மேஷம்: நல்லவை நடக்கத்தொடங்கும் காலகட்டம். பணியிடத்தில் சாதகமான சூழல் உருவாகும். உங்கள் திறமை பலரால் பாராட்டப்படும். வீட்டில் விசேஷங்கள் அணிவகுத்து வரும். தம்பதியர் இடையே அன்யோன்யம் உருவாகும். பூமியால் ஆதாயம் உண்டு. வர்த்தகத்தில் பழைய பாக்கிகள் திடீரென்று வசூலாகும். அரசுத் துறையினருக்கு ஏற்றம் ஏற்படும். நிலுவையில் இருந்த தொகைகள் கைக்கு வந்து சேரும். அரசியல் சார்ந்தோர்க்கு புகழ், பாராட்டு கிட்டும். மேலிடத்தின் ஆதரவு கூடும். கலை, படைப்புத் துறையினருக்கு திறமைக்கு ஏற்ப வாய்ப்புகள் வரும். பயணப்பாதையில் வேகம் வேண்டவே வேண்டாம். தலைவலி, நரம்பு, மூட்டு உபாதைகள் வரலாம். சுப்ரமண்யர் வழிபாடு சுபிட்சம் சேர்க்கும்.
ரிஷபம்: மனதில் இருந்த அழுத்தங்கள் நீங்கும். திறமைக்கு ஏற்ற வகையில் அலுவலகத்தில் அந்தஸ்து உயரும். யாரிடமும் வீண் ரோஷம் வேண்டாம். தம்பதியர் இடையே விட்டுக்கொடுத்தல் முக்கியம். வாரிசுகளின் திருமணத் தடை நீங்கும். பூர்வீக சொத்து சேரும். பெற்றோர் உடல்நலம் சீராகும். ஆபரணங்களை இரவல்தர, பெற வேண்டாம். தொழில், வாணிபத்தில் லாபம் அதிகரிக்கும். பங்குவர்த்தகத்தில் நிதானம் அவசியம். அரசுத் துறையினருக்கு ஏற்றமும் மாற்றமும் ஏற்படும். அரசியல் சார்ந்தவர்களுக்கு ஆதரவு அதிகரிக்கும். கலை, படைப்புத் துறையினருக்கு நிதானம் முக்கியம். இரவுப் பயணத்தில் நிதானம் முக்கியம். ரத்த அழுத்தம், அடிவயிறு, நரம்பு உபாதைகள் வரலாம். ஈசன் வழிபாடு, இனிமை சேர்க்கும்.
மிதுனம்: சுறுசுறுப்பாகச் செயல்பட்டால் சுபிட்சங்கள் வந்து சேரும். பணியிடத்தில் சுமுகப் போக்கு நிலவும். பொறுப்புகளை திட்டமிட்டு நேரம் தவறாது செய்யுங்கள். இல்லத்தில் இன்சொல் பேசுங்கள். சுபகாரியங்களின் வீண் கேளிக்கை தவிருங்கள். செய்யும் தொழிலில் நேரடி கவனம் முக்கியம். அயல்நாட்டு வர்த்தகத்தில் ஒப்பந்தங்கள் பத்திரம். அரசுப் பணியில் உள்ளோர் கவனமாகச் செயல்படுவது நல்லது. அரசியல் சார்ந்தவர்களுக்கு பேச்சில் நிதானம் அவசியம். படைப்பு,கலைத்துறையினர் ரகசியங்களைப் பரமரகசியமாக வையுங்கள். ரத்த நாளம், அலர்ஜி, சுவாசம், ஜீரண உபாதைகள் வரலாம். பைரவர் வழிபாடு, பசுமை சேர்க்கும்.
