Tamilnadu – Page 3 – Namadhu Arasu

சிறுவயதிலேயே தாயை இழந்த இளைஞன் ஒருவன் நகரத்திற்கு வந்து மதுவுக்கு அடிமையாகி தன் வாழ்க்கையில் எல்லாவிதமான கெட்ட பழக்கங்களுக்கும் அடிமையாகிஅந்த பழக்கத்தில் மூலம் ஒரு காதல்… உருவாகிறது ,அந்த காதலில் அவர் வெற்றியடைந்தாரா இல்லையா என்பதுதான் படம், இன்றைக்கு உள்ள உள்ள லைப் ஸ்டைலில் இளைஞர்கள் எப்படி பேச்சிலராக வாழ்கிறார்களோ அப்படி படம் முழுக்க இயல்பான டயலாக்,… படத்தில் எப்பொழுதுமே மயிறு மட்டை போன்ற கெட்ட வார்த்தைகள், பெண்கள் காதை பொத்திக் கொள்ளும் அளவிற்கு நாசரமாய் வசனங்கள்…. (இதெல்லாம் அந்த படத்திற்கு தேவை போல) டி ஆண்டனி இந்த படத்தை எழுதி இயக்கி நடித்து தயாரித்தும் உள்ளார், மதுமிதா தாஸ் கதாநாயகியாக ஜொலிக்கிறார் மற்றபடி படத்தில் சொல்லும் அளவுக்கு ஏதுமில்லை படத்தின் இசை நன்றாக உள்ளது… கதாநாயகன் படம் முழுக்க மதுவையும் சிகரெட்டையும் குடித்து தள்ளுகிறார்…
மிகக்குறைந்த பட்ஜெட்டில் எடுத்த படம் என்பதால் எங்கு பார்த்தாலும் எல்லாமே மிகவும் குறைவாக தெரிகிறது….. எதற்காக கதை இறுதியில் கதாநாயகி ஆக்சிடென்ட்டில் இறந்தார் என்று வைத்தார்கள்… என்று புரியவில்லை…. சோகமான கிளைமாக்ஸ் ஆக இருக்க வேண்டும் என்று நினைத்தார்களோ என்னவோ தெரியவில்லை….திரைப்படம் இன்று ரிலீஸ் ஆகிறது படத்தை இளைஞர்கள் எப்படி எடுத்துக் கொள்வார்கள் என்று தெரியவில்லை….என்னை ஏன் வச்சு செய்தாய் என்று என்ன தோன்றுகிறது….

TVK அரசியல்தமிழ்நாடு நிகழ்ச்சிகள்மாவட்டம்

Namadhu Arasu September 7, 2026September 7, 2026 cmvijay, legislativeassembly, Tamilnadu

சட்டப்பேரவையில் முதலமைச்சர் விஜய் இன்று பதிலுரை…

தமிழ்நாடு சட்டப்பேரவையில், காவல்துறை மானியக் கோரிக்கைகள் மீதான கேள்விகளுக்கு முதலமைச்சர் விஜய் இன்று பதிலளித்துப் பேசுகிறார்.
தமிழ்நாட்டில் தவெக அரசு நிதிநிலை அறிக்கையைத் தாக்கல் செய்த பிறகு ஆகஸ்ட் 17 ஆம் தேதி முதல், மானியக் கோரிக்கைகள் மீதான விவாதம் நடைபெற்று வருகிறது. முதலமைச்சர் விஜய் பொறுப்பு வகிக்கும் காவல்துறையின் மானியக் கோரிக்கை மீது கடந்த வியாழக்கிழமை விவாதம் தொடங்கியது.
எதிர்க்கட்சித் தலைவர் உதயநிதி ஸ்டாலினைத் தொடர்ந்து, அதிமுக பொதுச் செயலாளர் எடப்பாடி பழனிசாமி உள்ளிட்டோர் பேசினர். உதயநிதி பேசும்போது குறுக்கிட்ட முதலமைச்சர் திங்களன்று விரிவாகப் பதில் அளிப்பதாகக் கூறியிருந்தார்.
இன்று பேரவை கூடியதும் தமிழ்நாடு சம்பளங்கள் வழங்கல் சட்டத்திருத்த முன்வடிவை முதலமைச்சர் விஜய் தாக்கல் செய்கிறார். தொடர்ந்து காவல்துறை மானியக் கோரிக்கை மீது முதலமைச்சர் விஜய் பதிலளித்துப் பேசவுள்ளார்.
சட்டப்பேரவையில் இன்று முதலமைச்சர் விஜய் காவல்துறை மானியக் கோரிக்கை விவாதத்திற்கு பதிலளிக்கிறார். எதிர்க்கட்சிகள் சட்டம் ஒழுங்கு சீரழிவு குற்றச்சாட்டுகளுக்கு பதிலளிப்பார்.

TVK அரசியல்தமிழ்நாடு நிகழ்ச்சிகள்

Namadhu Arasu September 3, 2026September 3, 2026 cases, cmvijay, Tamilnadu, withdrawn

சென்ற ஆட்சியில் போராடிய விவசாயிகள்,ஆசிரியர்கள் மீதான அனைத்து வழக்குகளும் வாபஸ்: முதல்வர் விஜய் அறிவிப்பு

தமிழக சட்டப்பேரவையில் 110 விதியின் கீழ் அறிவிப்பை வெளியிட்டு முதல்வர் விஜய் நேற்று பேசியதாவது: தவெக அரசு பொறுப்பேற்ற மே 10-ம் தேதி முதல், சமுதாயத்தின் அனைத்து தரப்பு மக்களுக்கும் ஜனநாயக நெறிமுறைகளின் அடிப்படையில், வெளிப்படைத்தன்மை மற்றும் ஊழலற்ற நேர்மையான அரசாக சேவையாற்றி வருகிறது. மக்களின் கருத்துரிமை, போராட்ட உரிமை மற்றும் ஜனநாயக உரிமைகளை மதித்து, சட்டத்துக்கு உட்பட்டு மக்கள் தங்கள் கோரிக்கைகளை முன்வைப்பதற்கான சூழலை இந்த அரசு உறுதிப்படுத்தி வருகிறது.

