Monday, October 12, 2026
Latest:

Author: Namadhu Arasu

இந்தியாதமிழ்நாடுதொழில்நுட்பம்வணிகம்
Namadhu Arasu

வங்கிக் கணக்கில் இது முக்கியம்…கவனம் தேவை!

வருமான வரித்துறை பெரிய அளவிலான பண பரிவர்த்தனைகளை உன்னிப்பாகக் கண்காணித்து வருகிறது. சேமிப்புக் கணக்குகளில் டெபாசிட் தொகை, சொத்து வாங்குதல் மற்றும் விற்பனை, வெளிநாட்டுச் செலவுகள், கிரெடிட் கார்டு பில் செலுத்துதல், மின்சாரக் கட்டணங்கள் போன்றவற்றை தீவிரமாகக் கண்காணிக்கிறது. வரி ஏய்ப்பைத் தடுப்பதே இதன் நோக்கம் ஆகும். எனவே, யாராவது சந்தேகத்திற்கிடமான பண பரிவர்த்தனைகளைச் செய்தால் அவர்களுக்கு நேரடியாக நோட்டீஸ் அனுப்பப்படும்.
உங்களுடைய வங்கிக் கணக்கில் இந்த விஷயங்களில் எல்லாம் மிகவும் எச்சரிக்கையாக இருக்க வேண்டும். இல்லாவிட்டால் வருமான வரித் துறை நோட்டீஸ் வீடு தேடி வரும்.
வங்கிகள், மியூச்சுவல் ஃபண்ட் நிறுவனங்கள் மற்றும் நிதி நிறுவனங்கள் அதிக மதிப்புள்ள பரிவர்த்தனைகளை வருமான வரித் துறைக்கு தெரிவிக்க வேண்டும். உதாரணமாக, ஒரு வருடத்தில் ஒரு சேமிப்புக் கணக்கில் ரூ. 10 லட்சம் அல்லது அதற்கு மேற்பட்ட வைப்புத்தொகை இருந்தால் உடனடியாகப் புகாரளிக்கப்படும். நடப்புக் கணக்கில் ரூ. 50 லட்சம் அல்லது அதற்கு மேற்பட்ட வைப்புத்தொகை இருந்தாலும் கவனிக்கப்படும்.
சொத்து பரிவர்த்தனைகள் ரூ. 30 லட்சம் அல்லது அதற்கு மேற்பட்டதாக இருந்தால் பதிவு அலுவலகம் தானாகவே அந்தத் தகவலைப் பகிர்ந்து கொள்ளும். ரூ. 1 லட்சத்திற்கு மேல் தொகைக்கு கிரெடிட் கார்டு பில் ரொக்கமாக செலுத்தப்பட்டாலோ அல்லது ரூ. 10 லட்சத்திற்கு மேல் தொகைக்கு ஆன்லைனில் அல்லது காசோலை மூலம் செலுத்தப்பட்டாலோ அதுவும் கண்காணிக்கப்படும்.
தகவல்கள் அனைத்தும் படிவம் 26AS மற்றும் வருடாந்திர தகவல் அறிக்கையில் தெரிவிக்கப்பட்டிருக்கும். நீங்கள் தாக்கல் செய்யும் வருமான வரி ரிட்டன் மற்றும் இந்தத் தகவல்கள் பொருந்தவில்லை என்றால் சந்தேகம் எழும். குறிப்பாக, வருடாந்திர செலவுகள் அதிகமாக இருந்தாலும் வருமானம் குறைவாக இருந்தால் வருமான வரித் துறை நோட்டீஸ் பெறுவதற்கான அதிக வாய்ப்பு உள்ளது. மேலும், ஒரு வருடத்தில் ரூ. 1 கோடிக்கு மேல் பணம் எடுப்பவர்களுக்கு 2 சதவீத TDS கட்டாயமாகும். மேலும் வரி தாக்கல் செய்யாதவர்களுக்கு 5 சதவீதம் வரை வரி விதிக்கப்படுகிறது.
ஒவ்வொரு பெரிய பரிவர்த்தனைக்கும் சரியான பதிவுகளை வைத்திருப்பது முக்கியம். வருமான வரி ரிட்டன் தாக்கல் செய்வதற்கு முன் படிவம் 26AS மற்றும் வருடாந்திர தகவல் அறிக்கை (AIS) ஆகியவற்றைச் சரிபார்க்க வேண்டும். உங்கள் வருமானம் வரம்புகளுக்குள் இருந்தாலும் நீங்கள் பெரிய பரிவர்த்தனைகளைச் செய்தால் வரிகளை தாக்கல் செய்வது கட்டாயமாகும். அவ்வாறு செய்வதன் மூலம் தேவையற்ற வரி நோட்டீஸ்களின் அபாயத்தைத் தவிர்க்கலாம்.

Read More
தமிழ்நாடுதொழில்நுட்பம்
Namadhu Arasu ,

பி.டி.எப்.(PDF) பாஸ்வேர்டை நீக்குவது எப்படி?