கடகம்: திறமைகள் பளிச்சிடத்தொடங்கும் காலகட்டம். அலுவலகத்தில் எதிர்பார்த்த மேன்மைகள் வரத்தொடங்கும். சிலருக்கு வெளிநாடு செல்லும் யோகம் உண்டு. வீட்டில் விசேஷங்கள் வரும். ரத்தபந்தங்களால் ஆதரவு கிட்டும். அசையும் அசையா சொத்து சேரும். வழக்குகளில் நிதானம் அவசியம். செய்யும் தொழிலில் முயற்சி முக்கியம். ஒப்பந்தங்களில் கவனித்துக் கையெழுத்திடுங்கள். அரசுத் துறையினர் அமைதியாகச் செயல்படுங்கள். அரசியல் சார்ந்தோர்க்கு ஆதரவு நிலைக்கும். கலை, படைப்புத் துறையினர் எதிர்பாலரிடம் எல்லை வகுத்துப் பழகுங்கள். காது, மூக்கு, தொண்டை உபாதைகள் வரலாம். பழுதுபட்ட வாகனத்தை உடன் சீரமையுங்கள். இஷ்ட அம்மன் வழிபாடு, இனிமை சேர்க்கும்
சிம்மம்: பொறுமையாகச் செயல்படவேண்டிய காலகட்டம். பணியிடத்தில் வீண் தர்க்கம் யாரிடமும் வேண்டாம். பொறுப்புகளை திட்டமிட்டு செயல்படுத்துங்கள். இல்லத்தில் இன்சொல் அவசியம். சுபகாரியங்களில் ஆடம்பரம் தவிருங்கள். வாரிசுகளால் பெருமை சேரும். வீடு, வாகனம் மாற்ற வாய்ப்பு உண்டு. வர்த்தகத்தில் வளர்ச்சி வரத்தொடங்கும். பழைய கடன்கள் பைசலாகும். அரசுத் துறையினர்க்கு ஏற்றம் உறுதியாகும்.அரசியல் சார்ந்தோர், மேலிடத்தின் பேச்சைக் கேட்டு நடப்பதே நல்லது. கலை, படைப்புத் துறையினருக்கு வாய்ப்புகள் ஒவ்வொன்றாக வரும். பயணப்பாதையில் கவனச் சிதறல் தவிருங்கள். அடிவயிறு,கொழுப்பு உபாதைகள் வரலாம். பிள்ளையார் வழிபாடு, பிரகாசிக்கச் செய்யும்.
கன்னி: திட்டமிட்டுச் செயல்படவேண்டிய காலகட்டம். அலுவலகத்தில் அலட்சியமும் அவசரமும் வேண்டாம். எதிர்பாரா இடமாற்றம் வந்தால் தவிர்க்காதீர்கள். வீட்டில் விட்டுக் கொடுத்தால் விசேஷங்கள் வரும். வாழ்க்கைத் துணையுடன் மனம்விட்டுப் பேசுங்கள். பழைய கடன்களில் அலட்சியம் கூடாது. பத்திரங்கள் எதையும் பத்திரமாக வையுங்கள். வர்த்தகத்தில் உழைப்புக்கு ஏற்ப வளர்ச்சி உண்டு. அரசுப் பணிபுரிவோர், கையெழுத்திடுகையில் கவனமாக இருங்கள். அரசியல் சார்ந்தோர் பிறர் சொல் கேட்டால் பெரும்பழி வரலாம், யோசித்து செயல்படுங்கள். பயணத்தில் உடைமைகள் பத்திரம். மறைமுக உறுப்பு, முதுகு உபாதைகள் வரலாம். பைரவர் வழிபாடு, பசுமை சேர்க்கும்.
