற்கான கீழ் 3000 ஏக்கரில் மல்லி பயிர் செய்ய ஊக்குவிக்கப்படும் எனவும், ரோஜா மலர் சாகுபடியை ஊக்குவிக்க ரூ.1 கோடி நிதி ஒதுக்கீடு செய்யப்பட்டுள்ளது.
பனை மேம்பாட்டு இயக்கம் ரூ.1.65 கோடி ஒதுக்கீடு
பனைமரங்களில் எண்ணிக்கையை அதிகரிக்க, பனை சார்ந்த தொழில்களை ஊக்குவிக்க ரூ.1.65 கோடி ஒதுக்கீடு.

தென்காசி, திண்டுக்கல், தேனி, நீலகிரி, கள்ளக்குறிச்சி, சேலம் மாவட்டங்களில் அவகாடீ சாகுபடியை ஊக்குவிக்க ரூ.69 லட்சம் ஒதுக்கீடு செய்யப்பட்டுள்ளது.
டெல்டா அல்லாத மாவட்டங்களில் பயிர் சாகுபடி அதிகரிக்க சிறப்பு தொகுப்பு திட்டமாக ரூ.102 கோடி ஒதுக்கீடு.

புதிய ரக பலாப்பழங்கள் சாகுபடியை பரவலாக்கம் செய்யத்திட்டம். மேலும் பாரம்பரிய காய்கறி ரகங்களின் சாகுபடியை 2,500 ஏக்கரில் மேற்கொள்ள ரூ.2.4 கோடி ஒதுக்கீடு செய்யப்பட்டுள்ளது.

மேலும் முந்திரி உற்பத்தியை அதிகரிக்கவும் முந்திரி சார்ந்த தொழில் நிறுவனங்களுக்கு ஊக்கமளிக்கவும் முந்திரி தொழிலில் ஈடுபட்டுள்ள தொழிலாளர்களின் நலனை பாதுகாக்கவும் முந்திரி வாரியம் அமைக்க ரூ. 10 கோடி ஒதுக்கப்பட்டுள்ளது.

புதிய பலா ரகங்களை பரவலாக்கவும், பலாவில் ஊடுபயிர் சாகுபடியை மேற்கொள்ளவும், பலா மதிப்புக் கூட்டுதலுக்கான பயிற்சி வழங்கவும் ரூ.5 கோடி ஒதுக்கப்பட்டுள்ளது.
கரும்பு விவசாயிகளுக்கு ஒரு டன்னுக்கு ரூ.3500 வழங்கப்படும் என அறிவிப்பு.

கரும்பு விவசாயிகளுக்கு சிறப்பு ஊக்கத்தொகையாக வழங்க ரூ.297 கோடி ஒதுக்கீடு செய்யப்பட்டுள்ளது. கரும்பு சாகுபடி மேம்பாட்டுத் திட்டத்திற்காக ரூ.10.63 கோடி ஒதுக்கப்பட்டுள்ளது.

மேலும் துவரம் பருப்பு சாகுபடிக்கு ரூ. 80 லட்சம் ஏக்கரில் துவரை பயிரிட ஊக்குவிக்கப்படும்.
உயர் விளைச்சல் ஈட்டும் விவசாயிகளுக்கு ரூ.2.50 லட்சம் முதல் பரிசாக வழங்கப்படும்.

மேலும் 100 விவசாயிகளை நெல் உற்பத்தியில் சாதனை படைத்துள்ள நாடுகளுக்கு அழைத்து செல்லப்படுவார்கள் என அறிவிப்பு. இதற்காக ரூ.2 கோடி ஒதுக்கீடு செய்யப்பட்டுள்ளது.

இயற்கை சீற்றங்களால் ஏற்படும் இழப்பிற்கு பயிர் காப்பிட்டு திட்டத்திற்கு ரூ.841 கோடி ஒதுக்கீடு.

