Namadhu Arasu – Page 4 – Namadhu Arasu

நேபாளம் நாட்டின் வடக்கு எல்லையில் உள்ள ரசுவா மாவட்டத்தில் உள்ள போட்டே கோஷி ஆற்றில் கடும் வெள்ளப் பெருக்கு ஏற்பட்டுள்ளது. இந்த வெள்ளப் பெருக்கில் சிக்கி இதுவரை 19 பேர் பலியாகியுள்ளனர். கடும் வெள்ளப் பெருக்கு காரணமாக பலியானோரின் எண்ணிக்கை அதிகரிக்கக் கூடும் எனும் அச்சமும் ஏற்பட்டுள்ளது. இதற்கிடையில், தமிழ்நாட்டில் இருந்து நேபாளத்திற்கு சுற்றுலா சென்ற 50 பேரும் இந்த வெள்ளப் பெருக்கில் சிக்கியிருக்கும் தகவல் வெளியாகியுள்ளது.
நேபாளம் – திபெத் பகுதியில் கடும் மழை மற்றும் பனிப்பாறைகள் கரைந்து பெரும் வெள்ளம் ஏற்பட்டுள்ளது. இந்த வெள்ளப் பெருக்கில் மலை பகுதிக்குக் கீழே இருந்த கிராமங்கள், பாலங்கள், மின்நிலையங்கள், வீடுகள் மற்றும் கட்டடங்கள் எல்லாம் அடித்துச் செல்லப்பட்டிருப்பதாக முதற்கட்ட தகவல் வெளியாகியுள்ளது.
நேபாளத்தில் இமயமலையில் ஏற்பட்ட பனிப்பாறை சரிவு திடீர் வெள்ளத்திற்குக் காரணம் என அந்நாட்டு அரசு அதிகாரப்பூர்வமாக அறிவித்துள்ளது.வெள்ளப் பெருக்கு குறித்து நேபாளம் அரசு வெளியிட்டுள்ள அறிவிப்பில், “நேபாளம் – சீனா இடையிலான ரசுவாகதி எல்லையின் வடகிழக்கே 20 கி.மீ தொலைவில் இமயமலையில் உள்ள பனிப்பாறை சரிவு ஏற்பட்டுள்ளது. அந்தப் பனிப்பாறை லெண்டே ஆற்றில் கலந்ததால், இந்தக் கோர வெள்ளப் பெருக்கு ஏற்பட்டுள்ளது” எனத் தெரிவித்துள்ளது.
நேபாளத்தின் ராசுவா பகுதியில் ஏற்பட்டுள்ள வெள்ளப் பெருக்கில் தமிழ்நாட்டைச் சேர்ந்த 50க்கும் மேற்பட்டோர் சிக்கியிருப்பது பெரும் அதிர்ச்சியை ஏற்படுத்தியுள்ளது.
நேபாளம், ராசுவா பகுதியில் தொடர் மழை காரணமாக போட்டே கோஷி ஆற்றில் கடும் வெள்ளப் பெருக்கு ஏற்பட்டுள்ளது. இந்த வெள்ளப் பெருக்கில் சிக்கி இதுவரை 7 பேர் பலியாகியுள்ளனர். கடும் வெள்ளப் பெருக்கு காரணமாக பலியானோரின் எண்ணிக்கை அதிகரிக்கக் கூடும் எனும் அச்சமும் ஏற்பட்டுள்ளது. இதற்கிடையில், தமிழ்நாட்டில் இருந்து நேபாளத்திற்கு சுற்றுலா சென்ற 50 பேரும் இந்த வெள்ளப் பெருக்கில் சிக்கியிருக்கும் தகவல் வெளியாகியுள்ளது.
நேபாளம் – திபத் பகுதியில் கடும் மழை மற்றும் பனி பாறைகள் கரைந்து பெரும் வெள்ளம் ஏற்பட்டுள்ளது. இந்த வெள்ளப் பெருக்கில் மலை பகுதி கீழே இருந்த கிராமங்கள் எல்லாம் அடித்துச் செல்லப்பட்டிருப்பதாக முதற்கட்ட தகவல் வெளியாகியுள்ளது. இந்நிலையில், தமிழ்நாட்டின் தஞ்சாவூர் மாவட்டம், கும்பகோணம் பகுதியைச் சேர்ந்த 100க்கும் மேற்பட்டோர் மூன்று பேருந்துகளில் அப்பகுதியில் சுற்றுலாவில் இருந்துள்ளனர்.
50க்கும் மேற்பட்டோர் சென்ற ஒரு பேருந்து வெள்ளத்தில் சிக்கியுள்ளது. நல்வாய்ப்பாக அவர்கள் தப்பித்து காத்மாண்டுவில் இருந்து 150 கி.மீ. தூரத்தில் உள்ள திமுர் பகுதியில் உள்ள பாதுகாப்பு முகாமில் தஞ்சமடைந்துள்ளனர். இது குறித்து தப்பித்தவர்கள் ஒரு குரல் பதிவையும் வெளியிட்டுள்ளனர். இதனைத் தொடர்ந்து தமிழ்நாடு அரசு தரப்பில் இருந்து அவர்களை தொடர்புகொள்ளும் பணி தற்போது தொடங்கியிருப்பதாக தகவல் வெளியாகியுள்ளது.
நேபாள நாட்டில் ஏற்பட்ட பெரும் வெள்ளப்பெருக்கு மற்றும் நிலச்சரிவு காரணமாகப் பெருமளவிலான உயிரிழப்புகளும் சொத்து சேதங்களும் ஏற்பட்டுள்ள சூழலில், நேபாள பிரதமா் பாலேந்திர ஷாவைத் தொலைபேசியில் தொடர்புகொண்டு பிரதமர் நரேந்திர மோடி தனது ஆழ்ந்த இரங்கலைத் தெரிவித்துள்ளார்.
நேபாள நாட்டின் ரசுவா மாவட்டத்தில் திபெத் எல்லைப் பகுதியில் அமைந்திருக்கும் போட்டே கோஷி ஆற்றில் திடீரென ஏற்பட்ட பெரும் வெள்ளப்பெருக்கு மற்றும் நிலச்சரிவு காரணமாக பேரழிவு ஏற்பட்டுள்ளது. இதில் 10-க்கும் அதிகமானோர் உயிரிழந்ததுடன் இந்தியர்கள் உள்பட ஆயிரக்கணக்கானோர் பாதிக்கப்பட்டுள்ளனர்.
வெள்ள பாதிப்பு தொடர்பாக மத்திய அரசு நேபாள அரசை தொடர்புகொண்டு தேவையான உதவிகளை வழங்கி வருகிறது. இந்த நிலையில், சமூக வலைத்தளப் பதிவில் இதுகுறித்து பதிவிட்டுள்ள பிரதமர் நரேந்திர மோடி, இந்த இக்கட்டான தருணத்தில் இந்திய மக்கள் அனைவரும் தங்கள் நேபாளச் சகோதர சகோதரிகளுடன் உறுதியாகத் துணை நிற்பதாகக் குறிப்பிட்டுள்ளார்.

