Namadhu Arasu, Author at Namadhu Arasu

தமிழகத்தில் பெட்ரோல், டீசல் தட்டுப்பாடு இல்லை; பொதுமக்களிடம் வதந்தி பரப்பினால் கடும் நடவடிக்கை எடுக்கப்படும்’ என்று எண்ணெய் நிறுவன அதிகாரிகள் தெரிவித்தனர்.

ஈரான் மீது அமெரிக்கா, இஸ்ரேல் நடத்தி வரும் தீவிர போர் தாக்குதலால், இந்தியா உள்பட பல்வேறு நாடுகளுக்கு கச்சா எண்ணெய் விநியோகம் தடைபட்டுள்ளது. இதனால் சமையல் எரிவாயு பற்றாக்குறை ஏற்பட்டு, வணிக பயன்பாட்டுக்கான காஸ் சிலிண்டர் விநியோகம் நிறுத்தப்பட்டுள்ளது. வீட்டு உபயோக சிலிண்டர் மட்டும் கட்டுப்பாடுகளுடன் பொதுமக்களுக்கு விநியோகிக்கப்படுகின்றன.கொள்கிறேன் என்று கூறியுள்ளார்.இதற்கிடையே பெட்ரோல், டீசலுக்குத் தட்டுப்பாடு ஏற்படப் போவதாகவும், அதன் விலை உயரப் போவதாகவும் சமூக வலைதளங்களில் பரவியது. இதனால் அதிர்ச்சியடைந்த மக்கள், சென்னை உள்பட தமிழகத்தின் பல்வேறு நகரங்களில் உள்ள

பெட்ரோல் பங்க்குகளில் நேற்று முன்தினம் இரவு முதலே குவியத் தொடங்கினர். குறிப்பாக, சென்னையில் பல இடங்களில் உள்ள பெட்ரோல் பங்க்குகளில் பைக்குகள், கார்களில் பொதுமக்கள் நீண்ட வரிசையில் காத்திருந்து, எரிபொருளை நிரப்பினர்.

எழும்பூர், சேத்துப்பட்டு, நுங்கம்பாக்கம், அண்ணாசாலை, கோடம்பாக்கம், சைதாப்பேட்டை, கிண்டி, ராயப்பேட்டை, அம்பத்தூர், முகப்பேர், அண்ணா நகர் உள்பட பல்வேறு இடங்களில் உள்ள பெட்ரோல் பங்க்குகளில் கூட்டம் அலைமோதியது. சிலர் கேன்களில் பெட்ரோல் வாங்க வந்தனர். அவர்களுக்கு பெட்ரோல் வழங்க மறுத்ததால், ஊழியர்களிடம் வாக்குவாதத்தில் ஈடுபட்டனர்.இதேபோல், காஞ்சிபுரம், செங்கல்பட்டு, விழுப்புரம், திருச்சி உள்பட பல்வேறு நகரங்களில் உள்ள பங்க்குகளில் பெருமளவில் மக்கள் குவிந்ததால், போக்குவரத்து நெரிசலும் ஏற்பட்டது.

இதற்கிடையே, எரிபொருள் தட்டுப்பாடு அச்சத்தில், சென்னையில் பல இடங்களில் பொதுமக்கள் தங்கள் பைக்குகள், கார்களை அருகே உள்ள மெட்ரோ நிலைய பார்க்கிங்கில் நிறுத்தி விட்டு, மெட்ரோ ரயிலில் பயணித்தனர். இதனால், ஆலந்தூர், பரங்கிமலை, சென்ட்ரல், கோயம்பேடு உள்பட பல மெட்ரோ ரயில் நிலைய பார்க்கிங்கில் வாகனங்களை நிறுத்த முடியாமல் வழக்கமாக வரும் பயணிகள் சிரமப்பட்டனர்.

எரிபொருள் இருப்பு குறித்து, தமிழக பெட்ரோலிய விற்பனையாளர் சங்க மாநிலத் தலைவர் முரளி கூறியதாவது:90 நாட்களுக்கு இருப்பு: நாடு முழுவதும் அடுத்த 90நாட்களுக்குத் தேவையான பெட்ரோல் மற்றும் டீசல் கையிருப்பு உள்ளது. சென்னை முதல் கன்னியாகுமரி வரை உள்ள 7 ஆயிரம் பெட்ரோல் பங்க்குகளிலும் விநியோகம் சீராக நடைபெறுகிறது. மக்கள் தேவைக்கு அதிகமாக வாங்குவதால் செயற்கை தட்டுப்பாடு உருவாகும் நிலை ஏற்படக்கூடும். மேலும், கேன் மற்றும் பாட்டில்களில் பெட்ரோல் வாங்குவது மிகவும் ஆபத்தானது. தமிழகத்தில் பெட்ரோல், டீசல் இப்போதைக்கு தட்டுப்பாடு இல்லை. தமிழகத்தில் உள்ள 14 முனையங்களில் 21 நாட்களுக்குத் தேவையான அளவு எரிபொருள் இருப்பு உள்ளது. இவ்வாறு அவர் கூறினார்.

