விஜய்யுடன் சேர்ந்து போரூர்-பூந்தமல்லி மெட்ரோ ரயில் சேவையை பிரதமர் தொடங்கி வைக்கிறார்.
சென்னையில் பிரதமர் மோடி ரோடு ஷோ: மக்கள் உற்சாக வரவேற்பு…
பிரதமர் மோடி கார் மூலம் போரூர் புறவழிச்சாலை மெட்ரோ ரயில் நிலையம் செல்கிறார். அங்கு முதல்வர் விஜய்யுடன் சேர்ந்து போரூர்-பூந்தமல்லி மெட்ரோ ரயில் சேவையை பிரதமர் தொடங்கி வைக்கிறார். இருவரும் மெட்ரோ ரயிலில் பயணிக்கின்றனர். அதன் பின்னர் நண்பகல் 12.15 மணியளவில் சென்னை போரூரில் அமைந்துள்ள அருள்மிகு ஸ்ரீ ஆதி குபேர ஜலகண்டேஸ்வரர் கோயிலுக்கு சென்று சுவாமி தரிசனம் செய்கிறார். அங்கிருந்து கார் மூலம் கிண்டி ஐஐடியில் நடைபெறும் நிகழ்ச்சியில் பங்கேற்க நண்பகல் 12.30 மணியளவில் வருகிறார். பின்னர் அங்கிருந்து நந்தம்பாக்கத்தில் உள்ள சென்னை வர்த்தக மையத்தில் நடைபெறும் நிகழ்ச்சிக்குச் செல்கிறார். அங்கு பிற்பகல் 2.40 மணிக்கு நிகழ்ச்சியில் பங்கேற்று பேசுகிறார்.
நிகழ்ச்சி முடிவடைந்த பின்னர், மாலை 3.45 அங்கிருந்து விமான நிலையத்துக்கு பிரதமர் மோடி செல்கிறார். மாலை 4 மணிக்கு தனி விமானம் மூலம் டெல்லிக்கு புறப்பட்டுச் செல்கிறார்.
சுமார் 13,000 கோடி ரூபாய் மதிப்பிலான பல்வேறு நலத்திட்டங்களைத் தொடங்கி வைக்க, சென்னை வந்துடைந்துள்ளார் பிரதமர் நரேந்திர மோடி.
டெல்லியில் இருந்து இன்று காலை 11 மணி அளவில் சென்னை விமான நிலையத்திற்கு வந்தடைந்தார் பிரதமர் மோடி. அப்போது அவரை முதலமைச்சர் விஜய் மலர்கூடை கொடுத்து வரவேற்றார். ஆளுநர் அர்லேகரும் உடனிருந்து பிரதமரை வரவேற்றார். மேலும் மேளதாளங்கள் முழங்க பாரம்பரிய கலை நிகழ்ச்சிகளுடன் பிரதமருக்கு வரவேற்பளிக்கப்பட்டது. தொடர்ந்து முதற்கட்டமாக சென்னை போரூர் பைபாஸ் மெட்ரோ ரயில் நிலையத்தில் இரண்டாம் கட்ட மெட்ரோ ரயில் திட்டத்தைத் தொடங்கி வைக்கிறார் பிரதமர் மோடி. தொடங்கி வைத்த கையோடு, பிரதமர் மோடியுடன் முதலமைச்சர் விஜய் மெட்ரோவில் ஒன்றாக பயணிக்க உள்ளார்.
சென்னை வந்தடைந்தார் பிரதமர் மோடி… விமான நிலையத்தில் மலர்கூடை கொடுத்து முதலமைச்சர் விஜய் வரவேற்பு!
பல்வேறு நலத்திட்டங்களைத் தொடங்கி வைக்க, பிரதமர் மோடி சென்னை வந்தடைந்தார்.
சென்னை விமான நிலையத்தில் பிரதமர் மோடிக்கு, முதலமைச்சர் விஜய் உற்சாக வரவேற்பு.
தொடர்ந்து பிரதமர் மோடியுடன் மெட்ரோ ரயிலில் பயணிக்கிறார் முதலமைச்சர்.
Read More