அரசியல்இந்தியா தமிழ்நாடு நிகழ்ச்சிகள்

Namadhu Arasu August 26, 2026August 26, 2026 case, karnataka, Tamilnadu

3 தமிழர்கள் கர்நாடகாவில் சுட்டுக் கொல்லப்பட்ட வழக்கு சிஐடி விசாரணைக்கு மாற்றம்….

கர்நாடகாவில் 3 தமிழர்கள் சுட்டுக் கொல்லப்பட்ட வழக்கு சிஐடி விசாரணைக்கு மாற்றம்
ர்நாடக வனப்பகுதியில் 3 தமிழர்களும் அருகில் இருந்து சுட்டுக் கொல்லப்பட்டுள்ளனர் என்று பிரேதப் பரிசோதனை அறிக்கையில் தெரிய வந்துள்ளது. இதனால் இந்த வழக்கை சிஐடி விசாரணைக்கு மாற்றி கர்நாடக அரசு உத்தரவிட்டுள்ளது.
கர்நாடக மாநிலம் சாம்ராஜ் நகர் மாவட்டம் ஹனூர் அருகேயுள்ள காவிரி வனவிலங்கு சரணாலய பகுதியில் கடந்த 15-ம் தேதி அதிகாலையில் அந்தோணிசாமி (50), ஜான் ரோஸ் பீட்டர் (42), லாசர் டேவிட் குமார் (33) ஆகிய மூவரும் வனத்துறையினரால் சுட்டுக்கொல்லப்பட்டனர். இந்தச் சம்பவத்தைக் கண்டித்து ஹனூரில் பாதிக்கப்பட்டோரின் உறவினர்களும், கிராமத்தினரும் போராட்டத்தில் குதித்ததால் பதற்றம் ஏற்பட்டது.
இதையடுத்து வனத்துறை நிர்வாகம், ‘மான் வேட்டையாட சென்ற மூவரும் வனத்துறையினர் மீது துப்பாக்கிச் சூடு நடத்தினர். தங்கள் உயிரைக் காப்பாற்றி கொள்வதற்காக வனத்துறையினர் திருப்பி சுட்டதால் மூவரும் உயிரிழந்தனர்’ என்று தெரிவித்தனர். இதை உறவினர்கள் ஏற்கவில்லை. இந்தச் சம்பவத்துக்குத் தமிழக முதல்வர் விஜய், முன்னாள் முதல்வர்கள் மு.க.ஸ்டாலின், எடப்பாடி பழனிசாமி உள்ளிட்ட தமிழக
அரசியல் தலைவர்கள் கடும் கண்டனம் தெரிவித்தனர்.
இதுகுறித்து விசாரணை நடத்த கர்நாடக முதல்வர் டி.கே.சிவகுமார் உத்தரவிட்டார். அதன்பின், வனத்துறையினர் 7 பேர் மீது கொலை வழக்குப் பதிவு செய்யப்பட்டது.3 பேர் சுட்டுக்கொல்லப்பட்ட ஷாக்யா வனப்பகுதியில், கொள்ளேகால் துணை ஆணையர் தினேஷ் குமார் மீனா தலைமையில் போலீஸாரும், வனத்துறை அதிகாரிகளும் ஆய்வு மேற்கொண்டனர்.

அங்கு சிதறிக் கிடந்த பொருட்களைச் சேகரித்தனர். வனத்துறை ஊழியர்கள் ஷிவராஜ், சேகரையா, அனில்குமார் உள்ளிட்ட 7 பேரையும், இந்த துப்பாக்கிச் சூட்டில் உயிர்த் தப்பிய மகிமை தாஸையும் துணை ஆணையர் தினேஷ் குமார் மீனா விசாரித்தார்.