இந்தியன் ஆயில் நிறுவனம் வெளியிட்ட அறிக்கையில், “பெட்ரோல், டீசல் மற்றும் பிற பெட்ரோலியப் பொருட்கள் போதுமான அளவு இருப்பில் உள்ளன. மேலும், நாடு முழுவதும் விநியோக நடவடிக்கைகள் சீராக உள்ளன. வாடிக்கையாளர்கள் வதந்திகளைப் புறக்கணித்து, எரிபொருள் நிலையங்களில் தேவையற்ற கூட்டத்தை தவிர்க்க வேண்டும்” என்று கூறப்பட்டுள்ளது.

தமிழ்நாடு தொழில்நுட்பம்மாவட்டம்

Namadhu Arasu March 12, 2026March 12, 2026 maduravoyal, nationalhighway, Tamilnadu

துறைமுகம் – மதுரவாயல் 2 அடுக்கு மேம்பாலப் பணி 2027-ல் நிறைவடையும்: தேசிய நெடுஞ்சாலை ஆணைய அதிகாரி தகவல்

சென்னை துறைமுகம் – மதுரவாயல் 2 அடுக்கு மேம்பாலப் பணிகள் 2027-ம் ஆண்டில் நிறைவடையும் என்று தேசிய நெடுஞ்சாலை ஆணைய மண்டல அலுவலர் வீரேந்தர் சாம்பியால் தெரிவித்தார்.

சென்னை துறைமுகம் – மதுரவாயல் இடையே 21 கி.மீ. தூரம் கொண்ட புதிய 4 வழித்தட 2 அடுக்கு மேம்பாலப் பணிகள் முழுவீச்சில் நடந்து வருகின்றன.தேசிய நெடுஞ்சாலை ஆணையத்தின் மண்டல அலுவலர் வீரேந்தர் சாம்பியால் கூறியதாவது: தொடக்கத்தில் ஒற்றை அடுக்காக திட்டமிடப்பட்ட இப்பாலம், மாநில அரசின் கோரிக்கையை ஏற்று, 2 அடுக்காக மாற்றப்பட்டுள்ளது.

உள்ளூர் நகரப் போக்குவரத்துக்காக முதல் அடுக்கு, சென்னை துறைமுகத்துக்கு செல்லும் கனரக சரக்கு வாகனங்களுக்காக பிரத்யேகமாக 2-வது அடுக்கு அமைக்கப்படுகிறது.நகரின் முக்கிய பகுதிகளில் வாகனங்கள் பாலத்தில் ஏறவும், இறங்கவும் வசதியாக 13 சாய்தளங்கள் அமைக்கப்படுகின்றன. நேப்பியர் பாலம் பகுதியில் அதிநவீன கேபிள் பாலம் அமைக்கப்படுகிறது.

போக்குவரத்து போலீஸார் அனுமதியுடன் பகலில் 5 மணி நேரம், இரவில் 6 மணி நேரம் என தினமும் 11 மணி நேரம் கட்டுமானப் பணிகள் நடந்து வருகின்றன. இதை 16 மணி நேரமாக அதிகரிக்க மாநில அரசிடம் அனுமதி கேட்டுள்ளோம். 2027 டிசம்பருக்குள் திட்டம் நிறைவடையும்.சென்னை – பெங்களூரு விரைவுச் சாலை (262 கி.மீ.) திட்டத்தில் கர்நாடகப் பகுதி பணிகள் முடிந்துவிட்டன. தமிழகத்தில் உள்ள 106 கி.மீ. தொலைவில் 3 தொகுப்புகளின் பணிகள் முடியும் நிலையில் உள்ளன. தமிழகத்தில் நெடுஞ்சாலை உள்கட்டமைப்பை மேம்படுத்த, கடந்த 10 ஆண்டுகளில் தேசிய நெடுஞ்சாலை ஆணையம் ரூ.60 ஆயிரம் கோடிக்கு மேல் முதலீடு செய்துள்ளது.

தற்போது ரூ.40 ஆயிரம் கோடி மதிப்பிலான பணிகள் நடைபெறுகின்றன. தமிழகத்தில் 77 இடங்களில் உள்ள தேசிய நெடுஞ்சாலை ஆணைய சுங்கச் சாவடிகள் மூலம் கடந்த நிதி ஆண்டில் ரூ.4,300 கோடி வசூலானது. இவ்வாறு அவர் கூறினார்.

ஆணையத்தின் சென்னை திட்ட இயக்குநர் சிவம் சர்மா கூறும்போது, ‘‘பிரம்மாண்டமான வார்ப்புத் தளங்களில் பாலத்தின் கான்கிரீட் பாகங்கள் முன்கூட்டியே முழுவீச்சில் தயாரிக்கப்படுகின்றன. இதனால், மழைக்காலத்திலும் இடையூறின்றி மேம்பால கட்டுமானப் பணி நடைபெறும்’’ என்றார்.