ஒரு ஃபைலுக்குப் பாஸ்வேர்டு போட்டிருந்தால், அதை விரைவாக அணுகுவதோ? அல்லது பிறருடன் பகிர்ந்து கொள்வதோ கடினமாகலாம். பாஸ்வேர்டை மறந்துவிட்டாலோ அல்லது அடிக்கடி பயன்படுத்தும்போது ஒவ்வொரு முறையும் பாஸ்வேர்டை உள்ளிட வேண்டிய நிலை வந்தாலோ இது ஒரு சிக்கலாக மாறும். நீங்கள் சரியான முறையில் அணுகுவதற்கு அனுமதி உள்ளவராக இருந்தால், ஒரு பிடிஎஃப் பைலில் உள்ள பாஸ்வேர்டை பாதுகாப்பான, சட்டப்பூர்வமான வழிகளில் நீக்க முடியும்.
பிடிஎஃப் பைலின் உரிமையாளராக நீங்கள் இருந்தால் அல்லது அதைப் பயன்படுத்துவதற்கு அனுமதி பெற்றிருந்தால் மட்டுமே பாஸ்வேர்டை நீக்க வேண்டும் என்பதை நினைவில் கொள்ளவும். உரிய அனுமதி இல்லாமல் பாதுகாப்பை நீக்குவது தனிப்பட்ட ரகசியத்தன்மை மற்றும் அறிவுசார் சொத்துரிமைகளை மீறிய செயலாகும். நீங்கள் உருவாக்கிய பிடிஎஃப் பைலுக்கு இனி பாஸ்வேர்டு பாதுகாப்பு தேவையில்லை. அடிக்கடி பைலை அணுகும்போது ஒவ்வொரு முறையும் பாஸ்வேர்டு உள்ளிடாமல் இருக்க. ஆவணத்தை சக ஊழியர்கள் அல்லது மாணவர்களுடன் எளிதாகப் பயன்படுத்துவதற்காகப் பகிரும்போது நீங்கள் பாஸ்வேர்டை நீக்கலாம்.

1. அடோப் அக்ரோபட் ப்ரோ (Adobe Acrobat Pro)

முக்கியமான ஆவணங்களுக்கு இது மிகவும் நம்பகமான கருவியாகும். பாஸ்வேர்டு பாதுகாப்பு உள்ள PDF ஃபைலை அடோப் அக்ரோபட் ப்ரோவில் திறக்கவும். ஃபைலைத் திறக்க பாஸ்வேர்டை உள்ளிடவும். File > Properties > Security என்பதற்குச் செல்லவும். “Security Method” என்பதன் கீழ், No Security என்பதைத் தேர்வு செய்யவும். ஃபைலை சேமிக்கவும். இப்போது அந்த ஃபைலை பாஸ்வேர்டு இல்லாமல் திறக்கலாம். இந்த முறை ஆவணத்தின் நம்பகத்தன்மையைக் காக்கிறது.

2. ஆன்லைன் PDF அன்லாக் டூல்ஸ்

Smallpdf, iLovePDF, PDF2Go போன்ற பல நம்பகமான ஆன்லைன் தளங்கள் PDF பாஸ்வேர்டை நீக்கும் சேவையை வழங்குகின்றன. பாஸ்வேர்டு பாதுகாப்பு உள்ள PDF ஃபைலை அந்த இணையதளத்தில் பதிவேற்றவும். கேட்கப்படும்போது பாஸ்வேர்டை உள்ளிடவும். இணையதளம் ஃபைலை அன்லாக் செய்து, பாஸ்வேர்டு நீக்கப்பட்ட புதிய ஃபைலை பதிவிறக்கம் செய்ய அனுமதிக்கும். மிகவும் ரகசியமான ஃபைல்களை ஆன்லைனில் பதிவேற்றுவதைத் தவிர்க்கவும். முக்கியமான தகவல்களுக்கு ஆஃப்லைன் மென்பொருளைப் பயன்படுத்துவதே நல்லது.

3. கூகுள் குரோம் ஷார்ட்கட்
நீங்கள் ஏற்கனவே ஒருமுறை பிடிஎஃப் பைலைத் திறந்திருந்தால், கூகுள் குரோம் ஒரு விரைவான வழியை வழங்குகிறது. பாஸ்வேர்டை உள்ளிட்டு, பிடிஎஃப் பைலை குரோம் பிரவுசரில் திறக்கவும். பிரிண்ட் (Print) ஆப்ஷனை (Ctrl+P) கிளிக் செய்யவும். சேமிக்கும் இடமாக “Save as PDF” என்பதைத் தேர்வு செய்யவும். புதிய ஃபைலைச் சேமிக்கவும். இப்போது இந்த ஃபைலில் பாஸ்வேர்டு இருக்காது.

Read More
அறிவியல்ஆன்மீகம்தமிழ்நாடு
Namadhu Arasu , ,

இன்று சந்திர கிரகணம்..