ஆனால், கடந்த திமுக ஆட்சி காலங்களில் தங்களது வாழ்வாதாரம், உரிமைகள் மற்றும் சமூக நலன் தொடர்பான கோரிக்கைகளை முன்வைத்து போராடிய விவசாயிகள் மற்றும் ஆசிரியர்கள் மீது 2021-ம் ஆண்டு மே மாதம் முதல் 2026-ம்ஆண்டு ஏப்ரல் வரை ஏராளமான வழக்குகள் பதிவு செய்யப்பட்டன. ஜனநாயக முறையில் குரல் கொடுத்த மக்களுக்கு உரிய அனுமதிகள் மறுக்கப்பட்டதோடு, அவர்கள் மீது பதியப்பட்ட வழக்குகளால் இன்று வரையிலும் மிகுந்த சிரமத்துக்கும் ஆளாகியுள்ளனர்.
கடந்த திமுக ஆட்சியில் கோரிக்கைகளுக்காக அமைதியான முறையில் போராடிய விவசாயிகள், ஆசிரியர்கள் மீது பதிவு செய்யப்பட்ட அனைத்து வழக்குகளும் வாபஸ் பெறப்படும்’’ என்று சட்டப்பேரவையில் முதல்வர் விஜய் தெரிவித்தார்.
விவசாயிகள் நாட்டின் பொருளாதார முன்னேற்றத்துக்கும், உணவு பாதுகாப்புக்கும் அடிப்படையாக விளங்கும் சமூகத்தின் முதுகெலும்பாகப் போற்றப்பட வேண்டியவர்கள். அவ்வாறான விவசாயிகள் தங்களது கோரிக்கைகளை வலியுறுத்தி நடத்திய பல்வேறு போராட்டங்களுக்காக, அவர்கள் மீது பதிவு செய்யப்பட்ட வழக்குகள் இன்றும் நிலுவையில் உள்ளன. அதேபோல், திருவண்ணாமலை மாவட்டம், சிப்காட் தொழிற்பேட்டை எதிர்ப்பு போராட்டங்களில் ஈடுபட்ட விவசாயிகள் மீது வழக்குகள் பதிவுசெய்யப்பட்டதுடன், சில விவசாயிகள் மீது குண்டர் தடுப்பு சட்டமும் போடப்பட்டது.

பரந்தூரில் புதிய விமான நிலையம் அமைக்கும் திட்டத்தைக் கைவிட வேண்டும் என்று போராடிய விவசாயிகள் மீதும் முந்தைய அரசால் மனிதநேயமற்ற வகையில் பதிவு செய்யப்பட்ட வழக்குகள் நிலுவையில் உள்ளன. அதேபோல், கல்வியின் ஒளியை ஏற்றி சமூக முன்னேற்றத்துக்கு வழிகாட்டும் ஆசிரியர்கள் நாட்டு வளர்ச்சியின் அடித்தளமாக உள்ளனர்.
ஆசிரியர்கள் தங்களது நியாயமான கோரிக்கைகள் மற்றும் உரிமைகளுக்காக ஜனநாயக முறையில் போராடிய போதும், அவர்கள் மீதும் பதிவு செய்யப்பட்ட வழக்குகள் நிலுவையில் உள்ளன. இதனால் ஆசிரியர்கள் மிகுந்த மன உளைச்சலுக்கு ஆளாகியுள்ளனர்.
ஜனநாயக உரிமைகளை மதிக்கும் இந்த அரசு, கடந்த ஆட்சியாளர்களால் விவசாயிகள் மற்றும் ஆசிரியர்கள் மீது பதிவு செய்யப்பட்ட அனைத்து வழக்குகளையும் மனிதநேய அடிப்படையிலும், ஜனநாயக கொள்கைகளின் அடிப்படையிலும் திரும்பப் பெற முடிவு செய்துள்ளது என்பதை இந்த பேரவைக்கு மகிழ்ச்சியுடன் தெரிவித்துக் கொள்கிறேன்.

விவசாயிகள் மற்றும் ஆசிரியர்களுக்கும், அவர்களது நியாயமான கோரிக்கைகளுக்கும் இந்த அரசு உறுதுணையாக நிற்கும். இந்த நடவடிக்கை ஜனநாயக உரிமைகளை மேலும் வலுப்படுத்துவதோடு, சாமானிய மக்களுக்கும் அரசுக்கும் இடையிலான நம்பிக்கையை உறுதிப்படுத்தும். இவ்வாறு முதல்வர் விஜய் தெரிவித்தார்.

சினிமா தமிழ்நாடு தொழில்நுட்பம்

Namadhu Arasu August 31, 2026August 31, 2026 gvprakash, immortal, tamilcinema, Tamilnadu