இந்தியா தமிழ்நாடு நிகழ்ச்சிகள்வணிகம்

Namadhu Arasu March 11, 2026March 11, 2026 cylinder, deficit, gas, Tamilnadu

சிலிண்டர் தட்டுப்பாடு – அரசு ஆலோசனை

மேற்கு ஆசியப் பகுதியில் நிலவி வரும் போர்ச் சூழல், இந்திய எரிசக்தித் துறையில் பெரும் சவால்களை ஏற்படுத்தியுள்ளது. குறிப்பாக, ஈரான் மீது இஸ்ரேல் மற்றும் அமெரிக்கப் படைகள் நடத்திய தாக்குதலைத் தொடர்ந்து சர்வதேச அளவில் எரிவாயு விநியோகம் பாதிக்கப்பட்டுள்ளது. இதன் எதிரொலியாக, இந்தியாவிலும் வணிக ரீதியிலான எரிவாயு சிலிண்டர் விநியோகம் கடும் தட்டுப்பாட்டைச் சந்தித்துள்ளது. இந்த விநியோகத் தடையால் நாட்டின் பல்வேறு மாநிலங்களில் உள்ள உணவகங்கள் மற்றும் சிறு தொழில்கள் ஸ்தம்பிக்கும் நிலைக்குத் தள்ளப்பட்டுள்ளன.குறிப்பாக, கர்நாடக மாநிலத்தில் நிலவும் கடும் தட்டுப்பாடு காரணமாக இரண்டாவது நாளாக இன்றும் பெரும்பாலான உணவகங்கள் மூடப்பட்டுள்ளன. தமிழகத்திலும் இதே போன்ற அச்சம் நிலவி வரும் சூழலில், பல முன்னணி உணவகங்களில் ஒரு நாளைக்குத் தேவையான எரிவாயு மட்டுமே கையிருப்பில் உள்ளதாகத் தெரிகிறது. நிலைமை சீரடையாவிட்டால் வணிகத்தை முற்றிலுமாக நிறுத்த வேண்டிய சூழல் ஏற்படும் என உணவக உரிமையாளர்கள் கவலை தெரிவித்துள்ளனர். எனினும், தமிழகத்தைப் பொறுத்தவரை அடுத்த 20 நாட்களுக்குத் தேவையான வீட்டு உபயோக எரிவாயு சிலிண்டர்கள் போதிய அளவில் கையிருப்பில் இருப்பதாக மாநில அரசு பொதுமக்களுக்கு உறுதியளித்துள்ளது.

இந்த நெருக்கடியான நிலையைச் சமாளிக்க மத்திய அரசு அதிரடி நடவடிக்கைகளை மேற்கொண்டுள்ளது. 1955-ஆம் ஆண்டு கொண்டு வரப்பட்ட அத்தியாவசியப் பொருட்கள் சட்டத்தின் கீழ் பெட்ரோலியம் மற்றும் இயற்கை எரிவாயுவை மத்திய அரசு கொண்டு வந்துள்ளது. இதன் மூலம் எரிபொருட்களின் விநியோகம் மற்றும் விற்பனையை முறைப்படுத்தவும், சமமான விநியோகத்தை உறுதி செய்யவும் வழிவகை செய்யப்பட்டுள்ளது. பதுக்கல் உள்ளிட்ட முறைகேடுகளைத் தடுத்து, பொதுமக்களுக்கும் வணிகர்களுக்கும் எரிபொருள் கிடைப்பதை இந்தச் சட்டம் உறுதி செய்யும் என எதிர்பார்க்கப்படுகிறது.

இதனிடையே, இந்த விவகாரம் தொடர்பாகத் தமிழக முதலமைச்சர் மு.க. ஸ்டாலின், பிரதமர் நரேந்திர மோடிக்குக் கடிதம் ஒன்றை எழுதியுள்ளார். அதில், எரிவாயு தட்டுப்பாட்டால் தமிழகத்தின் குறு, சிறு மற்றும் நடுத்தரத் தொழில்களும், பொதுமக்களும் பாதிக்கப்படாமல் இருப்பதை மத்திய அரசு உறுதி செய்ய வேண்டும் என்று வலியுறுத்தியுள்ளார். மேலும், சிலிண்டர் தட்டுப்பாட்டால் முடங்கியுள்ள உணவகங்களுக்குத் தேவையான மாற்று ஏற்பாடுகளைச் செய்து தருமாறும், தடையற்ற சேவையை வழங்கத் தேவைப்படும் கூடுதல் மின்சாரத்தை வழங்க நடவடிக்கை எடுக்குமாறும் அவர் அந்த கடிதத்தில் கோரிக்கை விடுத்துள்ளார்.

அரசியல்சினிமா தமிழ்நாடு மாவட்டம்

Namadhu Arasu March 10, 2026March 10, 2026 Tamilnadu, vijay tvk

கரூர் கூட்ட நெரிசல் வழக்கு: தவெக தலைவர் விஜய் நேரில் ஆஜராவதிலிருந்து சிபிஐ விலக்கு!