மேலும், கொல்லப்பட்ட 3 பேரிட‌ம் இருந்து 2 நாட்டுத் துப்பாக்கிகள், 3 கத்திகள், 2 செல்போன்கள், கட்டிங் பிளேயர், ஸ்குரு டிரைவர், 2 பைகள், வெங்காயம், தக்காளி, சமையல் பாத்திரங்கள், 2 பைகளில் மான் இறைச்சி, ஒரு ஜோடி ஹவாய் செருப்பு ஆகியவற்றை கைப்பற்றியதாக வனத்துறை அதிகாரிகள் தெரிவித்தனர்.வனத்துறை வெளியிட்ட புகைப்படத்தில் இடம்பெற்ற, ஸ்டிக்கர் பிரிக்காத புதிய காலணி பலத்த சந்தேகத்தை ஏற்படுத்தியது. அந்தோணிசாமியின் மனைவி லூர்து மேரி, ‘இரவெல்லாம் காட்டில் அலைந்தவரின் செருப்பில் மண் கூட ஒட்டி இருக்காதா?’ என்று கேள்வி எழுப்பினார்.வழக்கின் நேரடி சாட்சியான மகிமை தாஸ், “வனத்துறையினர் மிகவும் அருகில் இருந்து துப்பாக்கிச் சூடு நடத்தினர். மலைப் பகுதியில் இருந்து கீழே குதித்து உயிர் தப்பினேன். என்னை வனத்துறையினர் விசாரணைக்கு அழைத்து, சாட்சி சொல்ல வைக்க முயற்சிக்கின்றனர். அவர்கள் சொல்வதைப் போல சொல்லாவிட்டால், என்னை வழக்கில் சிக்க வைத்து விடுவார்களோ என்று அச்சமாக இருக்கிறது. எனது உயிருக்கு ஆபத்து இருக்கிறது” என்று வீடியோ வெளியிட்டு கோரிக்கை விடுத்தார்.

இந்தச் சூழ்நிலையில், கொல்லப்பட்ட 3 பேரின் பிரேதப் பரிசோதனை கடந்த 16-ம் தேதி மைசூருவில் உள்ள கே.ஆர். அரசு மருத்துவமனையில் நடத்தப்பட்டது. பிரேதப் பரிசோதனை அறிக்கையில், “இறந்த 3 பேரும், 10 அடிக்குக் குறைவான தூர‌த்தில் இருந்து சுடப்பட்டுள்ளனர்.

ஜான் ரோஸ் பீட்டரின் இடது காது பகுதியில் இருந்து மார்பு பகுதி வரை சுமார் 28 செ.மீ. நீளத்துக்கு ஆழமான காயம் ஏற்பட்டுள்ளது. அந்தோணிசாமி, லாசர் டேவிட் குமார் ஆகியோரின் வலது மார்பு, தொடை ஆகிய இடங்களில் ப‌லத்த காயம் ஏற்பட்டுள்ளது.

லாசட் டேவிட் குமார் உடலில் வல‌து மார்புப் பகுதியில் 8.5 செ.மீ. வலது தொடையில் 13 செ.மீ. ஆழத்துக்குக் காயம் ஏற்பட்டுள்ளது. இதனால் மிக அருகாமையில் இருந்து சுடப்பட்டது உறுதியாகிறது” என்று தெரிவிக்கப்பட்டுள்ளது.ர்நாடக காவல் துறை தலைமை இயக்குநர் மற்றும் காவல் துறை இன்ஸ்பெக்டர் ஜெனரல் (டிஜி அண்ட் ஐஜிபி) சலீம், “மூன்று பேர் சுட்டுக் கொல்லப்பட்ட வழக்கு சிஐடி விசாரணைக்கு மாற்றப்படுகிறது” என்று நேற்று உத்தரவிட்டார். இதையடுத்து துணை காவல் ஆணையர் தினேஷ் குமார் மீனா தலைமையிலான விசாரணைக் குழுவின் அறிக்கைகள் சிஐடி போலீஸாருக்கு அனுப்ப, சாம்ராஜ் ந‌கர் காவல் கண்காணிப்பாளருக்கு அறிவுறுத்தப்பட்டுள்ளது.

TVK அரசியல்தமிழ்நாடு தொழில்நுட்பம்நிகழ்ச்சிகள்

Namadhu Arasu August 26, 2026August 26, 2026 cauverywater, cmvijay, Tamilnadu

காவிரி நீர்: கர்நாடகா 9,000 கன அடி நீர் திறக்க ஆணையம் உத்தரவு

தமிழ்நாட்டில் அடுத்த 15 நாட்களுக்கு விநாடிக்கு 9,000 கன அடி நீர் திறப்பதற்கு கர்நாடக அரசுக்கு, காவிரி நீர் மேலாண்மை ஆணையம் உத்தரவிட்டுள்ளது.
திங்கள்கிழமை நடைபெற்ற காவிரி நீர் ஒழுங்காற்று குழு கூட்டத்தில் விநாடிக்கு 9 ஆயிரம் கன அடி வீதம் 15 நாட்களுக்கு காவிரியில் தண்ணீர் திறந்துவிட பரிந்துரை செய்யப்பட்டது.
இந்த நிலையில், காவிரி நீர் மேலாண்மை ஆணையத்தின் கூட்டம் அதன் தலைவர் எஸ்.கே. ஹல்தர் தலைமையில் செவ்வாய்க்கிழமை நடைபெற்றது.
கர்நாடக அணைகளில் 68 டி.எம்.சி. நீர் இருப்பதால் ஒரு நாளைக்கு 1.9 டி.எம்.சி. நீர் திறப்பதற்கு உத்தரவிட வேண்டும் என தமிழக அரசு அதிகாரிகள் வலியுறுத்தினர்.
மிழ்நாட்டின் கோரிக்கையை ஏற்காத காவிரி மேலாண்மை ஆணையம், காவிரியில் தமிழ்நாட்டுக்கு அடுத்த 15 நாட்களுக்கு நாள்தோறும் 9 ஆயிரம் கன அடி நீர் திறக்க உத்தரவு பிறப்பித்தது.

TVK அரசியல்தமிழ்நாடு நிகழ்ச்சிகள்வணிகம்

Namadhu Arasu August 25, 2026August 25, 2026 airport, cmvijay, parandhur, Tamilnadu

பரந்தூர் விமான நிலையத் திட்டத்தை கைவிடுவதாக முதல்வர் அறிவிப்பு….