எண்ணெய் வித்து உற்பத்தியை ஊக்குவிக்க ரூ.108 கோடி ஒதுக்கீடு செய்யப்பட்டுள்ளது.
ரூ.22 கோடி மதிப்பில் மழைவாழ் உழவர் முன்னேற்றத் திட்டம்
நெல் சாகுபடிப் பரப்பை அதிகரித்து உணவு உற்பத்தியில் தன்னிறைவு அடைய நெல் சிறப்புத் தொகுப்பு திட்டத்திற்காக ரூ.160 கோடி ஒதுக்கீடு செய்யப்பட்டுள்ளது.

மக்காச்சோள சாகுபடிப் பரப்பு, உற்பத்தி மற்றும் உற்பத்தித்திறனை அதிகரிக்க, ‘மக்காச்சோள உற்பத்தி மேம்பாட்டுத் திட்டத்தில் ரூ.40.27 கோடி ஒதுக்கீடு,

மேலும் ரூ.22 கோடியே 80 லட்சம் மதிப்பீட்டில் மலைவாழ் உழவர்கள் பயனடையும் வகையில், மழைவாழ் உழவர் முன்னேற்றத் திட்டம் அறிமுகப்படுத்தப்பட்டுள்ளது.
ஹெக்டேருக்கு ரூ.2000 வீதம் விவசாயிகளுக்கு வழங்கப்படும்
கோடை உழவை 3 லட்சம் ஏக்கராக அதிகரிக்க ரூ.24 கோடி ஒதுக்கீடு செய்யப்பட்டுள்ளது. ஹெக்டேருக்கு ரூ.2000 வீதம் விவசாயிகளுக்கு வழங்கப்படும்.

நெல் விவசாயிகளுக்கு 4 ஆண்டுகளில் ரூ.1452 கோடி ஊக்கத்தொகை வழங்கப்பட்டுள்ளது. மேலும் விவசாயிகளுக்கு 46 லட்சம் தென்னங்கன்றுகள் வழங்கப்பட்டுள்ளன.

எஸ்.சி., எஸ்.டி விவசாயிகளுக்கான 60 – 70% மானியம் வழங்கும் திட்டத்தில் 15,800 பேர் பயனடைந்துள்ளனர். மேலும் 95 லட்சத்து 68,000 ஏக்கர் பரப்பளவு பாசன வசதி பெற்றுள்ளது என அமைச்சர் அறிவிப்பு.
2023 – 24இல் ரூ.3.58 லட்சம் கோடி கடன்
இதுவரை 30 லட்சம் விவசாயிகளுக்கு ரூ. 5,242 கோடி பயிர் காப்பீடு செய்யப்பட்டுள்ளதாகவும், விவசாயிகளுக்கு வணிக வங்கிகள் மூலம் 2023 – 24இல் ரூ.3.58 லட்சம் கோடி கடன் வழங்கப்பட்டுள்ளதாக அமைச்சர் அறிவித்துள்ளார்.

நெல் சாகுபடி பரப்பை அதிகரிக்க குறுவை சாகுபடி சிறப்பு தொகுப்புக்காக ரூ.58 கோடி ஒதுக்கீடு செய்யப்பட்டுள்ளது என்றும், 1000 உழவர் நல சேவை மையங்கள் அமைக்க ரூ.42 கோடி ஒதுக்கப்பட்டுள்ளது என்றும் அமைச்சர் அறிவிப்பு.

Read More
தமிழ்நாடுநிகழ்ச்சிகள்
Namadhu Arasu ,

தமிழ்நாடு உழைக்கும் பத்திரிகையாளர் சங்கத்தின் மருத்துவ காப்பீடு…

தமிழ்நாடு உழைக்கும் பத்திரிகையாளர் சங்கத்தின் சார்பாக ராயப்பேட்டையில் உள்ள தலைமை அலுவலகத்தில் உறுப்பினர்களுக்கான மருத்துவ காப்பீடு முகாம் (By Chettinad Hospital) இன்று காலை 10 மணி அளவில் இனிதே துவங்கியது.
உறுப்பினர்கள் வருகை தந்து காப்பீடு அட்டையிணை பெற்று மகிழ்ச்சியுடன் சென்றனர்.