கரூர் கூட்ட நெரிசல் வழக்கு விசாரணைக்கு விஜய் இன்று ஆஜராவதில் இருந்து சிபிஐ விலக்கு அளித்திருப்பதாக தகவல் வெளியாகியுள்ளது.
கரூரில் விஜயின் பரப்புரை கூட்டத்தின் போது ஏற்பட்ட நெரிசலில் சிக்கி குழந்தைகள், பெண்கள் என 41 பேர் பரிதாபமாக உயிரிழந்தனர். இந்த வழக்கு தொடர்பாக, கடந்த ஜனவரி மாதம் 12 மற்றும் 19-ஆம் தேதிகளில் டெல்லி சிபிஐ அலுவலகத்தில் தவெக தலைவர் விஜயிடம் விசாரணை நடந்தது.
இந்நிலையில், டெல்லி சிபிஐ அலுவலகத்தில் இன்று மீண்டும் ஆஜராக வேண்டும் என்று விஜய்க்கு சிபிஐ சம்மன் அனுப்பியது. ஏற்கெனவே திட்டமிட்ட பணிகள் இருப்பதால், இன்று ஆஜராவதில் இருந்து விலக்கு அளிக்க வேண்டும் எனவும், விசாரணையை 15 நாட்களுக்கு ஒத்திவைக்க வேண்டும் எனவும் விஜய் தரப்பில் அவகாசம் கேட்கப்பட்டதாகக் கூறப்படுகிறது. சென்னையில் உள்ள சிபிஐ அலுவலகத்தில் ஆஜராக விஜய் தரப்பில் அனுமதி கேட்டதாகவும் தகவல் வெளியாகியுள்ளது. இதையடுத்து, விசாரணைக்கு இன்று விஜய் ஆஜராக சிபிஐ விலக்கு அளித்திருப்பதாகவும், ஆனால், விசாரணையை சென்னைக்கு மாற்ற சிபிஐ மறுப்பு தெரிவித்துவிட்டதாகவும் கூறப்படுகிறது.

அரசியல்இந்தியா தமிழ்நாடு நிகழ்ச்சிகள்

Namadhu Arasu March 5, 2026March 5, 2026 5000, benefits, cm, Pondicherry

63,000 குடும்பத் தலைவிகளுக்கு தலா ரூ.5,000 : அதிரடி அறிவிப்பை வெளியிட்ட புதுச்சேரி முதல்வர்

புதுச்சேரியில் வறுமைக் கோட்டிற்கு கீழ் வாழும் 63,000 குடும்பத் தலைவிகளுக்கு 5,000 ரூபாய் நிதியுதவியை முன்கூட்டியே வழங்க துணை நிலை ஆளுநர் கைலாஷ் நாதன் அறிவித்துள்ளார்.
தமிழ்நாட்டைபோலவே புதுச்சேரியிலும் மகளிருக்கான நிதியுதவித் தொகையை முன்கூட்டியே வழங்கி, அரசு உத்தரவிட்டுள்ளது.
புதுச்சேரியில் வறுமைக் கோட்டிற்கு கீழ் வாழும் குடும்பத் தலைவிகளுக்கு மாதம்தோறும் 1000 ரூபாய் நிதியுதவியாக வழங்கப்பட்டு வந்தது.
21 வயது முதல் 55 வயதுக்குள் உள்ள, சிவப்பு நிற குடும்ப அட்டையை வைத்துள்ள பெண்கள் இத்திட்டத்திற்கான பயனாளிகளாகத் தேர்வு செய்யப்பட்டனர்.இதனிடையே இந்த தொகையை 2500 ரூபாயாக உயர்த்தி முதலமைச்சர் ரங்கசாமி கடந்த பிப்ரவரி மாதம் அறிவித்தார்.
இந்நிலையில் அடுத்த இரண்டு மாதங்களுக்கான 5,000 ரூபாயை முன்கூட்டியே சேர்த்து வழங்கப்படும் என துணை நிலை ஆளுநர் கைலாஷ் நாதன் அறிவித்துள்ளார்.

அரசியல்அறிவியல்இந்தியா உலகம்தமிழ்நாடு

Namadhu Arasu February 27, 2026February 27, 2026 agreements, contracts, India, isrel, modi