தமிழக முதல்வர் சி. ஜோசப் விஜய், விவசாய நிலங்களையும் நீர்நிலைகளையும் பாதுகாக்கும் நோக்கில் பரந்தூர் விமான நிலையத் திட்டம் முழுமையாக கைவிடப்படுவதாக 2026 ஆகஸ்ட் 24 அன்று சட்டப்பேரவையில் விதி 110-ன்க கீழ் அறிவித்தார்.முதல்வர் விஜயின் அறிவிப்பு மற்றும் காரணங்கள்பரந்தூர் பகுதியில் விமான நிலையம் அமைத்தால் ஆயிரக்கணக்கான ஏக்கர் விவசாய நிலங்கள் மற்றும் நீர்நிலைகள் பாதிக்கும் என்பதால் மக்கள் போராட்டத்திற்கு ஆதரவு தெரிவிக்கப்பட்டது.இத்திட்டம் கைவிடப்படுவதாகவும், அப்பகுதி மக்களின் கோரிக்கை ஏற்கப்பட்டுள்ளதாகவும் முதல்வர் தெரிவித்தார்.
மாற்றுத் திட்டங்கள் என்ன?சென்னை மீனம்பாக்கம் விமான நிலையத்தில் வடமேற்கு பகுதியில் புதியதாக 5-வது முனையம் (Terminal 5) உருவாக்கப்படும்.சென்னைக்கு அருகில் குறைந்த பாதிப்பை ஏற்படுத்தக்கூடிய மாற்று இடத்தில் புதிய இரண்டாவது விமான நிலையம் அமைக்க விரிவான திட்டமிடل செய்யப்படும்.எதிர்க்கட்சிகளின் எதிர்ப்புபரந்தூர் திட்டம் ரத்து செய்யப்பட்டது தமிழகத்தின் பொருளாதார வளர்ச்சிக்கும் வேலைவாய்ப்புகளுக்கும் பின்னடைவு என்று திமுக தலைவர் மு.க. ஸ்டாலின் கண்டனம் தெரிவித்தார்.விவாதிக்க அனுமதி வழங்கப்படாமல் விதி 110-ன்க கீழ் திடீரென இந்த அறிவிப்பு வெளியிடப்பட்டதை எதிர்த்து திமுக உறுப்பினர்கள் வெளிநடப்பு செய்தனர்.பரந்தூர் விமான நிலையம் 5,746 ஏக்கர் நிலப்பரப்பில் திட்டமிடப்பட்டது. இதில் சுமார் 2,500 ஏக்கர் தனியார் நிலமும், மீதமுள்ள பரப்பில் பொதுப்பணி, நெடுஞ்சாலை, ஊரக வளர்ச்சி, வருவாய், வனம் மற்றும் பிற துறைகளுக்கு சொந்தமான அரசு நிலமும் உள்ளது. திட்டத்திற்கு ரூ. 27,400 கோடி.

தி.மு.க., ஆட்சியில், பரந்தூர் திட்டத்திற்காக, ஸ்ரீபெரும்புதூர் மற்றும் காஞ்சிபுரம் தாலுகாவில், ஏகனாபுரம் கிராமம் தவிர்த்து, 1,000 நாட்களுக்கு மேலாக, 1,000 நாட்களுக்கும் மேலாக, அப்பகுதி மக்கள் போராடி வரும் 12 கிராமங்களில், மொத்தம், 1,700 ஏக்கர் தனியார் நிலம் கையகப்படுத்தப்பட்டது
பரந்தூர் விமான நிலையத் திட்டத்தைக் கைவிடும் முடிவுக்கு பதிலளித்த திமுக செயல்தலைவரும், முன்னாள் முதல்வருமான மு.க.ஸ்டாலின், இந்த முடிவு தமிழகத்தின் வளர்ச்சியை பல ஆண்டுகள் பின்னுக்குத் தள்ளும் என்றும், இது பெரும் ஏமாற்றம் என்றும், மீள முடியாத பின்னடைவு என்றும் கூறினார்.

முந்தைய திமுக ஆட்சியில் உருவாக்கப்பட்ட இந்தத் திட்டம், நிலம் கையகப்படுத்தும் பணி கிட்டத்தட்ட முடிந்து, ஏற்கனவே பல ஆயத்தப் பணிகள் மற்றும் ஒப்புதல்கள் கிடைத்துள்ள நிலையில், மாற்று இடங்களை மதிப்பீடு செய்து கவனமாகத் திட்டமிடப்பட்டது.

இத்திட்டத்தை கைவிட்டுவிட்டு, வேறொரு இடத்தில் பணியைத் தொடங்குவது, வளர்ச்சியை தாமதப்படுத்துவதுடன், தமிழகத்தின் வளர்ச்சிப் பாதையையும் பாதிக்கும் என்றார் ஸ்டாலின்.