Read More
சினிமாதமிழ்நாடுநிகழ்ச்சிகள்
Namadhu Arasu ,

இளையராஜாவின் அரை நூற்றாண்டு திரையிசை பயணத்தை கொண்டாட அரசு முடிவு – மு.க.ஸ்டாலின்

இசைஞானி இளையராஜாவின் அரை நூற்றாண்டு காலத் திரையிசைப் பயணத்தை கொண்டாட அரசு முடிவெடுத்துள்ளதாக முதலமைச்சர் மு.க.ஸ்டாலின் அறிவித்துள்ளார்.
இசைஞானி என ரசிகர்களால் கொண்டாடப்படும் இளையராஜா சில மாதங்களுக்கு முன்பு சிம்பொனி இசையை 35 நாட்களில் எழுதி முடித்ததாகக் கூறி அனைவரையும் வியப்பில் ஆழ்த்தினார். தான் இசையமைத்த ‘வேலியண்ட்’ என பெயரிடப்பட்ட சிம்பொனி இசையை லண்டனில் மார்ச் 8 ஆம் தேதி அரங்கேற்ற உள்ளதாகவும் அவர் அறிவித்தார்.

இதைத்தொடர்ந்து முதலமைச்சர் மு.க.ஸ்டாலின் இளையராஜாவின் ஸ்டுடியோவிற்கு நேரில் சென்று நினைவுப்பரிசு வழங்கி சிம்பொனி இசை நிகழ்ச்சிக்காக வாழ்த்து தெரிவித்தார். அதிமுக, காங்கிரஸ், விசிக, பாமக, நாம் தமிழர் உள்ளிட்ட அரசியல் கட்சித் தலைவர்கள் மற்றும் திரைபிரபலங்களும் இளையராஜாவிற்கு நேரில் வாழ்த்து தெரிவித்தனர்.
அதன்பின்னர் இளையராஜா தான் இசையமைத்த சிம்பொனி இசையை லண்டனில் கடந்த 8 ஆம் தேதி அரங்கேற்றம் செய்து ஆசியாவின் முதல் சிம்பொனி கலைஞர் என்ற சாதனையை படைத்தார்.

சிம்பொனி இசை அரங்கேற்றத்தை முடித்துவிட்டு சென்னை திரும்பிய அவருக்கு தமிழ்நாடு அரசு சார்பில் சிறப்பான வரவேற்பு அளிக்கப்பட்டது. அரசு சார்பில் நிதி அமைச்சர் தங்கம் தென்னரசு நேரில் சென்று இளையராஜாவிற்கு மாலை அணிவித்து வரவேற்றார். பாஜக, விடுதலை சிறுத்தைகள் கட்சி உள்ளிட்ட அரசியல் கட்சி பிரதிநிதிகள், திரையுலகினரும் உற்சாக வரவேற்பு அளித்தனர்.

Read More
தமிழ்நாடு
Namadhu Arasu , ,

TN Budget 2025 | 2025 – 26 ஆம் ஆண்டுக்கான தமிழக பட்ஜெட் இன்று தாக்கல் 

தமிழக அரசின் 2025 – 26-ம் ஆண்டுக்கான தமிழக பட்ஜெட் இன்று சட்டப்பேரவையில் தாக்கல் செய்யப்பட உள்ளது. இந்த பட்ஜெட் குறித்து பேசிய முதல்வர் ஸ்டாலின், தமிழ்நாட்டின் பரவலான வளர்ச்சியை உறுதி செய்திடும் வகையில் பட்ஜெட் தயாரிக்கப்பட்டு இருப்பதாக தெரிவித்துள்ளார்.
2025-26 ஆம் நிதியாண்டிற்கான தமிழ்நாடு அரசின் நிதிநிலை அறிக்கை இன்று தாக்கல் செய்யப்படுகிறது. நிதித்துறை அமைச்சர் தங்கம் தென்னரசு காலை 9.30 மணிக்கு நிதிநிலை அறிக்கையை தாக்கல் செய்கிறார். அடுத்த ஆண்டு சட்டப்பேரவைத் தேர்தல் நடைபெறும் நிலையில், திமுக அரசின் முழுமையான பட்ஜெட் இதுவாகும்.