IMMORTAL-இம்மார்டல்’Audio Launch

ஜி.வி.பிரகாஷ் குமார் மற்றும் கயாடு லோஹர் நடிப்பில், மாரிப்பன் சின்னா இயக்கத்தில், சாம் சி.எஸ் இசையில் உருவாகியுள்ள ‘இம்மார்டல்’ (Immortal) படத்தின் பிரீ-ரிலீஸ் மற்றும் இசை வெளியீட்டு விழா சென்னையில் நேற்று நடைபெற்றது.
நிகழ்வில் பேசிய படக்குழுவினர், இதுவொரு வித்தியாசமான சூப்பர் நேச்சுரல் ஹாரர் மற்றும் திரில்லர் கதையம்சம் கொண்ட படம் என்று தெரிவித்தனர். ஜி.வி.பிரகாஷ் மற்றும் சாம் சி.எஸ் கூட்டணியின் இசை மற்றும் பின்னணி இசை படத்தின் பெரிய பலமாக இருக்கும்
வரும் செப்டம்பர் 4, 2026 அன்று திரையரங்குகளில் வெளியாக உள்ளது. படத்தின் ட்ரெய்லர் மற்றும் இசை வெளியீட்டு நிகழ்வு ஆன்லைனில் நல்ல வரவேற்பைப் பெற்றுள்ளதுடன், இது இந்த ஆண்டின் சிறந்த திரில்லர் படங்களில் ஒன்றாக இருக்கும் என்றும் திரை வட்டாரங்களில் பேசப்படுகிறது.
ஜிவி பிரகாஷ் தென்னிந்திய சினிமாவின் முன்னணி இசையமைப்பாளர். இவர் இந்த வருடம் இசையமைத்த யூத், இருமுடி, ஹாப்பி ராஜ், விஸ்வநாத் & சன்ஸ் என பல படங்கள் ஹிட் அடித்துள்ளன

disaster இந்தியா தமிழ்நாடு நிகழ்ச்சிகள்

Namadhu Arasu August 31, 2026August 31, 2026 cmvijay, nepal, Tamilnadu

நேபாள பெருவெள்ளத்தில் இதுவரை 810 பேர் உயிரிழப்பு…மீட்புப் பணி தொடர்கிறது

கடந்த 26-ம் தேதி இமயமலையில் பனிமலைகள் உடைந்து நேபாள நதிகளில் பெருவெள்ளம் ஏற்பட்டது. இதன் காரணமாக அந்த நாட்டின் ரசுவா, தாதிங், நுவாகோட், கோர்க்கா, டானாஹன், நவல்பூர், பராசி, சிட்வான் ஆகிய 8 மாவட்டங்கள் மிக கடுமையாகப் பாதிக்கப்பட்டு உள்ளன. நேபாளம் – சீனா இடையிலான பிரதான நெடுஞ்சாலை வெள்ளத்தில் அடித்துச்செல்லப்பட்டது.
பெருவெள்ளத்தில் உயிரிழந்தோர் எண்ணிக்கை 810 ஆக உயர்ந்துள்ளது. சுமார் 3,000-க்கும் மேற்பட்டோரை காணவில்லை. அவர்களை தேடும் பணி தீவிரப்படுத்தப்பட்டு உள்ளது.
ஐந்தாவது நாளாக நேபாளத்தில் நேற்று மீட்புப் பணிகள் நடைபெற்றன. அந்த நாட்டின் நீர் மின் திட்டங்களில் பணியாற்றிய 898 தொழிலாளர்களை காணவில்லை. அவர்களை தேடும் பணி தீவிரப்படுத்தப்பட்டு உள்ளது. இதற்காக இந்திய நிபுணர் குழு நேற்று முன்தினம் நேபாளம் சென்றது. அங்கு திரிசூலி 3ஏ நீர்மின் திட்டப் பகுதியின் சுரங்கத்தில் சுமார் 400-க்கும் மேற்பட்ட தொழிலாளர்கள் சிக்கி உள்ளனர்.

சுரங்கம் முழுவதையும் சகதி மூடியிருப்பதால் மீட்புப் பணியில் பெரும் சிரமம் ஏற்பட்டிருக்கிறது. நேபாளம் சென்ற இந்தியக் குழுவினர் நேற்று முதல் கட்டமாக 6 அங்குலம் அளவுக்கு சுரங்கத்தில் துளையிட்டு ஆக்சிஜன் செல்ல வழியை ஏற்படுத்தி உள்ளனர். மேலும் ஒரு நபர் நுழையும் அளவுக்கு சுரங்கத்தின் பக்கவாட்டில் 4 இடங்களில் துளையிட பணிகள் தொடங்கப்பட்டு உள்ளன. இதன்மூலம் சுரங்கத்துக்குள் சென்று தொழிலாளர்களை மீட்க முடியும் என்று இந்திய நிபுணர்கள் நம்பிக்கை தெரிவித்துள்ளனர்.
வெள்ளம் பாதித்த பகுதிகளில் இருந்து இதுவரை 810 உடல்கள் மீட்கப்பட்டு உள்ளன. மிக அதிகபட்சமாக சிட்வான் மாவட்டத்தில் 248 உடல்கள் மீட்கப்பட்டிருக்கிறது. கட்டிட இடிபாடுகளில் சிக்கிய நூற்றுக்கணக்கானோர் காயமடைந்து உள்ளனர்.அவர்கள் காத்மாண்டு உட்பட பல்வேறு நகரங்களின் மருத்துவமனைகளில் சிகிச்சை பெறுகின்றனர். ஆயிரக்கணக்கானோர் நிவாரண முகாம்களில் தஞ்சமடைந்து உள்ளனர். மேலும் வெள்ளம் பாதித்த பகுதிகளில் ஹெலிகாப்டர், ட்ரோன்கள் மூலம் உணவு பொட்டங்கள், குடிநீர் பாட்டில்கள் விநியோகம் செய்யப்படுகிறது.

நீர் மின் நிலைய திட்ட தொழிலாளர்கள் உட்பட சுமார் 3,000-க்கும் மேற்பட்டோரை காணவில்லை. அவர்களை தேடும் பணி தீவிரப்படுத்தப்பட்டு உள்ளது. இந்தியாவின் சார்பில் தடவியல் மற்றும் மரபணு ஆராய்ச்சி நிபுணர்கள் நேபாளத்துக்கு அனுப்பப்பட்டு உள்ளனர். அடையாளம் தெரியாத நபர்களின் உடல்களை அவர்கள் மரபணு சோதனை செய்து உறவினர்களிடம் ஒப்படைக்க உதவி செய்வார்கள் என்று இந்திய வெளியுறவுத் துறை தெரிவித்துள்ளது.