TVK அரசியல்தமிழ்நாடு நிகழ்ச்சிகள்

Namadhu Arasu August 24, 2026August 24, 2026 Assembly, cmvijay, Tamilnadu

இன்றைய சட்டமன்றத்தில் முக்கிய துறைகளின் மீதான விவாதம்…

நகராட்சி நிர்வாகம் மற்றும் குடிநீர் வழங்கல் துறை, உயர்கல்வித்துறை, பள்ளிக்கல்வித்துறை, தமிழ் வளர்ச்சி செய்தி மற்றும் விளம்பரம் ஆகிய துறைகளின் மீதான மானிய கோரிக்கைகள் மீது விவாதம் நடைபெறுகிறது.
முதலமைச்சர் வசமுள்ள நகராட்சி நிர்வாகம் மற்றும் குடிநீர் வழங்கல் துறையில் சொத்து வரி உயர்வு, மழைக்காலத்தை எதிர்கொள்ள செய்ய வேண்டிய பணிகள் உள்ளிட்ட முக்கிய பிரச்சினைகளை எதிர்க்கட்சிகள் எழுப்ப திட்டமிட்டுள்ளனர்.
பள்ளிக்கல்வி துறையை பொருத்தவரையில் தவெக நிர்வாகிகள் பள்ளிகளில் சென்று ரிலீஸ் எடுப்பது, திருவெற்றியூரில் பள்ளி மாணவர் கொலை உள்ளிட்ட பிரச்சனைகள் எழுப்பப்படும் என்று எதிர்பார்க்கப்படுகிறது.
உயர்கல்வித்துறையில் இடதுசாரி மாணவர்கள் மற்றும் சிஜேபி போராட்டம் தொடர்பான சுற்றறிக்கை, கோவை கல்லூரி மாணவர் கொலை உள்ளிட்ட பல்வேறு பிரச்சனைகள் எழுப்பப்படும் என்று எதிர்பார்க்கப்படுகிறது. எனவே சட்டப்பேரவை அனல் பறக்கும் என்று எதிர்பார்க்கப்படுகிறது.

சினிமா தமிழ்நாடு நிகழ்ச்சிகள்

Namadhu Arasu August 18, 2026August 18, 2026 Rajinikanth, santhanu, tamilcinema, Tamilnadu

சாந்தனு பாக்யராஜ் – சீமான் இணைந்து நடிக்கும் “ஒரு கைதியின் டைரி” பட மோஷன் போஸ்டரை சூப்பர் ஸ்டார் ரஜினிகாந்த் வெளியிட்டார்!

சூப்பர் ஸ்டார் ரஜினிகாந்த், சுசீந்திரன் இயக்கத்தில் சாந்தனு பாக்யராஜ் நாயகனாக நடிக்கும் ‘ஒரு கைதியின் டைரி’ திரைப்படத்தின் மோஷன் போஸ்டரை படக்குழு முன்னிலையில் வெளியிட்டார். இந்த நிகழ்வு படத்தின் மீதான எதிர்பார்ப்பை மேலும் அதிகரித்துள்ளது.

KRG Kannan Ravi Group சார்பில் கண்ணன் ரவி மற்றும் தீபக் ரவி இணைந்து தயாரிக்கும் இப்படத்தில், சாந்தனு பாக்யராஜ் நாயகனாகவும், சீமான் முக்கிய கதாபாத்திரத்திலும் நடிக்கின்றனர். இப்படத்திற்கு சாம் சி எஸ் இசையமைக்கிறார்.

மதுரையை பின்னணியாகக் கொண்டு உருவாகும் இப்படம், அப்பா – மகன் உறவை மையமாகக் கொண்ட கதையாக உருவாகிறது. குடும்ப உறவுகளின் உணர்வுகளுடன் ஆக்சன் மற்றும் விறுவிறுப்பான சம்பவங்களும் இணைந்த கதைக்களமாக இப்படம் அமையவுள்ளது. மதுரையின் வாழ்வியலும், அப்பா – மகன் உறவில் ஏற்படும் உணர்வுப்பூர்வமான மாற்றங்களும் கதையின் முக்கிய அம்சங்களாக இடம்பெறுகின்றன.

வெளியாகியுள்ள மோஷன் போஸ்டரில் சீமான் மற்றும் சாந்தனுவின் தோற்றங்கள், பின்னணியில் இடம்பெற்றுள்ள மதுரை கோயில் கோபுரங்கள், கையெழுத்துப் பிரதியைப் போன்ற வடிவமைப்பு ஆகியவை படத்தின் கதைக்களம் குறித்த ஆர்வத்தை ஏற்படுத்துகின்றன. ‘ஒரு கைதியின் டைரி’ என்ற தலைப்பும், அப்பா – மகன் உறவை மையமாகக் கொண்ட கதையும் படத்தின் மீது எதிர்பார்ப்பை உருவாக்கியுள்ளது.

தமிழ் திரையுலகில் தரமான வணிகப் படங்களுக்கு முக்கியத்துவம் அளித்து வரும் KRG Kannan Ravi Group சார்பில் கண்ணன் ரவி மற்றும் தீபக் ரவி இணைந்து தயாரிக்கும் 10வது திரைப்படம் இது. தயாரிப்பாளர் கண்ணன் ரவி, சமீப காலமாக தரமான கதைகளுக்கும் வலுவான படைப்பாளிகளுக்கும் முக்கியத்துவம் அளித்து, “தலைவர் தம்பி தலைமையில்” மற்றும் “TN 2026” முதலாக பல வெற்றிப் படங்களை வழங்கி வருகிறார். அந்த வரிசையில், இந்தப் படத்தையும் கதைக்கும் தயாரிப்பு தரத்திற்கும் முக்கியத்துவம் அளித்து உருவாக்கி வருகின்றனர்.

தமிழ் சினிமாவின் முன்னணி கமர்ஷியல் இயக்குநர்களில் ஒருவரான சுசீந்திரன், குடும்ப உணர்வுகள், ஆக்சன், கிரைம், எமோஷன் ஆகியவற்றை சரியான விகிதத்தில் கலந்து ரசிகர்களை கவரும் திறமையால் தனக்கென தனித்த அடையாளத்தை உருவாக்கியவர். நான் மகான் அல்ல, பாண்டியநாடு வெற்றிப் படங்களைப் போல அப்பா–மகன் உறவை மையப்படுத்தி, மீண்டும் அதே பாணியில் விறுவிறுப்பும் உணர்வுகளும் நிறைந்த கதையுடன் இந்தப் படத்தை உருவாக்குகிறார். இப்படத்தின் படப்பிடிப்பை ஒரே கட்டமாக முடிக்க படக்குழு திட்டமிட்டுள்ளது.