எனவே புதிய அறிவிப்புகள், சலுகைகள் இடம் பெறுமா என்ற எதிர்பார்ப்பு நிலவுகிறது. குறிப்பாக மகளிர் உரிமைத் தொகையாக மாதந்தோறும் ரூ.1000 வழங்கப்பட்டு வரும் நிலையில், அது உயர்த்தப்படுமா, பயனாளிகளின் எண்ணிக்கை அதிகரிக்கப்படுமா என்ற எதிர்பார்ப்பு ஏற்பட்டுள்ளது.
மத்திய அரசு எட்டாவது ஊதியக் குழுவை அமைத்துள்ள நிலையில், தமிழக அரசு என்ன செய்யப் போகிறது என அரசு ஊழியர்கள், ஆசிரியர்கள் ஆவலுடன் காத்திருக்கின்றனர். இதேபோல அரசுப் பணிகளில் உள்ள காலி இடங்களை நிரப்புவதற்கு சிறப்பு அறிவிப்பு ஏதேனும் வெளியாகுமா என இளைஞர்கள் காத்திருக்கின்றனர். பால் கொள்முதலை அதிகரிக்க அரசு கூடுதல் கவனம் செலுத்த வேண்டும் என்று விவசாயிகள் கேட்டுக் கொண்டனர்.
திமுக தனது தேர்தல் வாக்குறுதியில் அரசு ஊழியர்கள், ஆசிரியர்களின் பல கோரிக்கைகளை நிறைவேற்றுவதாக தெரிவித்திருந்தது. உதாரணமாக பழைய ஓய்வூதிய திட்டத்தை நிறைவேற்றுவோம், பகுதிநேர ஆசிரியர்களை நிரந்தரமாக்குவோம் என்பன உள்ளிட்ட வாக்குறுதிகள் இடம்பெற்றிருந்தன.
ஆனால் நிதிநிலைமையை காரணம் காட்டி மேற்குறிப்பிட்ட வாக்குறுதிகள் நிறைவேற்றப்படவில்லை. அதுமட்டுமல்லாமல் காலி பணியிடங்கள் நிறைவேற்றப்படாததால் பல்வேறு துறைகளில் அரசு ஊழியர்களுக்கும், ஆசிரியர்களுக்கும் பணிச்சுமையால் அவதிப்படுகின்றனர்.
மத்திய அரசின் நிதிப் பங்களிப்பு போதுமானதாக இல்லாத நிலையில், நிதி சிக்கலையும் எதிர்கொள்ள வேண்டிய நிலையில், தமிழ்நாடு அரசு உள்ளது. குறிப்பாக புதிய கல்வி கொள்கையை ஏற்காத காரணத்தால் 2 ஆயிரம் கோடி ரூபாய் நிதியை மத்திய அரசு நிறுத்தி விட்டது. இதன் காரணமாக கல்வித்துறைக்கு வரும் நிதியாண்டில் கூடுதல் நிதி ஒதுக்க வேண்டிய நிலை உருவாகி உள்ளது.
பட்ஜெட் கூட்டத்தொடர் தொடங்கியது. சபாநாயகர் அப்பாவு தற்போது பேசி வருகிறார். இவரைத் தொடர்ந்து நிதியமைச்சர் தங்கம் தென்னரசு பட்ஜெட் தாக்கல் செய்யவுள்ளார்.