சூரியனுக்கும் சந்திரனுக்கும் இடையே பூமி வரும் நிகழ்வு சந்திர கிரகணம் என்று அழைக்கப்படுகிறது. அப்போது, பூமியின் நிழல் சந்திரனில் விழுகிறது. இதன் காரணமாக, நிலவு, சிவப்பு நிறத்தில் காட்சியளிக்கும். இது மிகவும் அரிய சந்திர கிரகணம் என்று விண்வெளி ஆய்வாளர்கள் தெரிவித்துள்ளனர். இந்தியா, சீனாவில் இந்தச் சந்திர கிரகணம் முழுமையாகத் தெரியும் எனத் தெரிவிக்கப்பட்டுள்ளது. இன்று இரவு 8.58 மணிக்குத் தொடங்கும் சந்திர கிரகணம், இரவு 11 மணிக்கு முழு சந்திர கிரகணமாக மாறி நிலவு ரத்த சிவப்பாகக் காட்சியளிக்க உள்ளது. நாளை (திங்கட்கிழமை) அதிகாலை 2 மணி வரை சந்திர கிரகணம் நிகழ இருக்கிறது. இந்தச் சந்திர கிரகணத்தை முன்னிட்டு தமிழ்நாட்டில் பிரசித்தி பெற்ற கோயில்களின் நடை அடைக்கப்படும் என அறிவிக்கப்பட்டுள்ளது.
கழ்பெற்ற திருச்செந்தூர் சுப்பிரமணியசுவாமி கோயில் நடை இன்று பிற்பகல் 2 மணிக்கு அடைக்கப்பட்டு, மறுநாள் காலை 5 மணிக்கு நடை திறக்கப்படும் என கோயில் நிர்வாகம் தெரிவித்துள்ளது. பிரசித்தி பெற்ற காஞ்சிபுரம் காமாட்சி அம்மன் கோயில் நடை இன்று காலை 9 மணிக்குச் சாத்தப்படும் என அறிவிக்கப்பட்டுள்ளது. தஞ்சை பெரிய கோயில் நடை இன்று மாலை 4 மணி முதல் மறுநாள் காலை 6 மணி வரை அடைக்கப்படும் எனத் தெரிவிக்கப்பட்டுள்ளது. திருநெல்வேலி நெல்லையப்பர் கோயிலின் நடை இன்று மாலை 6 மணி முதல் மறுநாள் காலை 8.30 மணி வரை சாத்தப்பட்டிருக்கும் என அறிவிக்கப்பட்டுள்ளது.
செப்டம்பர் மாதம் 7ஆம் தேதியான இன்று இரவு 9:56:08 மணிக்கு தொடங்கி நள்ளிரவு 1:26:08 மணிக்கு முடிவடையும். இன்று இரவு ரத்த கலரில் நிலவு தென்படும்.
சந்திர கிரகணம் ஏன் ஏற்படுகிறது?
பூமி சூரியனை சுற்றி வரும் பாதையிலும், சந்திரன் பூமியை சுற்றி வரும் பாதையிலும் சில நேரங்களில் சூரியன், பூமி மற்றும் சந்திரன் ஆகியவை ஒரே நேர்கோட்டில் வரும். அப்போது, சூரிய ஒளி பூமியில் விழுந்தாலும் சந்திரன் மீது விழாது. இதனால் சந்திர கிரகணம் ஏற்படுகிறது.
கிரகண காலத்தில் யாரும் உணவு, தண்ணீரை உட்கொள்ளக்கூடாது என சொல்லப்படுகிறது. இப்படி செய்வதால் ஜீரண சக்தி பலவீனமடைந்து நோய்வாய்ப்படுவார்கள் என்பது ஐதீகம். பிறகு கிரகணம் முடிந்தவுடன் குளித்துவிட்டு சாப்பிட வேண்டும். கிரகண காலத்தில் அனைத்து உணவு மற்றும் தண்ணீரிலும் துளசி இலைகள் அல்லது அருகம்புல் இலைகளை போட்டு வைக்க வேண்டும்.
கிரகண நாளில் எந்த சுப காரிய நிகழ்வையும் நடத்தக்கூடாது. கிரகணத்தின் போது நகங்களை வெட்டுவது, முடியை சீவுவது, பல்துலக்குவது போன்ற செயல்களை தடுக்கவும். கிரகணத்தின் போது தூங்க கூடாது என்பது நம்பிக்கை.
இரவு 8.58 மணிக்கு தொடங்கும் சந்திர கிரகணம், நாளை அதிகாலை 2 மணி வரை நிகழ இருக்கிறது. இதனை முன்னிட்டு, திருச்செந்தூர் முருகன் கோயில் நடை இன்று பிற்பகல் 2 மணிக்கு அடைக்கப்பட்டு, மறுநாள் காலை 5 மணிக்கு நடை திறக்கப்படும் என கோயில் நிர்வாகம் தெரிவித்துள்ளது.
பிரசித்தி பெற்ற காஞ்சிபுரம் காமாட்சி அம்மன் கோயில் நடை இன்று காலை 9 மணிக்கு சாத்தப்படும் என அறிவிக்கப்பட்டுள்ளது.
தஞ்சை பெரிய கோயில் நடை இன்று மாலை 4 மணி முதல் மறுநாள் காலை 6 மணி வரை அடைக்கப்படும் எனத் தெரிவிக்கப்பட்டுள்ளது. திருநெல்வேலி நெல்லையப்பர் கோயிலின் நடை இன்று மாலை 6 மணி முதல் மறு நாள் காலை 8.30 மணி வரை சாத்தப்பட்டிருக்கும் என அறிவிக்கப்பட்டுள்ளது.
திருத்தணி முருகன் கோயில் வழக்கம் போல நடை திறக்கப்படும் என கோயில் நிர்வாகம் தெரிவித்துள்ளது. திருப்பதி ஏழுமலையான் கோயில் நடை இன்று பிற்பகல் 3.30 மணி முதல் நாளை அதிகாலை 3 மணி வரை நடை அடைக்கப்படும் என திருமலை திருப்பதி தேவஸ்தானம் தெரிவித்துள்ளது.