TVK அரசியல்ஆன்மீகம்இந்தியா தமிழ்நாடு

Namadhu Arasu August 28, 2026August 28, 2026 disaster, India, nepal, Tamilnadu

நேபாள வெள்ளத்தில் சிக்கிய தமிழர்களை மீட்க 4 அமைச்சர்கள் டெல்லி விரைந்தனர்…

நேபாள வெள்ளத்தில் சிக்கிய தமிழர்களை மீட்க முதல்வர் விஜய் உத்தரவின்படி ஆதவ் அர்ஜூனா உட்பட 4 அமைச்சர்கள் நேற்று டெல்லி விரைந்தனர். மேலும் கும்பகோணத்தில் இருந்து சென்ற 36 பேரை மீட்கும் பணி தீவிரமாக நடைபெற்று வருகிறது.

நேபாள வெள்ளத்தில், தஞ்சாவூர், திருவாரூர், மயிலாடுதுறை உள்ளிட்ட பல மாவட்டங்களைச் சேர்ந்த 57 பேர், கும்பகோணத்தைச் சேர்ந்த ‘சூப்பர் யாத்ரா டிராவல்ஸ்’ நிறுவனம் மூலம் கடந்த 23-ம் தேதி இரவு கைலாய யாத்திரைக்குச் சென்றுள்ளனர். அவர்களும் வெள்ளத்தில் சிக்கி உள்ளனர். எனினும், வெள்ளத்தில் இருந்து தப்பிய 20 பேர் பத்திரமாக மீட்கப்பட்டுள்ளனர்.

இதற்கிடையில், வெள்ளத்தில் சிக்கியவர்களில் கடலூரைச் சேர்ந்த திருமாவளவன் (62) என்பவர் நேற்று பாதுகாப்பாக மீட்கப்பட்டார். மீட்கப்பட்ட 21 பேரும் தற்போது திரிசூலி பகுதியில் பாதுகாப்பாகத் தங்க வைக்கப்பட்டுள்ளனர். மீதமுள்ள 36 பேரைத் தேடும் பணியில் இந்தியா, நேபாளம், சீனா ஆகிய 3 நாடுகளைச் சேர்ந்த 15-க்கும் மேற்பட்ட ஹெலிகாப்டர்கள் ஈடுபடுத்தப்பட்டுள்ளன.
நேபாளத்தில் சிக்கியுள்ள தமிழர்களை மீட்பது தொடர்பான ஆலோசனைக் கூட்டம் முதல்வர் விஜய் தலைமையில் தலைமைச் செயலகத்தில் நேற்று நடைபெற்றது. இதுகுறித்து தமிழக அரசு வெளியிட்ட செய்திக்குறிப்பு: நேபாளத்துக்குத் தமிழகத்தைச் சேர்ந்த 103 பேர் கைலாஷ் யாத்திரைக்காக 2 குழுக்களாகச் சென்றுள்ளனர்.

நேபாளத்தில் ஏற்பட்ட வெள்ளப்பெருக்கில் தமிழர்கள் உட்பட பலர் காணாமல் போயுள்ளனர். இப்பேரிடரில் சிக்கியுள்ள தமிழர்களை மீட்க மத்திய வெளியுறவுத் துறை, நேபாளத்தில் உள்ள இந்தியத் தூதரகம், டெல்லி தமிழ்நாடு இல்ல அரசு உயர் அலுவலர்கள் மற்றும் பயண முகவர் நிறுவனங்களின் உதவியுடன் துரித நடவடிக்கைகள் மேற்கொள்ளப்பட்டு வருகின்றன.
டெல்லி தமிழ்நாடு இல்ல உள்ளுறை ஆணையர் ஆசிஷ் குமார் தலைமையிலான குழுவினர் நேபாளத்துக்கு சென்று மீட்புப் பணிகளை ஒருங்கிணைக்க முதல்வர் விஜய் உத்தரவிட்டார். மீட்கப்பட்டுள்ள 21 தமிழர்களை தாயகம் அழைத்து வர ஏற்பாடு செய்யவும், தொடர்பு கொள்ள இயலாதவர்களின் நிலையைக் கண்டறிந்து மீட்புப்பணிகளைத் துரிதப்படுத்தவும் உத்தரவிட்டுள்ளார்.

பொதுப்பணித் துறை அமைச்சர் ஆதவ் அர்ஜூனா, பள்ளிக் கல்வி அமைச்சர் ராஜ்மோகன், வெளிநாடு வாழ் தமிழர் நலத்துறை அமைச்சர் க.தென்னரசு, வேளாண் துறை அமைச்சர் ர.வினோத் மற்றும் அயலகத் தமிழர் நலன் மற்றும் மறுவாழ்வுத் துறை இயக்குநர் ரெ.சதீஸ் ஆகியோர் டெல்லி தமிழ்நாடு இல்லத்தில் முகாமிட்டு, மீட்புப் பணிகள் தொடர்பான நடவடிக்கைகளை மேற்பார்வையிடுவதுடன், நேபாளத்தில் இருந்து மீட்கப்பட்ட தமிழர்களுக்குத் தேவையான மருத்துவ உதவிகள் வழங்கவும், அவர்களைப் பத்திரமாகத் தமிழகம் அழைத்து வரவும் நடவடிக்கைகளை மேற்கொள்ள முதல்வர் விஜய் உத்தரவிட்டுள்ளார். இவ்வாறு தமிழக அரசு அறிக்கையில் கூறப்பட்டுள்ளது. அதன்படி 4 அமைச்சர்களும் நேற்று டெல்லி விரைந்தனர்.
நேபாள வெள்ளத்தில் உயிரிழந்தோர் எண்ணிக்கை 359 ஆக உயர்ந்துள்ளது. மாயமான 1,500 பேரைத் தேடும் பணி தீவிரமாக நடந்து வருகிறது. நிவாரணப் பொருட்களுடன் கூடிய 2-வது விமானத்தை நேபாளத்துக்கு இந்தியா அனுப்பியது.

