scene

நடிகர்கள்: சூர்யா, நஸ்ரியா, நஸ்லென், ஆனந்த்ராஜ், லால்
இயக்கம்: ஜித்து மாதவன்
இசை: சுஷின் ஷ்யாம்
வகை: கிரைம் – காமெடி – திரில்லர்
வெளியான தேதி: 6 நவம்பர் 2026
திரைப்பட நேரம்: 2 மணி 29 நிமிடங்கள்

கதை ….
திறமையான காவல்துறை அதிகாரியான இன்பராஜ் (சூர்யா), தனது தனிப்பட்ட பலவீனங்களுடன் வாழ்க்கையை நகர்த்திக் கொண்டிருக்கிறார்.

டிஎஸ்பி இன்பராஜ் (சூர்யா) ஒரு கூர்மையான, கண்டிப்பான போலீஸ் அதிகாரி. எப்படியாவது முன்கூட்டியே ஓய்வுபெற்றுவிட வேண்டும் என்று நினைக்கிறார். ஆனால், அவர் பல ஆண்டுகளுக்கு முன்பு முடித்துவைத்த ஒரு வழக்கு திடீரென மீண்டும் தலைதூக்கி, அவரது நேர்மையை கேள்விக்குள்ளாக்குகிறது.

தொடர்ச்சியான கொலைகள் ஒரு புத்திசாலித்தனமான சீரியல் கொலையாளியை கைகாட்டுகின்றன. இதனால் வழக்கு விசாரணைக்குள் மீண்டும் தள்ளப்படும் இன்பராஜின் வாழ்க்கைக்குள் உதவியாளராக வருகிறார் மாயா (நஸ்ரியா). ஒருபுறம் சீரியல் கில்லர் தரும் டென்ஷனையும், இன்னொருபுறம் டார்க் காமெடியையும் கச்சிதமாக சமன் செய்யும் ஒரு கிரைம் த்ரில்லராக படம் விரிகிறது.
இந்தச் சூழலில் நகரத்தில் தொடர்ச்சியாக நடக்கும் மர்மக் கொலைகள் காவல்துறைக்குப் பெரும் சவாலாக மாறுகின்றன. புத்திசாலித்தனமாகக் கொலைகளைச் செய்யும் ஈஸ்வரன் (நஸ்லென்) என்ற சைக்கோ கொலைகாரனைப் பிடிக்க வேண்டிய பொறுப்பு இன்பராஜுக்கு வருகிறது.

ஒருபுறம் கொலைகாரனின் புத்திசாலித்தனம், மறுபுறம் காவல்துறை அதிகாரியின் விசித்திரமான அணுகுமுறை என இருவருக்கும் இடையே நடக்கும் ஆட்டம்தான் படத்தின் சுவாரஸ்யமான கதை

சூர்யா: நீண்ட நாட்களுக்குப் பிறகு மிகவும் இயல்பான, ஜாலியான சூர்யாவைப் பார்க்க முடிகிறது. காமெடி, ஆக்ஷன், எமோஷன் என அனைத்திலும் சிறப்பான நடிப்பு.

நஸ்ரியா: தனது துறுதுறுப்பான நடிப்பால் படத்திற்குக் கூடுதல் பலம் சேர்க்கிறார்.

நஸ்லென்: வித்தியாசமான கொலைகாரன் கதாபாத்திரத்தில் அசத்தியிருக்கிறார்.

ஆனந்த்ராஜ்: பல இடங்களில் சிரிக்க வைக்கிறார்.

இயக்கம்: ஜித்து மாதவன் கிரைம் திரில்லருடன் நகைச்சுவையை அழகாகக் கலந்திருக்கிறார்.

இசை: சுஷின் ஷ்யாமின் பின்னணி இசை படத்தின் சுவாரஸ்யத்தை அதிகரிக்கிறது.

படத்தின் மைனஸ் பாயிண்ட்ஸ்
ஆரம்பக் காட்சிகள் கொஞ்சம் மெதுவாக நகர்கின்றன.

சில நகைச்சுவைகள் எதிர்பார்த்த அளவுக்கு வேலை செய்யவில்லை.

இரண்டாம் பாதியில் திரைக்கதையின் வேகம் சற்றுக் குறைகிறது.

சில இடங்களில் விசாரணைக் காட்சிகள் இன்னும் விறுவிறுப்பாக இருந்திருக்கலாம்..

சீன் ஒரு வழக்கமான சூர்யா மாஸ் திரைப்படம் கிடையாது. ஹீரோயிசத்தை ஓரமாக வைத்துவிட்டு, கதைக்கும் கதாபாத்திரங்களுக்கும் முக்கியத்துவம் கொடுத்து உருவாக்கப்பட்ட வித்தியாசமான திரைப்படம்.

கிரைம் திரில்லர் கதைக்குள் காமெடியையும் கலந்து, ரசிகர்களைச் சிரிக்கவும் விறுவிறுப்பாகப் படம் பார்க்கவும் வைத்திருக்கிறார் இயக்குநர் ஜித்து மாதவன்.

குறிப்பாக சூர்யா – நஸ்ரியா கெமிஸ்ட்ரி, நஸ்லெனின் நடிப்பு, சுவாரஸ்யமான விசாரணைக் காட்சிகள் படத்தின் மிகப்பெரிய பலம்.
லால் – சூர்யா இடையிலான காட்சிகள் கலகலப்புக்கு உத்தரவாதம் தருகின்றன. சிறையில் இருக்கும் ஒரு கேமியோ கதாபாத்திரத்திடம் லால் விசாரணை நடத்தும் காட்சி, அதே கதாபாத்திரத்திடம் பின்னர் சூர்யா விசாரணை நடத்த முயல்வதும், சூர்யாவை பற்றிய ஓர் உண்மையை அந்த கதாபாத்திரம் போட்டு உடைக்கும் காட்சிகள் எல்லாம் ப்ளாஸ்ட் ரகம். மலையாள சினிமாக்களுக்கு தமிழ் சினிமா மீதுள்ள காதலை சொல்லும் விதமாக, படத்தில் வரும் காட்சி ரசிக்க வைக்கிறது.சூர்யாவுக்கு இணையாக தனது நேர்த்தியான நடிப்பால் கதாபாத்திரத்திற்கு உயிர் கொடுத்துள்ளார் நஸ்ரியா. ஆக்‌ஷன் காட்சிகளில் அவரது Hardwork தெரிகிறது.எப்போதும் விறைப்பாகவே நடிக்கும் சூர்யாவுக்கு இது ஒரு felxi படம் … கண் பார்வை இல்லாது பல படங்கள் பல ஹீரோ நடித்திருந்தாலும்..இது சற்று வித்தியாசம் என்றே சொல்லலாம்… அனால் போலீஸ் அதிகாரிகளை கைதி இப்படி மிரட்டுவது சற்று ஏற்று கொள்ள முடியவில்லை… போலீஸ் treatment எல்லோருக்கும் தெரிந்ததே…

எனது ரேட்டிங்

3.5 / 5 ⭐
இறுதித் தீர்ப்பு:

சூர்யாவின் வித்தியாசமான நடிப்பு, ஜித்து மாதவனின் மேக்கிங், நகைச்சுவை கலந்த கிரைம் திரில்லர் என ஒரு நல்ல தியேட்டர் அனுபவம் தரும் படம்.
ஒரே வரியில்: சூர்யாவின் நடிப்பும் ஜித்து மாதவனின் வித்தியாசமான திரைக்கதையும் இணைந்து கொடுக்கும் சுவாரஸ்யமான கிரைம் காமெடி திரில்லர் – சீன்!(kk)

Read More