Read More
இந்தியாஉலகம்தமிழ்நாடுவணிகம்
Namadhu Arasu , , ,

ஜிஎஸ்டி வரி அதிரடி குறைப்பு..எந்தெந்த பொருட்கள் விலை குறையும்…

நிதியமைச்சர் நிர்மலா சீதாராமன், 5, 12, 18, 28 என நான்கு அடுக்காக இருந்த ஜிஎஸ்டியை இனி 2 அடுக்குகளாக குறைக்க ஜிஎஸ்டி கவுன்சில் கூட்டத்தில் ஒப்புதல் வழங்கப்பட்டுள்ளதாகத் தெரிவித்தார். இதன்மூலம், பல்வேறு பொருட்களின் விலை குறைய உள்ளதாகவும், ஜிஎஸ்டி வரி சீர்திருத்தம் வரும் 22ஆம் தேதி முதல் அமலுக்கு வர உள்ளதாகவும் அவர் கூறினார்.
ஜிஎஸ்டி கவுன்சில் 2 அடுக்குகளாக குறைக்கும் சீர்திருத்தம் 22ஆம் தேதி அமலுக்கு வருகிறது; 353 பொருட்கள் விலை குறையும், ஆடம்பரப் பொருட்களுக்கு 40 சதவீத வரி விதிக்கப்படும்.
ஜிஎஸ்டி-யை 2 அடுக்குகளாக குறைக்க ஜிஎஸ்டி கவுன்சில் ஒப்புதல் அளித்துள்ள நிலையில், இது வரும் 22-ஆம் தேதி அமலுக்கு வரும் என்று மத்திய நிதியமைச்சர் நிர்மலா சீதாராமன் தெரிவித்துள்ளார். அதேநேரம், ஆடம்பர பொருட்கள், புகையிலை பொருட்களுக்கு 40 விழுக்காடு வரி விதிக்கப்பட உள்ளது. வரி சீர்திருத்தத்தால் 353 பொருட்களின் விலை குறைய உள்ளது.
விற்பனை மற்றும் சேவை வரிகள் ஒருங்கிணைக்கப்பட்டு, கடந்த 2017ஆம் ஆண்டில் ஜிஎஸ்டி வரி அமலுக்கு வந்தது. இந்நிலையில், ஜிஎஸ்டி வரியில் முக்கிய சீர்திருத்தங்கள் செய்யப்பட உள்ளதாகவும், இந்த ஆண்டு தீபாவளி பண்டிகையின் போது மக்களுக்கு பரிசு காத்திருப்பதாகவும் பிரதமர் நரேந்திர மோடி தனது சுதந்திர தின உரையில் அறிவித்திருந்தார். இந்நிலையில், மத்திய நிதி அமைச்சர் நிர்மலா சீதாராமன் தலைமையில் 56-ஆவது ஜிஎஸ்டி கவுன்சில் கூட்டம் டெல்லியில் நடைபெற்றது.
அன்றாடம் பயன்படுத்தும் பால், சென்னா, பன்னீர், ரொட்டி, இந்திய பிரட்டுகள் ஆகியவற்றுக்கு ஜிஎஸ்டியில் இருந்து விலக்கு அளிக்கப்படுவதாகக் கூறினார். இதேபோல, மாணவர்களுக்கான நோட்டு புத்தகம், பென்சில், அழிப்பான், மேப், தனிநபர் காப்பீடு, மருத்துவக் காப்பீடு, 33 உயிர்காக்கும் மருந்துகள் மற்றும் புற்றுநோய், அரிய வகை நோய் மற்றும் நாள்பட்ட நோய்களுக்கான மருந்துகளுக்கு ஜிஎஸ்டி வரியில் இருந்து முற்றிலும் விலக்கு அளிக்கப்படுவதாகவும் தெரிவித்தார்.
தேங்காய் எண்ணெய், சோப், ஷாம்பு, பற்பசை, மிதிவண்டி, மேசை, நாற்காலி, சர்க்கரை, காபி, வெண்ணெய், நெய், சாஸ், சாக்லெட், பிஸ்கெட், உலர் பழங்கள், மார்பிள், பார்வையை சரி செய்யும் கண்ணாடிகள், புதுப்பிக்கத்தக்க எரிசக்திக்கான சாதனங்கள், சமையல் பாத்திரங்கள், மருத்துவ கருவிகள் உள்ளிட்டவற்றுக்கான ஜிஎஸ்டி பல்வேறு விதமாக இருந்த நிலையில், அவை 5 விழுக்காடாக குறைக்கப்பட்டுள்ளன.
ஏசி, 32 அங்குல தொலைக்காட்சிகள், சிறிய வகை கார்கள், 350 சிசி-க்கு குறைவான திறன் கொண்ட இருசக்கர வாகனங்கள், சிமெண்ட், பேருந்து, மோட்டார் வாகன உதிரிபாகங்கள், மூன்று சக்கர வாகனங்கள், சரக்கு வாகனங்கள் உள்ளிட்டவை 28 விழுக்காடு வரியில் இருந்து 18 விழுக்காடு வரிக்கு மாற்றப்பட்டுள்ளன.
5, 18 விழுக்காடு ஜிஎஸ்டி அடுக்குகளுடன் சிறப்பு வரிவிதிப்பாக 40 சதவீத வரி விதிப்பு அறிமுகம் செய்யப்படுவதாக நிதியமைச்சர் தெரிவித்தார். அதன்படி, கார்பனேற்றப்பட்ட குளிர்பானங்கள், எஸ்.யு.வி. ரக கார்கள், சொகுசு கார்கள், தனிநபர்களுக்கான விமானங்கள் உள்ளிட்டவற்றுக்கு 40 சதவீத ஜிஎஸ்டி விதிக்கப்படும். புகையிலை, பான் மசாலா, சிகரெட் ஆகியவற்றின் மீதும் 40 விழுக்காடு வரி விதிக்கப்படும் என்று அறிவித்தார்.
மறுசீரமைக்கப்பட்ட ஜிஎஸ்டி விகிதத்துக்கு ஜிஎஸ்டி கவுன்சில் ஒப்புதல் அளித்துள்ள நிலையில், 12 சதவீதத்திற்கு கீழ் வரி விதிக்கப்பட்டிருந்த 99 சதவீத பொருள்கள் 5 சதவீதத்திற்குள் கொண்டுவரப்பட்டுள்ளன. அதேபோல், 28 சதவீதம் வரி விதிக்கப்பட்டிருந்த 90 சதவீத பொருட்கள் 18 சதவீத வரி விதிப்புக்குள் கொண்டுவரப்பட்டுள்ளதாக மத்திய நிதியமைச்சர் தெரிவித்தார்.
இதன்மூலம் ஒட்டுமொத்தமாக 353 பொருட்களின் விலை குறைய உள்ளது. 38 பொருட்களின் விலை அதிகரிக்க உள்ளது. ஜிஎஸ்டி வரி சீர்திருத்தத்தால் 93 ஆயிரம் கோடி ரூபாய் அளவுக்கு இழப்பு ஏற்படலாம் என்று மதிப்பிடப்பட்டுள்ளது. அதேநேரம், ஆடம்பரப் பொருட்கள், புகையிலைப் பொருட்களுக்கு 40 விழுக்காடு ஜிஎஸ்டி வரி விதிப்பதன் மூலம் 45 ஆயிரம் கோடி ரூபாய் வருவாய் கிடைக்கும் என்று கணிக்கப்பட்டுள்ளது.
புதிய ஜிஎஸ்டி வரி முறையால் குடிமக்களின் வாழ்க்கை மேம்படும் என்றும் சிறு வணிகர்கள் வணிகம் செய்வது எளிதாகும் என்றும் பிரதமர் மோடி வரவேற்பு தெரிவித்துள்ளார்.