இந்தியா – இஸ்ரேல் இடையே 17 முக்கிய ஒப்பந்தங்கள் கையெழுத்து

இஸ்ரேலுக்கு பிரதமர் நரேந்திர மோடி பயணம் மேற்கொண்டு, அந்நாட்டு பிரதமருடன் பேச்சுவார்த்தை நடத்திய நிலையில், இருதரப்புக்கும் இடையே பொருளாதாரம், பாதுகாப்பு, தூதரக உறவு உள்ளிட்ட துறைகளில் 17 ஒப்பந்தங்கள் கையெழுத்தாகின. இருதரப்புக்கும் இடையே விரைவில் தாராள வர்த்தக ஒப்பந்தம் கையெழுத்தாகும் என்று பிரதமர் நரேந்திர மோடி தெரிவித்தார்.
பிரதமர் நரேந்திர மோடி இருநாட்கள் அரசுமுறைப் பயணமாக இஸ்ரேல் சென்றிருந்தார். கடந்த 9 ஆண்டுகளில் பிரதமர் மோடி இரண்டாவது முறையாக இஸ்ரேலுக்கு பயணம் மேற்கொண்ட நிலையில், அங்கு அவருக்கு உற்சாக வரவேற்பு அளிக்கப்பட்டது. முக்கியத்துவம் வாய்ந்த இந்த பயணத்தின் முதல் நாளான நேற்று முன்தினம் பல்வேறு நிகழ்ச்சிகளில் பங்கேற்ற அவருக்கு இஸ்ரேல் பிரதமர் நெதன்யாகு இரவு விருந்து அளித்தும் உபசரித்திருந்தார்.
இந்நிலையில், இரண்டாம் நாளான நேற்று, ஜெருசலேமில் உள்ள யூதர்களின் யாத் வஷேம் நினைவிடத்திற்கு சென்றார். 2ஆம் உலகப்போரின்போது ஜெர்மனியை ஆட்சி செய்த ஹிட்லரின் நாஜி படைகளால் கொன்று குவிக்கப்பட்ட சுமார் 60 லட்சம் யூதர்களுக்காக அமைக்கப்பட்டுள்ள அந்த நினைவிடத்தில் பிரதமர் மோடி மலர் வளையம் வைத்து அஞ்சலி செலுத்தினார்.அந்நாட்டு அதிபர் இசாக் ஹோர்சோக்கையும் சந்தித்த பிரதமர் மோடி, இரு தரப்பு உறவு குறித்து விவாதித்தார். அதனைத் தொடர்ந்து, பிரதமர் மோடி மற்றும் இஸ்ரேல் பிரதமர் நெதன்யாகு முன்னிலையில் செயற்கை நுண்ணறிவு, பொருளாதாரம், விண்வெளி, பாதுகாப்பு, விவசாயம், கல்வி, கடல்சார் பாரம்பரியம், வணிகம் உள்ளிட்ட பல்வேறு துறைகளில் 17 ஒப்பந்தங்கள் கையெழுத்தாகின.
பின்னர் பேசிய நெதன்யாகு, இந்தியாவிற்கும் தனக்குமான பிணைப்பு குறித்து நினைவு கூர்ந்தார். இஸ்ரேலும், இந்தியாவும் புதுமைகளை நோக்கிய பயணத்தில் குறியாக உள்ளதாகவும் தெரிவித்தார். தனக்கு அளிக்கப்பட்ட இஸ்ரேலின் உயரிய விருதை இந்திய நாட்டு மக்களுக்கு அர்ப்பணிப்பதாக பிரதமர் மோடி மகிழ்ச்சி தெரிவித்தார். இஸ்ரேலில் யுபிஐ பயன்படுத்த ஒப்பந்தம் போட்டுள்ளது மகிழ்ச்சியளிப்பதாகவும் தெரிவித்தார். இரு தரப்பும் பரஸ்பரம் பயன்பெறும் வகையிலான தடையற்ற வர்த்தக ஒப்பந்தத்துக்கு விரைவில் முழு வடிவம் கொடுக்கப்படும் எனவும் பிரதமர் மோடி உறுதிகூறினார்.இதனைத் தொடர்ந்து, தனது பயணத்தை முடித்துக் கொண்டு இந்தியாவுக்கு புறப்பட்ட பிரதமர் மோடியை, தனது மனைவியுடன் விமான நிலையத்துக்கே வந்து பெஞ்சமின் நெதன்யாகு வழியனுப்பிவைத்தார்.

Uncategorized அரசியல்தமிழ்நாடு நிகழ்ச்சிகள்மாவட்டம்

Namadhu Arasu February 24, 2026February 24, 2026 kolathur, patta, முதலமைச்சர் மு.க.ஸ்டாலின்

கொளத்தூரில் 2007 பயனாளிகளுக்கு பட்டா வழங்கினார் முதல்வர் ஸ்டாலின்

கொளத்தூர் தொகுதிக்கு உட்பட்ட பகுதிகளைச் சேர்ந்த 2007 பயனாளிகளுக்கு இலவச வீட்டுமனைப் பட்டாக்களை முதல்வர் மு.க.ஸ்டாலின் நேற்று வழங்கினார். இதுகுறித்து, தமிழக அரசு வெளியிட்ட செய்திக் குறிப்பு: சென்னை பெரம்பூர் டான்பாஸ்கோ பள்ளி வளாகத்தில் நேற்று நடைபெற்ற நிகழ்ச்சியில், கொளத்தூர் சட்டப்பேரவை தொகுதிக்கு உட்பட்ட பகுதிகளைச் சார்ந்த 2007 பயனாளிகளுக்கு இலவச வீட்டுமனைப் பட்டாக்களை வழங்கினார்.