துலாம்: எண்ணம்போல் ஏற்றம் வரக்கூடிய காலகட்டம். பணியிடத்தில் தடைபட்ட உயர்வுகள் தடை நீங்கி வந்து சேரும். உடனிருப்போர் ஆதரவு கிட்டும். வீட்டில் நிம்மதி இடம்பிடிக்கும். பெற்றோர், பெரியோர் உடல்நலம் சீராகும். வீடு, வாகன யோகம் உண்டு. செய்யும் தொழிலில் லாபம் அதிகரிக்கும். பங்குவர்த்தகத்தில் நிதானம் முக்கியம். அரசுப் பணியிலுள்ளோர்க்கு இஷ்டம்போல இடமாற்றம் கிட்டும். அரசியல் துறையினர்க்கு மேலிடத்தின் ஆதரவு கிட்டும். திடீர் பதவிக்கு வாய்ப்பு உண்டு. கலை, படைப்புத் துறையினரின் கனவுகள் நனவாகத் தொடங்கும். பயணப் பாதையில் போதுமான ஓய்வு முக்கியம். அஜீரணம்,கழிவு உறுப்பு உபாதைகள் வரலாம். ஏழுமலையான் வழிபாடு, ஏற்றம் தரும்.
விருச்சிகம்: சோம்பல் தவிர்த்தால், உயர்வுகள் வரத்தொடங்கும் காலகட்டம். அலுவலகத்தில் திட்டமிடலும் நேரம் தவறாமையும் முக்கியம். பிறர் விஷயத்தில் நீங்கள் தலையிட வேண்டாம். குடும்பத்தில் நிம்மதி நிலவும். சுபகாரியத் தடைகள் நீங்கும். இளம் வயதினர், பெற்றோர் பெரியோருடன் மனம்விட்டுப் பேசுங்கள். செய்யும் தொழிலில், சுணக்கம் தவிர்த்தால், சீரான வளர்ச்சி உண்டு. அரசுப்பணியில் உள்ளோர்க்கு அலைச்சல் அதிகரித்தாலும் ஆதாயம் கிட்டும். அரசியல் சார்ந்தோர் வீண் கேளிக்கை தவிர்ப்பதும், வாக்கில் கவனம் செலுத்துவதும் நல்லது. கலை, படைப்புத் துறையினர் சிலருக்கு அரசுவழி பாராட்டு கிட்டும். இரவுநேரப் பயணத்தை இயன்றவரை தவிருங்கள். தொற்றுநோய், ரத்த அழுத்த மாற்றம், தூக்கமின்மை வரலாம். தட்சிணாமூர்த்தி வழிபாடு தழைக்கச் செய்யும்.
தனுசு: பொறுமையாகச் செயல்படவேண்டிய காலகட்டம். அலுவலகத்தில் பொறுப்பு உணர்வு மிகமிக முக்கியம். கையெழுத்திடுகையில் அலட்சியமும் பணியில் கூடாது. வீண் புலம்பல் விபரீதமாகலாம், தவிருங்கள். குடும்பத்தில் ஒற்றுமை இடம்பிடிக்கும். விட்டுக்கொடுத்தால் விசேஷங்கள் வரத்தொடங்கும். தம்பதியர், ப்ரஸ்பரம் உடல்நலத்தில் கவனம் செலுத்துங்கள். உறவுகளிடம் வாக்குவாதம் வேண்டாம். வர்த்தகத்தில் நேரடி கவனமும், நேர்மையும் மிகமிக முக்கியம். அயல்நாட்டு வர்த்தக அனுமதிகள் கைகூடும். அரசுத் துறையினர் கவனத்தை திசைதிருப்பாமல் செயல்படுங்கள். அரசியல் சார்ந்தோர்க்கு நிதானம் மிக அவசியம். கலை, படைப்புத் துறையினர் எதிர்பாலரிடம் எச்சரிக்கையாகப் பழகுங்கள். இரவுப் பயணம் தவிருங்கள். பல், எலும்பு உபாதைகள் வரலாம். மாருதி வழிபாடு,மங்களம் சேர்க்கும்.