Read More
இந்தியாதமிழ்நாடுவணிகம்
Namadhu Arasu ,

அதிரடியாக குறைந்த கேஸ் சிலிண்டர் விலை.. 

சென்னையில் சமையல் எரிவாயு சிலிண்டர் விலை சற்று குறைந்து, புதிய விலைப்பட்டியல் வெளியாகியுள்ளது.
சர்வதேச சந்தையில் நிலவும் கச்சா எண்ணெய் விலைக்கு ஏற்ப, சிலிண்டர் விலையை எண்ணெய் நிறுவனங்கள் நிர்ணயித்து வருகின்றன.
பெட்ரோல், டீசல் மற்றும் சிலிண்டர் விலையை சர்வதேச சந்தையில் நிலவும் கச்சா எண்ணெய் விலைக்கேற்ப நிர்ணையித்துக் கொள்ள எண்ணெய் நிறுவனங்களுக்கு மத்திய அரசு அனுமதி கொடுத்துள்ளது. ஒவ்வொரு மாதமும் சர்வதேச சந்தை நிலரத்திற்கு ஏற்ப இந்த விலை நிர்ணயம் செய்யப்படுகிறது.
அந்தவகையில் சர்வதேச சந்தை நிலவரத்தை பொறுத்து நாட்டில் வீடு மற்றும் வணிக பயன்பாட்டிற்கான சமையல் சிலிண்டர்களின் விலையை எண்ணெய் நிறுவனங்கள் மாதந்தோறும் ஒன்றாம் தேதி நிர்ணயித்து வருகின்றன.
இந்த நிலையில், எண்ணெய் நிறுவனங்கள் வெளியிட்டுள்ள அறிவிப்பின்படி, வணிக பயன்பாட்டு சிலிண்டரின் விலை குறைந்துள்ளது. அந்த வகையில், சென்னையில் கடைகளில் பயன்படுத்தப்படும் 19 கிலோ எடை கொண்ட வணிக பயன்பாட்டிற்கான கேஸ் சிலிண்டர் விலை 51 ரூபாய் குறைக்கப்பட்டுள்ளது.
இதன் மூலம், 1789 ரூபாயாக இருந்த வணிக சிலிண்டர் விலை, தற்போது 1738 ரூபாயாக குறைந்துள்ளது. இதே போன்று, மற்ற மெட்ரோ நகரங்களான டெல்லி, கொல்கத்தா, மும்பையிலும் வர்த்தகப் பயன்பாட்டிற்கான சிலிண்டர் விலை குறைந்துள்ளது.
சென்னையில், வீட்டில் பயன்படுத்தப்படும் சிலிண்டர் விலை எவ்வித மாற்றமும் இன்றி, 868 ரூபாய் 50 காசுக்கு விற்பனை செய்யப்படுகிறது.

Read More
தமிழ்நாடுதொழில்நுட்பம்
Namadhu Arasu , ,

ஒன்வேயில் போனால் இனி அபராதம்… கண்காணிப்புக்காக சென்னையில் டிராக்கிங் கேமரா..