மேலும், வடசென்னை வளர்ச்சித் திட்டத்தின் கீழ், சிஎம்டிஏ சார்பில் ரூ.1.61 கோடி நவீன வசதிகளுடன் கட்டப்பட்டுள்ள குளிரூட்டப்பட்ட கொளத்தூர் பேருந்து நிறுத்தம் மற்றும் சென்னை மாநகராட்சி சார்பில் ரூ.40.59 லட்சத்தில் அமைக்கப்பட்டுள்ள சாலையோரப் பூங்கா, ரூ.70 லட்சத்தில் கட்டப்பட்டுள்ள 2 அமுதம் நியாய விலைக் கடைகள், ரூ.40 லட்சத்தில் கட்டப்பட்டுள்ள ஒருங்கிணைந்த குழந்தைகள் வளர்ச்சி மையம், ரூ.25 லட்சம் செலவில் அமைக்கப்பட்டுள்ள நவீன பயணியர் நிழற்குடை ஆகியவற்றை திறந்து வைத்தார்.இதையடுத்து, இந்து சமய அறநிலையத் துறை சார்பில், கொளத்தூர் கபாலீஸ்வரர் கலை மற்றும் அறிவியல் கல்லூரிக்கு ரூ.31.45 கோடி செலவில் கட்டப்பட்டுள்ள புதிய கட்டிடங்களைத் திறந்து வைத்தார். அப்போது, முதல்வர் ஸ்டாலின் பேசியதாவது: அறநிலையத் துறை சார்பாக, கல்வி எனும் அறப்பணிக்கு இந்தக் கல்லூரி ஒரு சாட்சியாக இருக்கிறது.

மாணவர்களுக்கு நான் சொல்லிக் கொள்வது, கல்வி தான் கடவுள், கல்வி எனும் கடவுள் உங்களுக்கு எல்லாவற்றையும் வழங்கும். படிப்புதான் உங்களை உயர்த்தும். இன்று இந்தியா முழுவதும் பின்பற்றும் மாடலாக திராவிட மாடல் இருக்கிறது என்றால், அந்த திராவிட மாடல் அரசின் மாடல் தொகுதியாக இருப்பது கொளத்தூர்.ஏதோ தேர்தல் வரும்போது மட்டும் ஒன்றிரண்டு திட்டங்களை திறந்து வைக்கவில்லை. கடந்த 5 ஆண்டுகளாக, ஒவ்வொரு மாதமும் வந்து, உங்களுக்குத் தேவையான எல்லாவற்றையும் செய்து கொண்டிருக்கிறோம். இந்தக் கல்லூரியை திறந்து சில ஆண்டுகளிலேயே 516 மாணவர்கள் வளாக நேர்காணலில் தேர்வாகி பல்வேறு வேலைவாய்ப்புகள் பெற்றிருக்கின்றனர்.

இந்த எண்ணிக்கை அதிகமாக வேண்டும். இது கொளத்தூருக்கு மட்டுமல்ல. இதேபோல தமிழகம் முழுவதும் ஒவ்வொரு தொகுதியிலும், ஒவ்வொரு ஊரிலும், இதுவரை நடக்காத அளவுக்கு முன்னேற்றப் பணிகளைச் செய்திருக்கிறோம். இந்தியாவிலேயே எந்த மாநிலத்திலும், எங்கும் இல்லாத வகையில் பல்வேறு திட்டங்களை நிறைவேற்றி இருக்கிறோம்.மக்களை மையப்படுத்தி, மக்களைத் தேடி வந்து சேவைகளை வழங்குகின்ற மக்களாட்சியாக திராவிட மாடல் பெயரெடுத்திருக்கிறது. இந்த நல்லாட்சி தொடர, நம்முடைய கொளத்தூர் மேலும், மேலும் உயர, உங்களுடைய ஆதரவு என்றும் எங்களுக்கு இருக்கும் என்று நம்புகிறேன். இவ்வாறு முதல்வர் பேசினார்.

நிகழ்ச்சியில், அமைச்சர்கள் கே.கே.எஸ்.எஸ்.ஆர்.ராமச்சந்திரன், சு.முத்துசாமி, அர.சக்கரபாணி, பி.கே.சேகர்பாபு, கோவி.செழியன், அன்பில் மகேஸ், மேயர் ஆர்.பிரியா, வருவாய்த் துறை செயலர் பெ.அமுதா, வீட்டுவசதித் துறை செயலர் காகர்லா உஷா, அறநிலையத் துறை செயலர் மணிவாசன், பள்ளிக்கல்வி செயலர் சந்திரமோகன், சிஎம்டிஏ உறுப்பினர் செயலர் கோ.பிரகாஷ், உயர்கல்வித் துறை செயலர் பொ.சங்கர், மாநகராட்சி ஆணையர் ஜெ.குமரகுருபரன், அறநிலையத் துறை ஆணையர் தர் உள்ளிட்டோர் பங்கேற்றனர்.

இந்தியா உலகம்தமிழ்நாடு தொழில்நுட்பம்நிகழ்ச்சிகள்

Namadhu Arasu February 23, 2026February 23, 2026 India, modi, namo, train

நாட்டின் முதல் அதிவேக நமோ பாரத் ரயில் சேவை தொடக்கம்.. மணிக்கு 120 கி.மீ., வேகம்..