மலைப்பிரதேசமான நேபாள நாட்டின் வடக்கே திபெத் எல்லை உள்ளது. அதன் அருகே உள்ள ரசுவா மாவட்டத்தில் போடே கோசி என்ற நதி ஓடுகிறது. இந்த நதியில் நேற்று முன்தினம் காலை திடீர் வெள்ளப்பெருக்கு ஏற்பட்டது.

பல அடி உயரத்துக்குக் கீழ் நோக்கி பாய்ந்த இந்த பெருவெள்ளம் ரசுவா, தாதிங் மற்றும் நுவாகோட் ஆகிய 3 மாவட்டங்களைப் புரட்டிப் போட்டது. வானுயர்ந்த கட்டிடங்கள், சாலைகள், பாலங்கள், நீர்மின் நிலையங்கள் என அனைத்தையும் வெள்ளம் சுருட்டிச் சென்றது.

இடிபாடுகளுடன், சேறும் சகதியுமாய் பாய்ந்தோடிய வெள்ளத்தில் ஏராளமான மக்கள் அடித்துச் செல்லப்பட்டனர். இதில் உயிரிழந்தோர் எண்ணிக்கை 359 ஆக உயர்ந்துள்ளது. மேலும், 800 வெளிநாட்டினர் உட்பட 1,500-க்கும் மேற்பட்டோர் காணாமல் போயுள்ளள்ளதாக நேபாள அரசு நேற்று தெரிவித்தது.

அறிவியல்இந்தியா உலகம்தமிழ்நாடு நிகழ்ச்சிகள்

Namadhu Arasu August 27, 2026August 27, 2026 India, nepal, Tamilnadu

நேபாளத்தின் திடீர் வெள்ளப்பெருக்கு ….வரலாறு காணாத சோகம் ….

நேபாளம் நாட்டின் வடக்கு எல்லையில் உள்ள ரசுவா மாவட்டத்தில் உள்ள போட்டே கோஷி ஆற்றில் கடும் வெள்ளப் பெருக்கு ஏற்பட்டுள்ளது. இந்த வெள்ளப் பெருக்கில் சிக்கி இதுவரை 19 பேர் பலியாகியுள்ளனர். கடும் வெள்ளப் பெருக்கு காரணமாக பலியானோரின் எண்ணிக்கை அதிகரிக்கக் கூடும் எனும் அச்சமும் ஏற்பட்டுள்ளது. இதற்கிடையில், தமிழ்நாட்டில் இருந்து நேபாளத்திற்கு சுற்றுலா சென்ற 50 பேரும் இந்த வெள்ளப் பெருக்கில் சிக்கியிருக்கும் தகவல் வெளியாகியுள்ளது.
நேபாளம் – திபெத் பகுதியில் கடும் மழை மற்றும் பனிப்பாறைகள் கரைந்து பெரும் வெள்ளம் ஏற்பட்டுள்ளது. இந்த வெள்ளப் பெருக்கில் மலை பகுதிக்குக் கீழே இருந்த கிராமங்கள், பாலங்கள், மின்நிலையங்கள், வீடுகள் மற்றும் கட்டடங்கள் எல்லாம் அடித்துச் செல்லப்பட்டிருப்பதாக முதற்கட்ட தகவல் வெளியாகியுள்ளது.
நேபாளத்தில் இமயமலையில் ஏற்பட்ட பனிப்பாறை சரிவு திடீர் வெள்ளத்திற்குக் காரணம் என அந்நாட்டு அரசு அதிகாரப்பூர்வமாக அறிவித்துள்ளது.வெள்ளப் பெருக்கு குறித்து நேபாளம் அரசு வெளியிட்டுள்ள அறிவிப்பில், “நேபாளம் – சீனா இடையிலான ரசுவாகதி எல்லையின் வடகிழக்கே 20 கி.மீ தொலைவில் இமயமலையில் உள்ள பனிப்பாறை சரிவு ஏற்பட்டுள்ளது. அந்தப் பனிப்பாறை லெண்டே ஆற்றில் கலந்ததால், இந்தக் கோர வெள்ளப் பெருக்கு ஏற்பட்டுள்ளது” எனத் தெரிவித்துள்ளது.
நேபாளத்தின் ராசுவா பகுதியில் ஏற்பட்டுள்ள வெள்ளப் பெருக்கில் தமிழ்நாட்டைச் சேர்ந்த 50க்கும் மேற்பட்டோர் சிக்கியிருப்பது பெரும் அதிர்ச்சியை ஏற்படுத்தியுள்ளது.
நேபாளம், ராசுவா பகுதியில் தொடர் மழை காரணமாக போட்டே கோஷி ஆற்றில் கடும் வெள்ளப் பெருக்கு ஏற்பட்டுள்ளது. இந்த வெள்ளப் பெருக்கில் சிக்கி இதுவரை 7 பேர் பலியாகியுள்ளனர். கடும் வெள்ளப் பெருக்கு காரணமாக பலியானோரின் எண்ணிக்கை அதிகரிக்கக் கூடும் எனும் அச்சமும் ஏற்பட்டுள்ளது. இதற்கிடையில், தமிழ்நாட்டில் இருந்து நேபாளத்திற்கு சுற்றுலா சென்ற 50 பேரும் இந்த வெள்ளப் பெருக்கில் சிக்கியிருக்கும் தகவல் வெளியாகியுள்ளது.
நேபாளம் – திபத் பகுதியில் கடும் மழை மற்றும் பனி பாறைகள் கரைந்து பெரும் வெள்ளம் ஏற்பட்டுள்ளது. இந்த வெள்ளப் பெருக்கில் மலை பகுதி கீழே இருந்த கிராமங்கள் எல்லாம் அடித்துச் செல்லப்பட்டிருப்பதாக முதற்கட்ட தகவல் வெளியாகியுள்ளது. இந்நிலையில், தமிழ்நாட்டின் தஞ்சாவூர் மாவட்டம், கும்பகோணம் பகுதியைச் சேர்ந்த 100க்கும் மேற்பட்டோர் மூன்று பேருந்துகளில் அப்பகுதியில் சுற்றுலாவில் இருந்துள்ளனர்.
50க்கும் மேற்பட்டோர் சென்ற ஒரு பேருந்து வெள்ளத்தில் சிக்கியுள்ளது. நல்வாய்ப்பாக அவர்கள் தப்பித்து காத்மாண்டுவில் இருந்து 150 கி.மீ. தூரத்தில் உள்ள திமுர் பகுதியில் உள்ள பாதுகாப்பு முகாமில் தஞ்சமடைந்துள்ளனர். இது குறித்து தப்பித்தவர்கள் ஒரு குரல் பதிவையும் வெளியிட்டுள்ளனர். இதனைத் தொடர்ந்து தமிழ்நாடு அரசு தரப்பில் இருந்து அவர்களை தொடர்புகொள்ளும் பணி தற்போது தொடங்கியிருப்பதாக தகவல் வெளியாகியுள்ளது.
நேபாள நாட்டில் ஏற்பட்ட பெரும் வெள்ளப்பெருக்கு மற்றும் நிலச்சரிவு காரணமாகப் பெருமளவிலான உயிரிழப்புகளும் சொத்து சேதங்களும் ஏற்பட்டுள்ள சூழலில், நேபாள பிரதமா் பாலேந்திர ஷாவைத் தொலைபேசியில் தொடர்புகொண்டு பிரதமர் நரேந்திர மோடி தனது ஆழ்ந்த இரங்கலைத் தெரிவித்துள்ளார்.
நேபாள நாட்டின் ரசுவா மாவட்டத்தில் திபெத் எல்லைப் பகுதியில் அமைந்திருக்கும் போட்டே கோஷி ஆற்றில் திடீரென ஏற்பட்ட பெரும் வெள்ளப்பெருக்கு மற்றும் நிலச்சரிவு காரணமாக பேரழிவு ஏற்பட்டுள்ளது. இதில் 10-க்கும் அதிகமானோர் உயிரிழந்ததுடன் இந்தியர்கள் உள்பட ஆயிரக்கணக்கானோர் பாதிக்கப்பட்டுள்ளனர்.
வெள்ள பாதிப்பு தொடர்பாக மத்திய அரசு நேபாள அரசை தொடர்புகொண்டு தேவையான உதவிகளை வழங்கி வருகிறது. இந்த நிலையில், சமூக வலைத்தளப் பதிவில் இதுகுறித்து பதிவிட்டுள்ள பிரதமர் நரேந்திர மோடி, இந்த இக்கட்டான தருணத்தில் இந்திய மக்கள் அனைவரும் தங்கள் நேபாளச் சகோதர சகோதரிகளுடன் உறுதியாகத் துணை நிற்பதாகக் குறிப்பிட்டுள்ளார்.