சென்னை பெருநகர போக்குவரத்து காவல்துறை (GCTP) மேலும் 170 அதிநவீன தானியங்கி எண் தகடு அங்கீகார (ANPR) கேமராக்களை நிறுவ உள்ளது. இதற்கான திட்டத்திற்கு ₹3.74 கோடி மதிப்பிலான டெண்டர் கோரப்பட்டுள்ளது. இந்த கேமராக்கள், விதிகளை மீறும் வாகனங்களைக் கண்டறிந்து, மின்னணு அபராதங்களை (e-challans) உருவாக்கி, மத்திய போக்குவரத்து கட்டுப்பாட்டு அமைப்புடன் ஒருங்கிணைக்கும். இந்த திட்டங்கள் குறித்த தகவல்கள் டைம்ஸ் ஆஃப் இந்தியா இணையபக்கத்தில் வெளியாகியுள்ளது.
சென்னையில் ஒருவழிப் பாதையில் போனால் இனி தப்ப முடியாது. சென்னையில் போக்குவரத்து விதிகளை மீறினால் ரூ.3.74 கோடி மதிப்பிலான புதிய கேமராக்கள் மூலம் அபராதம் விதிக்க திட்டமிடப்பட்டுள்ளது.
புதிய கேமராக்கள்: நகரின் முக்கிய சந்திப்புகளிலும், பெரிய சாலைகளிலும் இந்த புதிய கேமராக்கள் பொருத்தப்படும். இவை சாலைக்கு எதிர்த் திசையில் வரும் வாகனங்களை தானாகவே பதிவு செய்யும்.

தரவு ஒருங்கிணைப்பு: பதிவான ஆதாரங்கள் காவல் துறையின் அமலாக்க அமைப்புடனும், வாஹன்/சாரதி (Vahan/Sarathi) தரவுத்தளத்துடனும் இணைக்கப்படும்.

கேமராக்களின் திறன்: இந்த கேமராக்கள் அதிவேகத்தில் (மணிக்கு 150 கி.மீ வரை) செல்லும் வாகனங்களின் எண் தகடுகளைக் கூட துல்லியமாகப் பதிவு செய்யும் திறன் கொண்டவை. பல்வேறு ஒளி நிலைகளிலும் (பகல், இரவு, குறைந்த வெளிச்சம்) சிறப்பாகச் செயல்படும். மேலும், நீதிமன்றத்தில் செல்லுபடியாகும் ஆதாரங்களை இவை உருவாக்கும் என அதிகாரிகள் தெரிவித்தனர்.
மத்திய கட்டுப்பாட்டு மையம்: இந்த திட்டம், நுண்ணறிவு போக்குவரத்து மேலாண்மை அமைப்பின் கீழ் இயங்கும் நகரத்தின் மத்திய கட்டுப்பாட்டு மையத்துடன் ஒருங்கிணைக்கப்படும். இதன் மூலம் தடையற்ற கண்காணிப்பு உறுதி செய்யப்படும்.

விதிகளின் மீறல் மற்றும் அபராதங்கள்:

சென்னை பெருநகர போக்குவரத்து காவல்துறை கடந்த ஆண்டு அண்ணாநகர் மற்றும் நகரின் சில பகுதிகளில் ANPR கேமராக்களை நிறுவியது. அதன் மூலம், ஒருவழிப் பாதையில் வந்ததற்காக 74,000-க்கும் மேற்பட்ட வழக்குகள் பதிவு செய்யப்பட்டன. இவற்றில், சுமார் 35% வழக்குகள் கேமராக்கள் மூலம் கண்டறியப்பட்டன.

அதிகபட்ச மீறல்கள்: கிழக்கு மண்டலத்தில் அதிக எண்ணிக்கையிலான விதிமீறல்கள் பதிவாகியுள்ளன. அதற்கு அடுத்தபடியாக வடக்கு மற்றும் தெற்கு மண்டலங்களில் விதிமீறல்கள் காணப்பட்டன.

பிரச்சனைக்குரிய பகுதிகள்:

வடக்கு சென்னை: தம்பு செட்டி தெரு, ரெட்டேரி சந்திப்பு, மாதவரம் ரவுண்டானா.

தெற்கு சென்னை: வடபழனி சந்திப்பு, எல்.பி. சாலை சிக்னல், 200 அடி ரேடியல் சாலை.

கிழக்கு சென்னை: பார்னபி சாலை சந்திப்பு, வள்ளுவர்கோட்டம் சந்திப்பு, பி.எஸ். சிவசாமி சாலை.

இருப்பினும், மோட்டார் வாகன விபத்து வழக்குகளில் நிபுணத்துவம் பெற்ற வழக்கறிஞர் வி.எஸ்.சுரேஷ், “கேமராக்கள் மட்டுமே குற்றவாளிகளைக் கட்டுப்படுத்தாது” என்று கருத்துத் தெரிவித்தார். மேலும், “பெரும்பாலான கேமராக்கள் முறையாகப் பராமரிக்கப்படுவதில்லை. அவை பெரும்பாலும் சீட் பெல்ட் மற்றும் சிக்னல் விதிமீறல்களுக்கு அபராதம் விதிக்கவே பயன்படுத்தப்படுகின்றன. அதே சமயம், அதிவேகமாகச் செல்பவர்கள் அபராதம் இன்றி தப்பிவிடுகின்றனர்” என்றும் அவர் கூறினார்.