எதிர்க்கட்சிகள் அறையில் எடப்பாடி பழனிசாமி தலைமையில் அதிமுக எம்.எல்.ஏக்கள் ஆலோசனையில் ஈடுபட்டு வருகின்றனர். பட்ஜெட் கூட்டத்தொடரில் எப்படி நடந்து கொள்ள வேண்டும் என்று ஆலோசனைகள் வழங்கப்படும் எனத் தெரிகிறது.

‘ததும்பி வழியும் தமிழ்ப் பெருமிதம்’ உலகை வெல்லும் உயர் தொழில்நுட்பம்..! என்ற வாசகத்துடன் திருவள்ளுவர் சிலையுடன் மற்றொரு தமிழ்நாடு பட்ஜெட் புகைப்படத்தை தமிழ்நாடு அரசு வெளியிட்டுள்ளது.
பிரம்மாண்ட திரையில் ஒளிபரப்பு
இந்நிலையில் இன்று தாக்கல் செய்யப்படும் தமிழக பட்ஜெட் 2025 பொதுமக்கள் நேரலையில் பார்க்கும் வகையில் மாநிலம் முழுவதும் 936 இடங்களில் பிரம்மாண்ட திரைகள் அமைக்கப்பட்டுள்ளன. இதில் ஒளிபரப்புவதன் மூலம் மக்கள் உடனுக்குடன் பட்ஜெட் அறிவிப்புகளை தெரிந்து கொள்ள முடியும். இப்படி ஒரு ஏற்பாடு முதல் முறை செய்யப்பட்டுள்ளது.

Read More
சினிமாதமிழ்நாடு
Namadhu Arasu , ,

இந்த ஆண்டில் இதுவரை வெளியான 45 தமிழ் படங்களில் 4 படங்கள் மட்டும் தான் ஹிட்.. என்ன படங்கள்?

2025-ம் ஆண்டு தொடங்கி 3-வது மாதத்தில் இருக்கிறோம். இதுவரை தமிழ் சினிமாவில் வெளியான பல படங்கள் தோல்வியை தழுவின. சில படங்கள் ரசிகர்களிடையே நல்ல வரவேற்பை பெற்றுள்ளன.
அந்த வகையில் இந்த ஆண்டு இதுவரை 45 படங்கள் தமிழில் வெளியானதாகவும், அதில் 4 படங்கள் மட்டுமே வசூல் ரீதியாக வெற்றியடைந்துள்ளதாகவும், தயாரிப்பாளர் தனஞ்செயன் கூறியுள்ளார். அது என்ன படங்கள் என்பது குறித்து பார்ப்போம்.
சுந்தர்.சி இயக்கத்தில் விஷால், சந்தானம், அஞ்சலி, வரலட்சுமி சரத்குமார் உள்ளிட்ட பலர் நடித்த படம் ‘மதகஜராஜா’. கிட்டத்தட்ட 12 ஆண்டுகளுக்குப் பின் பொங்கல் பண்டிகையை முன்னிட்டு திரையரங்குகளில் வெளியான படம் ரசிகர்களிடையே வரவேற்பை பெற்றது. ரூ.15 கோடி பட்ஜெட்டில் உருவானதாக கூறப்படும் இப்படம் மொத்தமாக ரூ.50 கோடிக்கும் அதிகமாக வசூலித்துள்ளதாக தகவல் வெளியாகியுள்ளது.
ராஜேஷ்வர் காளிசாமி இயக்கத்தில் மணிகண்டன், குரு சோமசுந்தரம் உள்ளிட்ட பலர் நடிப்பில் கடந்த ஜனவரி 24-ம் தேதி திரையரங்குகளில் வெளியான படம் ‘குடும்பஸ்தன்’. நக்கலைட்ஸ் யூடியூப் குழுவினரின் வெள்ளித்திரை முயற்சியான இப்படம் ரசிகர்களிடையே நல்ல வரவேற்பை பெற்றது. ரூ.8 கோடி பட்ஜெட்டில் உருவானதாக கூறப்படும் இப்படம் ரூ.30 கோடிக்கும் அதிகமாக வசூலித்துள்ளதாக தகவல் வெளியாகியுள்ளது.
மகிழ்திருமேனி இயக்கத்தில் அஜித் நடிப்பில் கடந்த பிப்ரவரி 6-ம் தேதி திரையரங்குகளில் வெளியான படம் ‘விடாமுயற்சி’. த்ரிஷா, அர்ஜுன், உள்ளிட்ட பலர் நடித்துள்ள இந்தப் படம் அனிருத் இசையமைத்துள்ளார். படம் வெளியாகி கலவையான விமர்சனங்களைப் பெற்றபோதிலும், திரையரங்குகள், டிஜிட்டல் ரைட்ஸ் உள்ளிட்டவற்றில் வசூல் ஈட்டியுள்ளதாக கூறப்படுகிறது.
அஸ்வத் மாரிமுத்து இயக்கத்தில் பிரதீப் ரங்கநாதன் நடிப்பில் பிப்ரவரி 21-ம் தேதி திரையரங்குகளில் வெளியான படம் ‘டிராகன்’. அனுபமா பரமேஸ்வரன், கயாடு லோஹர், மிஷ்கின் உள்ளிட்ட பலர் நடித்த இந்தப் படத்துக்கு லியோன் ஜேம்ஸ் இசையமைத்துள்ளார். ரூ.36 கோடி பட்ஜெட்டில் உருவானதாக கூறப்படும் இப்படம் ரூ.50 கோடியை தாண்டி வசூலித்து வருகிறது.