நாட்டின் முதல் அதிவேக நமோ பாரத் ரயில் சேவையை பிரதமர் மோடி தொடங்கி வைத்தார்.
இந்தியாவில் ரயில் போக்குவரத்தை நவீனப்படுத்தவும் துரிதப்படுத்தவும் மத்திய அரசு பல்வேறு முன்னெடுப்புகளை மேற்கொண்டு வருகிறது. கடந்த 2024 ஆம் ஆண்டு குஜராத்தின் அகமதாபாத்-புஜ் நகரங்களுக்கு இடையே நமோ பாரத் விரைவு ரயில் சேவையை பிரதமர் மோடி தொடங்கி வைத்தார். இதன் அடுத்தக்கட்டமாக, டெல்லியில் இருந்து உத்தரப்பிரதேச மாநிலம் மீரட் வரை 82 கிலோ மீட்டர் தூரத்தை இணைக்கும் நாட்டின் முதல் மண்டல அதிவேக போக்குவரத்து அமைப்பான நமோ பாரத் மெட்ரோ ரயில் சேவையை பிரதமர் மோடி கொடியசைத்து தொடங்கி வைத்தார்.டெல்லியின் சராய் கலே கான் மெட்ரோ ரயில் நிலையத்தில் இருந்து சுமார் 82 கிலோ மீட்டர் தூரத்தில் மீரட்டில் உள்ள மோடிபுரம் ரயில் நிலையத்தை இந்த அதிவேக ரயில் சேவையின் மூலம் 55 நிமிடங்களில் சென்றடைலாம். அதாவது நமோ பாரத் விரைவு ரயிலால் அதிகபட்சமாக மணிக்கு 180 கிலோ மீட்டர் வேகத்தில் செல்ல முடியும். தற்போது, முதற்கட்டமாக நமோ பாரத் ரயில் மணிக்கு 160 கிலோ மீட்டர் வேகத்தில் இயக்கப்படுகிறது
3 பெட்டிகள் கொண்ட இந்த ரயிலில் 173 இருக்கைகள் அமைக்கப்பட்டுள்ளன. ஒட்டுமொத்தமாக 700 பேர் வரை ஒரே நேரத்தில் இந்த ரயிலில் பயணிக்க முடியும். ஏசி, மெத்தை போன்ற இருக்கைகள், சார்ஜிங் வசதி, கண்காணிப்பு கேமராக்கள் போன்ற வசதிகளும் நமோ பாரத் ரயிலில் இடம்பெற்றுள்ளன.
இதில் 70 கிலோ மீட்டர் தொலைவுக்கு மேல்மட்ட பாலத்திலும், 12 கிலோமீட்டர் தூரம் சுரங்கப் பாதையிலும் நமோ ரயில் பயணிக்கும். மொத்தம் 16 ரயில் நிலையங்கள் கொண்ட இந்த வழித்தடத்தில், சுமார் 22 மீட்டர் உயரத்துடன் மிகப்பெரிய ரயில் நிலையம் என்ற பெருமையை சராய் கலே கான் நிலையம் பெற்றுள்ளது.
இதன் மற்றொரு சிறப்பம்சம் மீரட் மெட்ரோ நிறுவனம், தனது தண்டவாளங்கள் மற்றும் உட்கட்டமைப்புகளை நமோ பாரத் ரயிலுடன் பகிர்ந்துக் கொள்கிறது. இதன் மூலம் மெட்ரோவில் பயணிப்பவர்கள் ரயில் நிலையத்தில் இருந்து வெளியேறாமல் அதே ரயில் நிலையத்தில் நமோ பாரத் ரயிலில் ஏற முடியும். இந்த ரயிலில் டிக்கெட் கட்டணம் 20 ரூபாயில் இருந்து 210 ரூபாய் வரை தூரத்திற்கு ஏற்ப வசூலிக்கப்படுகிறது. மேலும், பெரும்பாலானோர் பணிக்கு செல்லக்கூடிய பீக் ஹவர்ஸில் 5 முதல் 10 நிமிடங்களுக்கு ஒரு ரயிலும், சாதாரண நேரங்களில் 15 நிமிடங்களுக்கு ஒரு ரயிலும் இயக்கப்பட உள்ளன.
இத்தகைய சிறப்பம்சங்களை கொண்ட அதிவேக நமோ பாரத் ரயில் நாடு முழுவதும் விரைவில் பயன்பாட்டிற்கு வரும் என எதிர்பார்க்கப்படுகிறது. அதே சமயம், நாட்டின் அதிவேக மெட்ரோ ரயில் சேவையான மீரட் மெட்ரோவையும் பிரதமர் மோடி பயன்பாட்டிற்கு கொண்டு வந்தார். மணிக்கு 120 கிலோ மீட்டர் வேகத்தில் செல்லக்கூடிய இந்த ரயில் தான் மெட்ரோ கட்டமைப்பில் அதிவேக கொண்ட ரயிலாகும்.
நாட்டின் முதல் அதிவேக நமோ பாரத் ரயில் சேவை தொடக்கம்.. மணிக்கு 120 கி.மீ., வேகம்.. 3 பெட்டிகள் கொண்ட இந்த ரயிலில் 173 இருக்கைகள் அமைக்கப்பட்டுள்ளன. ஒட்டுமொத்தமாக 700 பேர் வரை ஒரே நேரத்தில் இந்த ரயிலில் பயணிக்க முடியும். ஏசி, மெத்தை போன்ற இருக்கைகள், சார்ஜிங் வசதி, கண்காணிப்பு கேமராக்கள் போன்ற வசதிகளும் நமோ பாரத் ரயிலில் இடம்பெற்றுள்ளன.
இதில் 70 கிலோ மீட்டர் தொலைவுக்கு மேல்மட்ட பாலத்திலும், 12 கிலோமீட்டர் தூரம் சுரங்கப் பாதையிலும் நமோ ரயில் பயணிக்கும். மொத்தம் 16 ரயில் நிலையங்கள் கொண்ட இந்த வழித்தடத்தில், சுமார் 22 மீட்டர் உயரத்துடன் மிகப்பெரிய ரயில் நிலையம் என்ற பெருமையை சராய் கலே கான் நிலையம் பெற்றுள்ளது.