அரசியல்இந்தியா தமிழ்நாடு நிகழ்ச்சிகள்

Namadhu Arasu August 26, 2026August 26, 2026 case, karnataka, Tamilnadu

3 தமிழர்கள் கர்நாடகாவில் சுட்டுக் கொல்லப்பட்ட வழக்கு சிஐடி விசாரணைக்கு மாற்றம்….

கர்நாடகாவில் 3 தமிழர்கள் சுட்டுக் கொல்லப்பட்ட வழக்கு சிஐடி விசாரணைக்கு மாற்றம்
ர்நாடக வனப்பகுதியில் 3 தமிழர்களும் அருகில் இருந்து சுட்டுக் கொல்லப்பட்டுள்ளனர் என்று பிரேதப் பரிசோதனை அறிக்கையில் தெரிய வந்துள்ளது. இதனால் இந்த வழக்கை சிஐடி விசாரணைக்கு மாற்றி கர்நாடக அரசு உத்தரவிட்டுள்ளது.
கர்நாடக மாநிலம் சாம்ராஜ் நகர் மாவட்டம் ஹனூர் அருகேயுள்ள காவிரி வனவிலங்கு சரணாலய பகுதியில் கடந்த 15-ம் தேதி அதிகாலையில் அந்தோணிசாமி (50), ஜான் ரோஸ் பீட்டர் (42), லாசர் டேவிட் குமார் (33) ஆகிய மூவரும் வனத்துறையினரால் சுட்டுக்கொல்லப்பட்டனர். இந்தச் சம்பவத்தைக் கண்டித்து ஹனூரில் பாதிக்கப்பட்டோரின் உறவினர்களும், கிராமத்தினரும் போராட்டத்தில் குதித்ததால் பதற்றம் ஏற்பட்டது.
இதையடுத்து வனத்துறை நிர்வாகம், ‘மான் வேட்டையாட சென்ற மூவரும் வனத்துறையினர் மீது துப்பாக்கிச் சூடு நடத்தினர். தங்கள் உயிரைக் காப்பாற்றி கொள்வதற்காக வனத்துறையினர் திருப்பி சுட்டதால் மூவரும் உயிரிழந்தனர்’ என்று தெரிவித்தனர். இதை உறவினர்கள் ஏற்கவில்லை. இந்தச் சம்பவத்துக்குத் தமிழக முதல்வர் விஜய், முன்னாள் முதல்வர்கள் மு.க.ஸ்டாலின், எடப்பாடி பழனிசாமி உள்ளிட்ட தமிழக
அரசியல் தலைவர்கள் கடும் கண்டனம் தெரிவித்தனர்.
இதுகுறித்து விசாரணை நடத்த கர்நாடக முதல்வர் டி.கே.சிவகுமார் உத்தரவிட்டார். அதன்பின், வனத்துறையினர் 7 பேர் மீது கொலை வழக்குப் பதிவு செய்யப்பட்டது.3 பேர் சுட்டுக்கொல்லப்பட்ட ஷாக்யா வனப்பகுதியில், கொள்ளேகால் துணை ஆணையர் தினேஷ் குமார் மீனா தலைமையில் போலீஸாரும், வனத்துறை அதிகாரிகளும் ஆய்வு மேற்கொண்டனர்.