சுசீந்திரன் – சாந்தனு பாக்யராஜ் கூட்டணி, சீமானின் முக்கிய கதாபாத்திரம், சாம் சி எஸ் இசை மற்றும் மதுரை பின்னணியில் உருவாகும் ‘ஒரு கைதியின் டைரி’, மோஷன் போஸ்டர் வெளியானதிலேயே ரசிகர்களின் கவனத்தை ஈர்த்துள்ளது. படத்தின் அடுத்தடுத்த அறிவிப்புகள் மற்றும் படப்பிடிப்பு குறித்த தகவல்கள் எதிர்பார்ப்பை மேலும் அதிகரிக்கும் என தெரிகிறது.

சினிமா தமிழ்நாடு நிகழ்ச்சிகள்

Namadhu Arasu August 18, 2026August 18, 2026 pariscafe, tamilcinema, Tamilnadu

Paris Cafe Audio Launch…@Prasadlab….

பாரிஸ் கஃபே அறிமுக இயக்குநர் சரஜ் சீலன் இயக்கத்தில், எல்வி என்டர்டெயின்மென்ட் சார்பில் கண்மணி ரங்கநாதன் தயாரித்துள்ள, வெளிவரவிருக்கும் ஒரு தமிழ் இசை சார்ந்த காதல் நாடகத் திரைப்படமாகும் . இப்படத்தில் குரு சோமசுந்தரம் மற்றும் அனுமோல் ஆகியோர் முக்கிய கதாபாத்திரங்களில் நடிக்க,
இப்படத்தின் பிரம்மாண்டமான இசை வெளியீட்டு விழா, 2026 ஆகஸ்ட் 17 அன்று, சென்னை சாலிகிராமத்தில் உள்ள பிரசாத் ஸ்டுடியோவில் நடைபெற்றது
நடிகர்கள் மற்றும் படக்குழுவினர்முன்னணி நடிகர்கள்: குரு சோமசுந்தரம், அனுமோல்துணை நடிகர்கள்: அர்ச்சனா குமார், விஜய் விஷ்வா, சாய் விக்கி மற்றும் நயனா சாய்இயக்குனர்: சரஜ் சீலன்தயாரிப்பாளர்: கண்மணி ரங்கநாதன் (எல்வி என்டர்டெயின்மென்ட்)இசையமைப்பாளர்: கே. கிருஷ்ண குமார் (கே)ஒளிப்பதிவு: சதீஷ் ஜி.தொகுப்பாளர்: வி.ஜே. சாபு ஜோசப்
மருத்துவரான கௌதம் மற்றும் சமூக ஆர்வலரான தாரா ஆகியோரின் வலுவான பிணைப்பு, ஏழு ஆண்டுகளுக்கு முன்பு புதைக்கப்பட்ட ஒரு உண்மையால் சோதிக்கப்பட்டு உடைக்கப்பட்டு, அவர்கள் பிரிவதை இப்படம் சித்தரிக்கிறது.

அரசியல்தமிழ்நாடு நிகழ்ச்சிகள்மாவட்டம்

Namadhu Arasu August 18, 2026August 18, 2026 karnataka, supremecourt, Tamilnadu, water

காவிரியில் தமிழகத்துக்குத் தண்ணீர் திறக்க கர்நாடக அரசுக்கு உச்ச நீதிமன்றம் உத்தரவு….

காவிரியில் தமிழகத்துக்கு உரிய தண்ணீரைக் கர்நாடக அரசு திறந்து விடக் கோரியும் காவிரி நீர் மேலாண்மை ஆணையத்தின் வினாடிக்கு 12,000 கன அடி நீர் திறக்க வேண்டும் என்ற உத்தரவை

எதிர்த்தும் தமிழக அரசு தாக்கல் செய்த மனு மற்றும் திமுக தொடர்ந்த மனு ஆகியவை உச்ச நீதிமன்ற நீதிபதிகள் விக்ரம் நாத், சந்தீப் மேத்தா ஆகியோர் அடங்கிய அமர்வு முன்னிலையில் நேற்று விசாரணைக்கு வந்தன.
காவிரி நீர் மேலாண்மை ஆணையத்தின் உத்தரவின்படி, தமிழகத்துக்குக் காவிரியில் தண்ணீர் திறக்க வேண்டும்’’ என்று கர்நாடக அரசுக்கு உச்ச நீதிமன்றம் உத்தரவிட்டுள்ளது.
அப்போது தமிழக அரசு தரப்பில் மூத்த வழக்கறிஞர் சி.எஸ்.வைத்தியநாதன் ஆஜராகி, ‘‘காவிரி நீர் மேலாண்மை ஆணையத்தின் உத்தரவுகளைக் கர்நாடக அரசு எப்போதும் செயல்படுத்துவதில்லை. தற்போது கர்நாடக அணைகளில் 76 சதவீதம் அளவுக்குத் தண்ணீர் இருப்பு இருந்தும், தமிழகத்துக்கு உரிய நீரை திறக்காமல் இருப்பதால் தமிழகம் கடுமையாகப் பாதிக்கப்பட்டுள்ளது’’ என்றார்.

கர்நாடக அரசு மூத்த வழக்கறிஞர் ஷியாம் திவான், ‘‘இந்த ஆண்டு கடும் வறட்சி நிலவுகிறது. காவிரி ஒழுங்காற்றுக் குழுவின் பரிந்துரையின்படி காவிரி மேலாண்மை ஆணையம் பிறப்பித்த உத்தரவுகள் அனைத்தும் பின்பற்றப்பட்டன. முதலில் கடந்த ஜூலை 30-ம் தேதி வினாடிக்கு 3,500 கன அடி நீர் திறக்க உத்தரவிடப்பட்டது. ஆனால், அதை விட அதிகமான நீர் தமிழகத்துக்குத் திறக்கப்பட்டது. நேற்று காலை 8 மணி நிலவரப்படி வினாடிக்கு 12,000 கன அடியை விட அதிகமான அளவு தண்ணீர் தமிழகத்துக்குத் திறக்கப்பட்டுள்ளது’’ என்றார்.
‘‘கர்நாடகா சார்பில் அதிகளவிலான நீர் திறக்கப்பட்டுள்ளதாக கூறப்படுகிறது. பின்னர் எப்படி தண்ணீர் வரவில்லை என்று கூறுகிறீர்கள்?’’ என்று தமிழக அரசு வழக்கறிஞரிடம் கேள்வி எழுப்பினர்.