Read More
தமிழ்நாடுநிகழ்ச்சிகள்
Namadhu Arasu , , , ,

தொகுதி மறுவரையறை விவகாரம்.. கர்நாடகா, ஆந்திராவுக்கு சென்ற தமிழக அரசின் குழுக்கள்!

தொகுதி மறுவரையறை தொடர்பாக சென்னையில் நடக்க உள்ள கூட்டத்தில் பங்கேற்கும்படி கர்நாடக முதலமைச்சருக்கு, தமிழ்நாடு முதலமைச்சர் ஸ்டாலின் தொலைபேசி மூலம் அழைப்பு விடுத்தார்.
புதிய மக்கள் தொகை கணக்கெடுப்பின்படி, நாடாளுமன்றத் தொகுதி மறுவரையறை செய்ய எதிர்ப்புத் தெரிவித்து, சென்னையில் கடந்த 5ஆம் தேதி அனைத்துக்கட்சி கூட்டம் நடந்தது. அப்போது, தென் மாநில கட்சிகளின் பிரதிநிதிகள் அடங்கிய கூட்டு நடவடிக்கை குழுவை அமைப்பது என தீர்மானம் நிறைவேற்றப்பட்டது.

இந்த தீர்மானத்தின் அடிப்படையில், தொகுதி மறுவரையறையால் பாதிக்கப்படும் மாநிலங்களில் உள்ள கட்சிகளின் தலைவர்களை திமுக பிரமுகர்கள் சந்தித்து வருகின்றனர். இதன் ஒரு பகுதியாக பெங்களூரு சென்ற அமைச்சர் பொன்முடி, திமுக எம்பி அப்துல்லா அடங்கிய குழு, கர்நாடக முதலமைச்சர் சித்தராமையாவை சந்தித்து, தென் மாநிலக் கட்சித் தலைவர்கள் கூட்டத்தில் பங்கேற்க அழைப்பு விடுத்தது.
அப்போது, கர்நாடக முதலமைச்சரிடம் தொலைபேசியில் பேசிய தமிழ்நாடு முதலமைச்சர் மு.க.ஸ்டாலின், வரும் 22ஆம் தேதி சென்னையில் நடக்கும் கூட்டத்தில் பங்கேற்க அழைப்பு விடுத்தார். அதற்கு பதில் அளித்த சித்தராமையா, ஜனநாயகத்தை பலவீனப்படுத்தும், கூட்டாட்சிக்கு எதிரான மத்திய அரசின் கொள்கைகளை எதிர்க்க கர்நாடக அரசு முழு ஆதரவு அளிக்கும் என உறுதியளித்தார். மேலும், தொகுதி மறுசீரமைப்பு மட்டுமின்றி, தென்மாநில மக்களின் நலனைப் பாதிக்கும் மத்திய அரசின் செயல்பாடுகள் குறித்து ஆலோசிக்க வேண்டும் என முதலமைச்சர் ஸ்டாலினிடம் சித்தராமையா கேட்டுக் கொண்டார்.