மகரம்: சீரான நன்மைகள் வரத்தொடங்கும் காலகட்டம். பணியிடத்தில் புதிய பொறுப்பும் அதனால் பெருமையும் அதிகரிக்கும். பிறரால் ஏற்பட்டிருந்த வீண்பழி நீங்கும். குடும்பத்தில் மகிழ்ச்சி மலரும். வாழ்க்கைத் துணையுடன் அன்யோன்யம் அதிகரிக்கும். வீடு,மனை யோகம் உண்டு. குடும்ப ரகசியங்களை பொது இடத்தில் பேசவேண்டாம். செய்யும் தொழில் செழிக்கும். கூட்டுத் தொழில் லாபம் தரும். அரசியல் சார்ந்தோர்க்கு பாராட்டு, பதவி வாய்ப்பு உண்டு. அரசுப் பணியினர் மேலதிகாரிகளால் பாராட்டப்படுவீர்கள். கலை, படைப்புத் துறையினர்க்கு கணிசமான வாய்ப்புகள் வரும். பயணத்தில் கவனச் சிதறல் கூடாது. இடுப்பு, அடிவயிறு, கழுத்து, முதுகு, கால் உபாதைகள் வரலாம். நவகிரஹ குருபகவான் வழிபாடு, கோடி நன்மை சேர்க்கும்.
கும்பம்: உயர்வுகளுக்கு உத்தரவாதம் கிட்டும் காலகட்டம். பணியிடத்தில் உங்கள் திறமை உரிவர்களால் பேசப்படும். இடமாற்றம், பதவி, ஊதியம் மனம்போல கிட்டும். குடும்பத்தில் அமைதி உருவாகும். அது நிலைக்க, வாக்கில் இனிமை வேண்டும். வீடு,மனை மாற்ற, புதுப்பிக்க வாய்ப்பு உண்டு. வர்த்தகத்தில் வளர்ச்சி சீராகும். பிறரை நம்பி முதலீடு செய்ய வேண்டாம். அரசுப் பணியில் உள்ளோர்க்கு திடீர் பதவி,பொறுப்பு வரும். அரசியல் சார்ந்தவர்கள் பிறருக்கு ஜாமீன் தருவதை தவிர்ப்பது நல்லது. கலை, படைப்புத் துறையினர் சோம்பலை விரட்டுவது முக்கியம். பயணங்கள் அதிகரித்தாலும் அதனால் ஆதாயம் உண்டு. இடுப்பு, கண், நரம்பு உபாதைகள் வரலாம். தட்சிணாமூர்த்தி வழிபாடு தழைக்கச் செய்யும்
மீனம்: வாக்கில் கவனம் இருந்தால், வாழ்க்கை இனிக்கும் காலகட்டம். பணியிடத்தில் உங்களுக்கு உரிய பெருமைகள் சேரும். பிறர் தவறை பெரிது படுத்த வேண்டாம். பொறுப்புச் சுமை அதிகரிக்கலாம். திட்டமிட்டுச் செய்யுங்கள். இல்லத்தில் சுமுகப் போக்கு நிலவும். பெற்றோர், பெரியோர் ஆலோசனைகளைக் கேட்டால் சுபதடைகள் நீங்கும். தரல், பெறலை உடனுக்குடன் குறித்து வையுங்கள். வர்த்தகத்தில் அலட்சியம் கூடாது. அரசியல் சார்ந்தோர்க்கு வாக்கில் நிதானம் தேவை. அரசுப்பணியில் உள்ளோர் கோப்புகளில் கையெழுத்திடும்போது கவனமாக இருங்கள். கலை, படைப்புத் துறையினர் முயற்சிக்கு ஏற்ப வாய்ப்புகளைப் பெறலாம். வாகனப் பழுதை உடனுக்குடன் சீரமையுங்கள். தூக்கமின்மை, சோர்வு, சுளுக்கு, பல் உபதைகள் வரலாம். இஷ்ட மகான் வழிபாடு, வாழ்வை மணக்கச் செய்யும்.
Read More