அதற்கு பதிலளித்த தமிழக அரசு வழக்கறிஞர், ‘‘கடவுள் அருளால் சமீபத்தில் கபினி உள்ளிட்ட பகுதிகளில் மழை அதிகமாகப் பெய்ததால் கிடைத்த உபரி நீரை மட்டுமே கர்நாடகா திறந்துவிட்டுள்ளது. ஆனால், இதற்கு முன்பு காவிரி மேலாண்மை ஆணையம் பிறப்பித்த உத்தரவுகள் எதையும் கர்நாடகா முறையாகச் செயல்படுத்தவில்லை’’ என்று சுட்டிக்காட்டினார்.

மேலும், விகிதாச்சாரப்படி முந்தைய பற்றாக்குறை நீர் மற்றும் ஆகஸ்ட் 31-க்குள் தரவேண்டிய நீர் என மொத்தம் 36.635 டிஎம்சி நீரைத் தமிழ்நாடு பெறுவதை நீதிமன்றம் உறுதி செய்ய வேண்டும் என்று வலியுறுத்தினார்.

அப்போது நீதிபதிகள் கூறும்போது, ‘‘கர்நாடகாவில் தற்போது மழை நிலவரம் நன்றாக இருப்பதால், இந்த வழக்கை ஒரு வாரத்துக்குப் பின்னர் விசாரிக்கலாம்’’ என்று கருத்து தெரிவித்தனர்.
நீதிபதிகள், “வழக்கு விசாரணை ஆகஸ்ட் 24-ம் தேதிக்கு ஒத்திவைக்கப்படுகிறது. இந்த இடைப்பட்ட காலத்தில் காவிரி நீர் மேலாண்மை ஆணையம் பிறப்பித்துள்ள வினாடிக்கு 12,000 கன அடி நீர் என்ற உத்தரவை கட்டாயம் கர்நாடக அரசு பின்பற்ற வேண்டும்’’ என்று உத்தரவிட்டனர்.

TVK அரசியல்சினிமா தமிழ்நாடு நிகழ்ச்சிகள்மாவட்டம்

Namadhu Arasu August 16, 2026August 16, 2026 cmvijay, independenceday, Tamilnadu

ஊழலற்ற தமிழகம் உருவாவதே முழு சுதந்திரம்: சுதந்திர தின உரையில் முதல்வர் விஜய் …..

முதல்வர் பதவியேற்றப் பிறகு கோட்டையில் முதல்வர் விஜய் முதல் முறையாகத் தேசியக் கொடியேற்றி உரையாற்றினார். அப்போது அவர் பேசியதாவது: நம்மை அடிமையாக வைத்திருக்கிறார்கள் என்று தெரிந்தாலே மக்கள் மத்தியில் ஒரு ஒற்றுமை ஏற்படும்.

அனைவரும் ஒரே மாதிரி சிந்தித்து ஒன்று சேருவார்கள். அவ்வாறு ஒன்று சேரும் இடத்தில்தான் சாதி, மதம், மொழி, இனம் ஆகிய அனைத்தும் உடைந்து நொறுங்கும். அதுதான் உண்மையான சுதந்திரம். அப்படிதான் மகாத்மா காந்தி தலைமையில் 1947-ல் இதே நாளில் நமக்கு சுதந்திரம் கிடைத்தது. அதைப் பின்பற்றி படிப்படியாக நாம் முன்னேறி வருகிறோம்.

தற்போது தமிழகத்தை லஞ்சம், ஊழலில் இருந்து காப்பாற்றுவதே மிகப்பெரிய ஒரு விடுதலைக்குச் சமமான விஷயம்தான். அதை நோக்கிதான் நமது அரசும் செயல்பட்டு வருகிறது. பொது வாழ்வில் சமரசம் இருக்கக் கூடாது.

மக்கள் நலன்தான் முக்கியமானது. அந்த அடிப்படையில்தான் மக்கள் நலன் சார்ந்த திட்டங்களில், மத்திய அரசுடன் நிர்வாக ரீதியாக ஒத்துழைப்புடன் இருக்கிறோம். அதேவேளையில், மாநில உரிமைகளுக்கும், தமிழகத்துக்கும் எதிரான கொள்கை முடிவுகளை தவெக அரசு கடுமையாக எதிர்க்கும். அதில் மாற்றுக் கருத்தே இல்லை.
‘லஞ்சம், ஊழலற்ற தமிழகத்தை உருவாக்குவதுதான் முழுமையான சுதந்திரம்’’ என்று கோட்டையில் தேசியக் கொடியேற்றி தனது சுதந்திர தின உரையில் முதல்வர் விஜய் உறுதியாகத் தெரிவித்தார்.
தற்போது தமிழகத்தை லஞ்சம், ஊழலில் இருந்து காப்பாற்றுவதே மிகப்பெரிய ஒரு விடுதலைக்குச் சமமான விஷயம்தான். அதை நோக்கிதான் நமது அரசும் செயல்பட்டு வருகிறது. பொது வாழ்வில் சமரசம் இருக்கக் கூடாது.