இதனிடையே, ஆந்திர மாநிலத்திற்கு சென்ற அமைச்சர் எ.வ.வேலு, நாடாளுமன்ற உறுப்பினர் வில்சன் ஆகியோர், தெலுங்கு தேசம் கட்சியின் மாநிலத் தலைவர் பல்லா ஸ்ரீநிவாச ராவை சந்தித்தனர். அப்போது, நாடாளுமன்ற தொகுதி மறுவரையறை தொடர்பாக சென்னையில் நடைபெற உள்ள கூட்டு நடவடிக்கை குழு கூட்டத்தில் பங்கேற்குமாறு முதலமைச்சர் மு.க.ஸ்டாலின் சார்பில் அழைப்பு விடுத்தனர்.
இதன் பின்னர், ஆந்திர முன்னாள் முதலமைச்சரும், ஒய்.எஸ்.ஆர்., காங்கிரஸ் தலைவருமான ஜெகன் மோகன் ரெட்டியை சந்தித்த அமைச்சர் எ.வ.வேலு, முதலமைச்சர் மு.க.ஸ்டாலின் எழுதிய கடிதத்தை வழங்கி அழைப்பு விடுத்தார். இதேபோல, டெல்லியில் திரிணமூல் காங்கிரஸ் கட்சி எம்.பி., டெரிக் ஓ பிரையனை சந்தித்த திமுக எம்.பி., கனிமொழி உள்ளிட்டோர், சென்னையில் வரும் 22-ஆம் தேதி நடைபெறவுள்ள தொகுதி மறுவரையறை குறித்த கூட்டு நடவடிக்கைக் குழு கூட்டத்தில் கலந்து கொள்ள அழைப்பு விடுத்தார்.

Read More
ஆன்மீகம்தமிழ்நாடு
Namadhu Arasu , ,

மாசிமகம் கோலாகலம்… கும்பகோணம் மகாமக குளத்தில் தீர்த்தவாரி!

கும்பகோணத்தில் உள்ள மகாமக குளத்தில் தீர்த்தவாரி விமரிசையாக நடைபெற்றது.
கும்பகோணத்தில் 12 சைவத் திருக்கோயில்கள், 5 வைணவக் கோயில்கள் இணைந்து, 10 நாட்களுக்கு மாசி மகப்பெருவிழா கொண்டாடப்பட்டது. இதன் முக்கிய நிகழ்வான மாசிமகத்தை ஒட்டி, மகாமக குளத்தின் நான்கு கரைகளிலும் 12 சிவாலயங்களில் இருந்து உற்சவர்கள் பஞ்சமூர்த்திகளுடன் எழுந்தருளினர். அப்போது, ஆயிரக்கணக்கான பக்தர்கள் குளத்தில் புனிதநீராடி, சாமி தரிசனம் செய்தனர்.

இதனிடையே, கடலூர் வெள்ளி கடற்கரையில், மாசி மகத்தை ஒட்டி, ஆயிரக்கணக்கான மக்கள் முன்னோர்களுக்கு தர்ப்பணம் கொடுத்தனர். மயிலாடுதுறை காவிரி துலாக்கட்ட தீர்த்த படித்துறையிலும் நூற்றுக்கணக்கான மக்கள் தங்கள் முன்னோர்களுக்கு தர்ப்பணம் கொடுத்து வழிபாடு நடத்தினர்.

Read More