அங்கு சிதறிக் கிடந்த பொருட்களைச் சேகரித்தனர். வனத்துறை ஊழியர்கள் ஷிவராஜ், சேகரையா, அனில்குமார் உள்ளிட்ட 7 பேரையும், இந்த துப்பாக்கிச் சூட்டில் உயிர்த் தப்பிய மகிமை தாஸையும் துணை ஆணையர் தினேஷ் குமார் மீனா விசாரித்தார்.

மேலும், கொல்லப்பட்ட 3 பேரிட‌ம் இருந்து 2 நாட்டுத் துப்பாக்கிகள், 3 கத்திகள், 2 செல்போன்கள், கட்டிங் பிளேயர், ஸ்குரு டிரைவர், 2 பைகள், வெங்காயம், தக்காளி, சமையல் பாத்திரங்கள், 2 பைகளில் மான் இறைச்சி, ஒரு ஜோடி ஹவாய் செருப்பு ஆகியவற்றை கைப்பற்றியதாக வனத்துறை அதிகாரிகள் தெரிவித்தனர்.வனத்துறை வெளியிட்ட புகைப்படத்தில் இடம்பெற்ற, ஸ்டிக்கர் பிரிக்காத புதிய காலணி பலத்த சந்தேகத்தை ஏற்படுத்தியது. அந்தோணிசாமியின் மனைவி லூர்து மேரி, ‘இரவெல்லாம் காட்டில் அலைந்தவரின் செருப்பில் மண் கூட ஒட்டி இருக்காதா?’ என்று கேள்வி எழுப்பினார்.வழக்கின் நேரடி சாட்சியான மகிமை தாஸ், “வனத்துறையினர் மிகவும் அருகில் இருந்து துப்பாக்கிச் சூடு நடத்தினர். மலைப் பகுதியில் இருந்து கீழே குதித்து உயிர் தப்பினேன். என்னை வனத்துறையினர் விசாரணைக்கு அழைத்து, சாட்சி சொல்ல வைக்க முயற்சிக்கின்றனர். அவர்கள் சொல்வதைப் போல சொல்லாவிட்டால், என்னை வழக்கில் சிக்க வைத்து விடுவார்களோ என்று அச்சமாக இருக்கிறது. எனது உயிருக்கு ஆபத்து இருக்கிறது” என்று வீடியோ வெளியிட்டு கோரிக்கை விடுத்தார்.

இந்தச் சூழ்நிலையில், கொல்லப்பட்ட 3 பேரின் பிரேதப் பரிசோதனை கடந்த 16-ம் தேதி மைசூருவில் உள்ள கே.ஆர். அரசு மருத்துவமனையில் நடத்தப்பட்டது. பிரேதப் பரிசோதனை அறிக்கையில், “இறந்த 3 பேரும், 10 அடிக்குக் குறைவான தூர‌த்தில் இருந்து சுடப்பட்டுள்ளனர்.

ஜான் ரோஸ் பீட்டரின் இடது காது பகுதியில் இருந்து மார்பு பகுதி வரை சுமார் 28 செ.மீ. நீளத்துக்கு ஆழமான காயம் ஏற்பட்டுள்ளது. அந்தோணிசாமி, லாசர் டேவிட் குமார் ஆகியோரின் வலது மார்பு, தொடை ஆகிய இடங்களில் ப‌லத்த காயம் ஏற்பட்டுள்ளது.

லாசட் டேவிட் குமார் உடலில் வல‌து மார்புப் பகுதியில் 8.5 செ.மீ. வலது தொடையில் 13 செ.மீ. ஆழத்துக்குக் காயம் ஏற்பட்டுள்ளது. இதனால் மிக அருகாமையில் இருந்து சுடப்பட்டது உறுதியாகிறது” என்று தெரிவிக்கப்பட்டுள்ளது.ர்நாடக காவல் துறை தலைமை இயக்குநர் மற்றும் காவல் துறை இன்ஸ்பெக்டர் ஜெனரல் (டிஜி அண்ட் ஐஜிபி) சலீம், “மூன்று பேர் சுட்டுக் கொல்லப்பட்ட வழக்கு சிஐடி விசாரணைக்கு மாற்றப்படுகிறது” என்று நேற்று உத்தரவிட்டார். இதையடுத்து துணை காவல் ஆணையர் தினேஷ் குமார் மீனா தலைமையிலான விசாரணைக் குழுவின் அறிக்கைகள் சிஐடி போலீஸாருக்கு அனுப்ப, சாம்ராஜ் ந‌கர் காவல் கண்காணிப்பாளருக்கு அறிவுறுத்தப்பட்டுள்ளது.

TVK அரசியல்தமிழ்நாடு தொழில்நுட்பம்நிகழ்ச்சிகள்

Namadhu Arasu August 26, 2026August 26, 2026 cauverywater, cmvijay, Tamilnadu

காவிரி நீர்: கர்நாடகா 9,000 கன அடி நீர் திறக்க ஆணையம் உத்தரவு

தமிழ்நாட்டில் அடுத்த 15 நாட்களுக்கு விநாடிக்கு 9,000 கன அடி நீர் திறப்பதற்கு கர்நாடக அரசுக்கு, காவிரி நீர் மேலாண்மை ஆணையம் உத்தரவிட்டுள்ளது.
திங்கள்கிழமை நடைபெற்ற காவிரி நீர் ஒழுங்காற்று குழு கூட்டத்தில் விநாடிக்கு 9 ஆயிரம் கன அடி வீதம் 15 நாட்களுக்கு காவிரியில் தண்ணீர் திறந்துவிட பரிந்துரை செய்யப்பட்டது.
இந்த நிலையில், காவிரி நீர் மேலாண்மை ஆணையத்தின் கூட்டம் அதன் தலைவர் எஸ்.கே. ஹல்தர் தலைமையில் செவ்வாய்க்கிழமை நடைபெற்றது.
கர்நாடக அணைகளில் 68 டி.எம்.சி. நீர் இருப்பதால் ஒரு நாளைக்கு 1.9 டி.எம்.சி. நீர் திறப்பதற்கு உத்தரவிட வேண்டும் என தமிழக அரசு அதிகாரிகள் வலியுறுத்தினர்.
மிழ்நாட்டின் கோரிக்கையை ஏற்காத காவிரி மேலாண்மை ஆணையம், காவிரியில் தமிழ்நாட்டுக்கு அடுத்த 15 நாட்களுக்கு நாள்தோறும் 9 ஆயிரம் கன அடி நீர் திறக்க உத்தரவு பிறப்பித்தது.