மக்கள் நலன்தான் முக்கியமானது. அந்த அடிப்படையில்தான் மக்கள் நலன் சார்ந்த திட்டங்களில், மத்திய அரசுடன் நிர்வாக ரீதியாக ஒத்துழைப்புடன் இருக்கிறோம். அதேவேளையில், மாநில உரிமைகளுக்கும், தமிழகத்துக்கும் எதிரான கொள்கை முடிவுகளை தவெக அரசு கடுமையாக எதிர்க்கும். அதில் மாற்றுக் கருத்தே இல்லை.
பள்ளிகளில் காலை உணவுத் திட்டம் 6 முதல் 8-ம் வகுப்புகளுக்கு விரிவுபடுத்தப்படுகிறது. இதுதவிர ஆட்சிக்கு வந்த 3 மாதங்களில் பல்வேறு திட்டங்களைச் செயல்படுத்தி உள்ளோம். அதன்படி விவசாயிகளின் ரூ.5,932 கோடி பயிர்க்கடன் தள்ளுபடி செய்யப்பட்டுள்ளது. குறுவை சாகுபடி தொகுப்பு திட்டத்துக்கு ரூ.134 கோடி வழங்கப்பட்டுள்ளது.

அரசு மருத்துவமனைகளில் பிறக்கும் குழந்தைகளுக்கு ஒரு கிராம் தங்கம் வழங்கும் தாய் மாமன் தங்க மோதிரத் திட்டம் ரூ.755 கோடியில் தொடங்கப்பட உள்ளது.

லஞ்சம் மற்றும் ஊழலைத் தடுக்க பிரத்யேக வாட்ஸ் அப் எண் அறிவிக்கப்பட்டுள்ளது. வருவாய்த் துறை சான்றிதழ்கள் 15 நாட்களுக்குள் வழங்கப்படுவதுடன், கோயில் நிலங்கள் குறித்த விவரங்கள் இணையதளத்தில் பதிவேற்றப்பட்டுள்ளன.

சுதந்திரப் போராட்ட வீரர்கள் தியாகத்தால் கிடைத்த சுதந்திரம், சிலருக்கானதாக மட்டும் இல்லாமல் அனைவருக்கும் கிடைப்பதை உறுதி செய்ய வேண்டும்.

தமிழகத்தை இந்தியாவின் முன்மாதிரி மாநிலமாகவும், 2036-ம் ஆண்டுக்குள் தமிழக பொருளாதாரத்தை 1.5 டிரில்லியன் டாலராகவும் உயர்த்த நாம் உறுதி ஏற்போம். மக்கள் அரசோடு இணைந்து நிற்க வேண்டும். மக்கள்தான் ஆட்சியாளர்கள். நான் உட்பட இங்குள்ள அனைவரும் மக்களின் சேவகர்கள்தான். அரசுக்கு எதிரான சதிகளை முறியடித்து, நல்லதை மட்டுமே நோக்கி நகர்வோம்.ஊழலைச் சிறிதும் சகித்துக் கொள்ளாத மனநிலையை நம் மக்கள் கொண்டிருக்க வேண்டும், நமது மாநிலத்தை ஊழலற்றதாக மாற்றுவதற்கு அதிகாரிகள், மக்கள் அனைவரும் துணை நிற்க வேண்டும் இவ்வாறு முதல்வர் விஜய் பேசினார்.

அரசியல்இந்தியா தமிழ்நாடு நிகழ்ச்சிகள்

Namadhu Arasu August 14, 2026August 14, 2026 cmvijay, modi, Tamilnadu

முதலமைச்சர் விஜய் கடிதம்-பிரதமர் நரேந்திர

மாநிலங்களுக்கு ஒதுக்கப்பட்டுள்ள மக்களவைத் தொகுதிகளின் எண்ணிக்கை தற்போதைய அளவிலே நிரந்தரமாக்கப்பட வேண்டும் என்று பிரதமர் நரேந்திர மோடிக்கு முதலமைச்சர் விஜய் கோரிக்கை விடுத்துள்ளார்.
முதலமைச்சர் விஜய் தொகுதி மறுவரையறை தொடர்பாக பிரதமர் மோடிக்கு கடிதம் எழுதியுள்ளார். அதில், நாடாளுமன்ற மற்றும் மாநில சட்டமன்ற தொகுதிகளை மறுவரையறை செய்தல், பெண்களுக்கு 33 சதவீத இட ஒதுக்கீடு வழங்குதல் ஆகிய பொருண்மைகள் மீது தமிழக சட்டமன்றத்தில் நடைபெற்ற விவாதங்கள் குறித்து சுட்டிக்காட்டியுள்ளார்.
மக்கள்தொகை கட்டுப்பாட்டுத் திட்டங்களைத் திறம்பட செயல்படுத்தி, நல்ல பொருளாதார வளர்ச்சியை எட்டிய தென்னிந்திய மாநிலங்களுக்கு 1971 ஆம் ஆண்டிற்கு பிந்தைய மக்கள் தொகையின் அடிப்படையில் தொகுதி மறுவரையறை மேற்கொள்ளப்பட்டு, தற்போதைய தொகுதிகளின் எண்ணிக்கை மாற்றியமைக்கும் எந்தவொரு மறுவரையறை நடவடிக்கையும் பெரும் அநீதி இழைப்பதாக அமையும் என்று முதலமைச்சர் கவலை தெரிவித்துள்ளார்.மக்களவையின் மொத்த உறுப்பினர்களின் எண்ணிக்கை 543 ஆக நிரந்தரமாக்கப்பட வேண்டும், மாநிலங்களுக்கு இடையேயான இடப்பகிர்வு முறை தொடர வேண்டும் என்று வலியுறுத்தியுள்ளார்.

Author: Namadhu Arasu

நேபாளத்தின் திடீர் வெள்ளப்பெருக்கு ….வரலாறு காணாத சோகம் ….