jagadeepdankar

குடியரசு துணைத் தலைவர் ஜெகதீப் தன்கர், மத்திய உள்துறை அமைச்சர் அமித் ஷா ஆகியோரின் வருகையையொட்டி சென்னையில் இன்று பிற்பகல் முதல் போக்குவரத்து மாற்றம் செய்யப்படுகிறது.
முன்னாள் குடியரசு துணைத் தலைவர் வெங்கையா நாயுடுவின் பேரன் திருமணம் மாமல்லபுரத்தில் இன்று நடைபெறுகிறது. இதில், பங்கேற்க குடியரசு துணைத் தலைவர் ஜெகதீப் தன்கர், மத்திய அமைச்சர் அமித் ஷா ஆகியோர் இன்று மாலை சென்னை வர உள்ளனர்.

இதையொட்டி, சென்னையில் இன்று மதியம் 2 மணி முதல் இரவு 10 மணி வரை போக்குவரத்து மாற்றம் செய்யப்பட்டுள்ளது. விமான நிலையத்திலிருந்து கிழக்கு கடற்கரைச் சாலைக்கு செல்லும் வாகன ஓட்டிகள், பழைய மகாபலிபுரம் சாலையை மாற்றுப்பாதையாகப் பயன்படுத்தி தங்கள் இலக்கை அடையலாம் என்று பெருநகர போக்குவரத்துக் காவல்துறை தெரிவித்துள்ளது. வணிக வாகனங்கள் விமான நிலையம் முதல் இசிஆர் வரை உள்ள சாலையைப் பயன்படுத்தத் தடை விதிக்கப்படுவதாகவும் அறிவித்துள்ளது.