Read More
ஆன்மீகம்தமிழ்நாடுநிகழ்ச்சிகள்
Namadhu Arasu ,

சென்னையில் இன்று விநாயகர் சிலைகள் கரைப்பு 

சென்னையில் இன்று விநாயகர் சிலைகள் கரைப்பு – பாதுகாப்பு பணியில் 16,000 போலீசார்
சென்னையின் பல்வேறு இடங்களில் வைக்கப்பட்ட 1519 விநாயகர் சிலைகள் இன்று கடற்கரையில் கரைக்கப்படுகின்றன. சுமார் 16,000 போலீஸ் பாதுகாப்பு பணியில் ஈடுபடுத்தப்பட்டுள்ளனர். பட்டினப்பாக்கம், நீலாங்கரை, புது வண்ணாரப்பேட்டை மீன்பிடி துறைமுகம், திருவொற்றியூர் ஆகிய இடங்களில் கரைக்க ஏற்பாடு செய்யப்பட்டுள்ளது.
கடந்த புதன் கிழமை விநாயகர் சதுர்த்தி கொண்டாட்டப்பட்டது
அதை தொடர்ந்து கடந்த 3 நாளாக பூஜைகள் நடந்தன…
சென்னையில் இன்று விநாயகர் சிலைகள் கரைப்பு 

Read More
இந்தியாஉலகம்தமிழ்நாடுவணிகம்
Namadhu Arasu , , ,

அமெரிக்காவின் 50% சதவீத வரி விதிப்பால் இந்தியாவின் பொருளாதாரம் எந்த அளவில் பாதிக்கப்படும்….

இன்று முதல் இந்தியப் பொருள்கள் மீது அமெரிக்கா 50% இறக்குமதி வரி விதிப்பு அமலுக்கு வந்தது, இந்திய பொருளாதாரத்திற்கு பெரும் தாக்கம்.
எந்த உடன்பாடும் எட்டப்படாத நிலையில், இந்தியப் பொருள்கள் மீது 25 சதவிகித வரி விதிக்கப்படும் என டிரம்ப் அறிவித்தார். மேலும் கடந்த 7 ஆம் தேதி முதல் இந்தியப் பொருள்கள் மீதான 25 சதவிகித வரி அமலுக்கு வந்தது. அது மட்டுமின்றி, ரஷ்யாவிடம் இருந்து கச்சா எண்ணெய் இறக்குமதி செய்வதால், இந்தியாவிற்கு அபராதமாக, கூடுதலாக 25 விழுக்காடு வரி விதிக்கப்படும் என டிரம்ப் அறிவித்தார்.
உக்ரைன் போர் நிறுத்தம் குறித்து புதின் உடன் டிரம்ப் பேச்சுவார்த்தை நடத்திய நிலையில், இந்தியா மீதான அபராத வரி நிறுத்தி வைக்கப்படும் என எதிர்பார்க்கப்பட்டது. ஆனால், டிரம்ப் அறிவித்தபடி, இந்திய நேரப்படி இன்று காலை 9.30 மணி முதல், இந்தியப் பொருள்கள் மீதான 50 சதவிகித இறக்குமதி வரி அமலுக்கு வந்தது.
இறக்குமதி வரி செலுத்தும் நிறுவனம், அதன் செலவை ஈடு செய்யும் வகையில், பொருள்களின் விலையை உயர்த்தி அதனை முழுதாகவோ அல்லது பகுதியாகவோ வாடிக்கையாளர்களிடம் இருந்து வசூலிக்கும். இதனால், பொருள்களின் விலை அதிகரிக்கும்.
அதிக வரி விதிப்பதன் மூலம், தானாக பொருள்களின் விலை அதிகரிக்கும். இதன் காரணமாக வாடிக்கையாளர்கள் அந்தப் பொருளை அதிக விலை கொடுத்து வாங்குவதைத் தவிர்ப்பார்கள். இதனால், உற்பத்தியாளர்கள் தங்கள் பொருள்களை வியாபாரம் செய்ய முடியாமல் நட்டத்தைச் சந்திப்பார்கள்.
நிறுவனம் நட்டத்தைச் சந்திக்கும் போது முதல் படியாக அதனைச் சமாளிக்க தனது ஊழியர்களின் அளவைக் குறைக்கும். அந்த வேலையை நம்பியிருந்த குடும்பத்தின் பொருளாதாரம் கேள்விக்குறியாகும்.
ஒரு நாட்டின் மீது அதிக வரிவிதிக்கப்பட்டு, வாடிக்கையாளர்களும் அதனை அதிக விலை கொடுத்து வாங்க முன்வராமல் போக, இறக்குமதி செய்யும் நிறுவனங்கள் அதே பொருள்களை குறைந்த வரி கொண்ட நாடுகளில் இருந்து இறக்குமதி செய்யும். இதன் மூலம், போட்டி நாடுகள் தங்கள் பொருள்களை அந்த நாட்டிற்கு அதிகமாக ஏற்றுமதி செய்து லாபம் அடையும்.
பொதுவாக ஒருநாட்டின் செல்வம் அதன் ஏற்றுமதியின் மூலம் அதிகரிக்கும். எந்த நாடு அதிக ஏற்றுமதி செய்கிறதோ அந்த நாட்டின் செல்வம் அதிகரிக்கும். அதே ஏற்றுமதி குறையும்போது, நாட்டின் வருமானமும் பெரிய அளவில் பாதிக்கப்பட்டு அந்த நாட்டின் பொருளாதாரத்தில் கடுமையான பாதிப்பை ஏற்படுத்தும்.

Read More
தமிழ்நாடுநிகழ்ச்சிகள்வணிகம்
Namadhu Arasu , ,

கடைகள் 24 மணி நேரமும் திறந்திருக்க அனுமதி.. மாநகர காவல் ஆணையர், டிஜிபிக்கு உயர்நீதிமன்றம் அறிவுறுத்தல்!