TVK அரசியல்தமிழ்நாடு நிகழ்ச்சிகள்வணிகம்

Namadhu Arasu August 25, 2026August 25, 2026 airport, cmvijay, parandhur, Tamilnadu

பரந்தூர் விமான நிலையத் திட்டத்தை கைவிடுவதாக முதல்வர் அறிவிப்பு….

தமிழக முதல்வர் சி. ஜோசப் விஜய், விவசாய நிலங்களையும் நீர்நிலைகளையும் பாதுகாக்கும் நோக்கில் பரந்தூர் விமான நிலையத் திட்டம் முழுமையாக கைவிடப்படுவதாக 2026 ஆகஸ்ட் 24 அன்று சட்டப்பேரவையில் விதி 110-ன்க கீழ் அறிவித்தார்.முதல்வர் விஜயின் அறிவிப்பு மற்றும் காரணங்கள்பரந்தூர் பகுதியில் விமான நிலையம் அமைத்தால் ஆயிரக்கணக்கான ஏக்கர் விவசாய நிலங்கள் மற்றும் நீர்நிலைகள் பாதிக்கும் என்பதால் மக்கள் போராட்டத்திற்கு ஆதரவு தெரிவிக்கப்பட்டது.இத்திட்டம் கைவிடப்படுவதாகவும், அப்பகுதி மக்களின் கோரிக்கை ஏற்கப்பட்டுள்ளதாகவும் முதல்வர் தெரிவித்தார்.
மாற்றுத் திட்டங்கள் என்ன?சென்னை மீனம்பாக்கம் விமான நிலையத்தில் வடமேற்கு பகுதியில் புதியதாக 5-வது முனையம் (Terminal 5) உருவாக்கப்படும்.சென்னைக்கு அருகில் குறைந்த பாதிப்பை ஏற்படுத்தக்கூடிய மாற்று இடத்தில் புதிய இரண்டாவது விமான நிலையம் அமைக்க விரிவான திட்டமிடل செய்யப்படும்.எதிர்க்கட்சிகளின் எதிர்ப்புபரந்தூர் திட்டம் ரத்து செய்யப்பட்டது தமிழகத்தின் பொருளாதார வளர்ச்சிக்கும் வேலைவாய்ப்புகளுக்கும் பின்னடைவு என்று திமுக தலைவர் மு.க. ஸ்டாலின் கண்டனம் தெரிவித்தார்.விவாதிக்க அனுமதி வழங்கப்படாமல் விதி 110-ன்க கீழ் திடீரென இந்த அறிவிப்பு வெளியிடப்பட்டதை எதிர்த்து திமுக உறுப்பினர்கள் வெளிநடப்பு செய்தனர்.பரந்தூர் விமான நிலையம் 5,746 ஏக்கர் நிலப்பரப்பில் திட்டமிடப்பட்டது. இதில் சுமார் 2,500 ஏக்கர் தனியார் நிலமும், மீதமுள்ள பரப்பில் பொதுப்பணி, நெடுஞ்சாலை, ஊரக வளர்ச்சி, வருவாய், வனம் மற்றும் பிற துறைகளுக்கு சொந்தமான அரசு நிலமும் உள்ளது. திட்டத்திற்கு ரூ. 27,400 கோடி.

தி.மு.க., ஆட்சியில், பரந்தூர் திட்டத்திற்காக, ஸ்ரீபெரும்புதூர் மற்றும் காஞ்சிபுரம் தாலுகாவில், ஏகனாபுரம் கிராமம் தவிர்த்து, 1,000 நாட்களுக்கு மேலாக, 1,000 நாட்களுக்கும் மேலாக, அப்பகுதி மக்கள் போராடி வரும் 12 கிராமங்களில், மொத்தம், 1,700 ஏக்கர் தனியார் நிலம் கையகப்படுத்தப்பட்டது
பரந்தூர் விமான நிலையத் திட்டத்தைக் கைவிடும் முடிவுக்கு பதிலளித்த திமுக செயல்தலைவரும், முன்னாள் முதல்வருமான மு.க.ஸ்டாலின், இந்த முடிவு தமிழகத்தின் வளர்ச்சியை பல ஆண்டுகள் பின்னுக்குத் தள்ளும் என்றும், இது பெரும் ஏமாற்றம் என்றும், மீள முடியாத பின்னடைவு என்றும் கூறினார்.

முந்தைய திமுக ஆட்சியில் உருவாக்கப்பட்ட இந்தத் திட்டம், நிலம் கையகப்படுத்தும் பணி கிட்டத்தட்ட முடிந்து, ஏற்கனவே பல ஆயத்தப் பணிகள் மற்றும் ஒப்புதல்கள் கிடைத்துள்ள நிலையில், மாற்று இடங்களை மதிப்பீடு செய்து கவனமாகத் திட்டமிடப்பட்டது.

இத்திட்டத்தை கைவிட்டுவிட்டு, வேறொரு இடத்தில் பணியைத் தொடங்குவது, வளர்ச்சியை தாமதப்படுத்துவதுடன், தமிழகத்தின் வளர்ச்சிப் பாதையையும் பாதிக்கும் என்றார் ஸ்டாலின்.