கடைகள் மற்றும் வணிக நிறுவனங்கள் 24 மணி நேரமும் திறந்திருக்க அனுமதி அளித்து அரசு பிறப்பித்த உத்தரவு குறித்து அனைத்து காவல்நிலையங்களுக்கும் தெரிவிக்குமாறு டிஜிபி மற்றும் சென்னை மாநகரக் காவல் ஆணையர் ஆகியோருக்கு உயர்நீதிமன்றம் உத்தரவிட்டுள்ளது.
பொதுமக்களின் நலன் கருதி, 10 அல்லது அதற்கு மேற்பட்ட ஊழியர்களை பணியமர்த்தியுள்ள கடைகள் மற்றும் வணிக நிறுவனங்கள், வாரத்தின் 7 நாட்களும் 24 மணி நேரமும் இயங்கும் வகையில் அனுமதி அளித்து தமிழ்நாடு அரசு உத்தரவிட்டிருந்தது. இந்த உத்தரவு கடந்த ஜூன் 4ஆம் தேதி முடிவடைந்த நிலையில் மேலும் 3 ஆண்டுகளுக்கு அனுமதியை நீட்டித்து அரசு உத்தரவிட்டது.
இந்த நிலையில், 24 மணி நேரமும் கடைகள், வர்த்தக நிறுவனங்கள் திறந்திருக்க அனுமதி அளித்த அரசு உத்தரவை மீறி இரவு நேரங்களில் கடைகளை மூடும்படி காவல்துறை மிரட்டுவதாக உயர்நீதிமன்றத்தில் டெல்லியை தலைமை இடமாக கொண்டு செயல்படும் தேசிய ஓட்டல்கள் சங்கம் சார்பில் மனுத்தாக்கல் செய்யப்பட்டது.

Read More
அரசியல்தமிழ்நாடுநிகழ்ச்சிகள்
Namadhu Arasu , ,

ரூ.5000… தீபாவளி பரிசு அனைத்து ரேஷன் அட்டைதாரர்களுக்கு தமிழக அரசு திட்டம்…

அனைத்து ரேஷன் அட்டைதாரர்களுக்கும் ரூ.5,000 ரொக்கப் பரிசு வழங்குவதற்குச் சுமார் ரூ.10,000 கோடி நிதி தேவைப்படும் என மதிப்பிடப்பட்டுள்ளதாகவும், இந்த நிதியைத் திரட்டுமாறு நிதித்துறைக்கு அரசு உத்தரவிட்டுள்ளதாகவும் சொல்லப்படுகிறது.
இதற்கான அறிவிப்பை தீபாவளி பண்டிகையின்போது முதலமைச்சர் அறிவிப்பார் என தலைமைச் செயலக வட்டாரங்கள் தெரிவிக்கின்றன. இருப்பினும் இது தொடர்பாக அதிகாரப்பூர்வ அறிவிப்பு எதுவும் இதுவரை வெளியிடப்படவில்லை. இந்த அறிவிப்பு வெளியாகும் பட்சத்தில், தமிழகத்தில் உள்ள சுமார் 2.20 கோடி ரேஷன் அட்டைதாரர்கள் பயனடைவார்கள் என்பது குறிப்பிடத்தக்கது.
இதற்கிடையே சுதந்திர தின உரையின்போது பேசிய பிரதமர் நரேந்திர மோடி, “தீபாவளிக்கு நாட்டு மக்களுக்கு மிகப்பெரிய பரிசு காத்திருக்கிறது. அத்தியாவசியப் பொருட்களுக்கான ஜி.எஸ்.டி. வரி குறைக்கப்படும்” என்று அறிவித்திருந்தார். இந்த அறிவிப்புக்கு போட்டியாகவும், தமிழக அரசு தனது பொங்கல் பரிசு அறிவிப்பை, தீபாவளி பண்டிகை வரும் அக்டோபரில் வெளியிடத் திட்டமிட்டுள்ளதாக கூறப்படுகிறது.
இந்த 2025ஆம் ஆண்டு பொங்கலின்போது, நிதி நெருக்கடி காரணமாகப் பொங்கல் பரிசுத் தொகுப்புடன் ரொக்கப் பணம் வழங்கப்படவில்லை என்று நிதி அமைச்சர் தங்கம் தென்னரசு சட்டப்பேரவையில் விளக்கமளித்திருந்தார். அரசின் இந்த முடிவுக்கு எதிர்க்கட்சிகள் மட்டுமின்றி, தி.மு.க.வின் கூட்டணிக் கட்சிகளும் அதிருப்தி தெரிவித்திருந்தன. இந்தக் குறையைப் போக்கும் விதமாகவே, இந்த முறை பொங்கலுக்கு அதிகத் தொகையை வழங்க அரசு திட்டமிட்டுள்ளதாகக் கூறப்படுகிறது.
வரவிருக்கும் பொங்கல் பண்டிகையை முன்னிட்டு, தமிழகத்தில் உள்ள ரேசன் அட்டைதாரர்களுக்கும் ரூ.5,000 ரொக்கப் பரிசு வழங்கத் தமிழக அரசு திட்டமிட்டுள்ளதாகத் தகவல்கள் வெளியாகியுள்ளன.
இந்த அறிவிப்பு, வருகிற தீபாவளி பண்டிகையின்போது அதிகாரப்பூர்வமாக வெளியாகும் என எதிர்பார்க்கப்படுகிறது.

Read More