அரசியல்தமிழ்நாடு நிகழ்ச்சிகள்

Namadhu Arasu February 23, 2026February 23, 2026 tvk, vellore, vijay

சாலை வழியாக வேலூர் வரும் விஜய்…

வேலூர் மாவட்டம் அகரம்சேரியில், தமிழக வெற்றி கழகத் தலைவர் நடிகர் விஜய் பங்கேற்கும் வேலூர் மாவட்ட நிர்வாகிகள் சந்திப்பு நிகழ்ச்சி இன்று (பிப். 23) எழுச்சியுடன் நடைபெறுகிறது. இதற்காக முள்ளிகொண்டா அருகே 33 ஏக்கர் பரப்பளவில் பிரம்மாண்ட மைதானம் தயார் செய்யப்பட்டுள்ளது. சுமார் 4,900 நிர்வாகிகள் பங்கேற்கும் இந்நிகழ்வில், பாதுகாப்பை உறுதி செய்ய அனைவருக்கும் க்யூஆர் (QR) கோடுடன் கூடிய நுழைவுச் சீட்டுகள் வழங்கப்பட்டுள்ளன. அடிப்படை வசதிகளாக 50 கழிப்பறைகள் மற்றும் குடிநீர் வசதிகள் கேலரி வாரியாக செய்யப்பட்டுள்ளன. மேலும், 25 மருத்துவர்கள், 10 ஆம்புலன்ஸ் வாகனங்கள் மற்றும் 100 தன்னார்வலர்கள் அடங்கிய குழுவினர் அவசர சிகிச்சை மற்றும் ஒருங்கிணைப்பு பணிகளுக்காக மைதானத்தில் தயார் நிலையில் உள்ளனர். நடிகர் விஜய்யின் இந்த வருகை வேலூர் மாவட்ட தொண்டர்களிடையே பெரும் எதிர்பார்ப்பை ஏற்படுத்தியுள்ளது.அவசர கால தேவைகளுக்காக 25 மருத்துவர்கள் அடங்கிய மருத்துவக் குழு மற்றும் 10 ஆம்புலன்ஸ் வாகனங்கள் மைதானத்தில் நிறுத்தி வைக்கப்பட்டுள்ளன. இதுதவிர, கூட்டத்தை முறைப்படுத்தவும் ஒருங்கிணைப்பு பணிகளை மேற்கொள்ளவும் 100-க்கும் மேற்பட்ட தன்னார்வலர்கள் பணியில் ஈடுபடுத்தப்பட்டுள்ளனர்.இந்த சந்திப்பில் பங்கேற்க மொத்தம் 4,900 நிர்வாகிகளுக்கு மட்டுமே அனுமதி அளிக்கப்பட்டுள்ளது. பாதுகாப்பை உறுதி செய்யும் வகையில், அனைவருக்கும் பிரத்யேக ‘க்யூஆர் கோடு’ (QR Code) கொண்ட அடையாள அட்டைகள் வழங்கப்பட்டுள்ளன. இதனை ஸ்கேன் செய்த பிறகே நிர்வாகிகள் மைதானத்திற்குள் அனுமதிக்கப்படுவார்கள்.கடந்த முறை சேலத்தில் நடைபெற்ற நிகழ்ச்சியில் வெப்பம் காரணமாக ஒருவர் உயிரிழந்த நிலையில், அதனை கருத்தில் கொண்டு வேலூர் கூட்டத்தில் நிர்வாகிகள் அமரும் பகுதி முழுவதும் மேற்கூரை அமைக்கப்பட்டுள்ளது. மேலும், மைதானத்தில் 50 தனித்தனி கழிப்பறை வசதிகள் மற்றும் ஒவ்வொரு கேலரியிலும் தடையின்றி குடிநீர் வழங்கவும் ஏற்பாடுகள் செய்யப்பட்டுள்ளனவேலூர் மாவட்டம் அகரம்சேரி பகுதியில் சுமார் 33 ஏக்கர் பரப்பளவில் இந்த சந்திப்பிற்கான பிரம்மாண்ட மைதானம் அமைக்கப்பட்டுள்ளது. இன்று (பிப். 23) நண்பகல் 12 மணி முதல் மாலை 4 மணி வரை இந்த நிகழ்வு நடைபெற உள்ளது. தவெக தலைவர் விஜய் பங்கேற்கும் இந்த கூட்டத்திற்காக மேடை மற்றும் தடுப்புகள் தயார் நிலையில் உள்ளன.

இந்தியா உலகம்நிகழ்ச்சிகள்வணிகம்

Namadhu Arasu February 21, 2026February 21, 2026 tax, trumph, us

சீனா உள்ளிட்ட நாடுகள் மீது புதிதாக 10% வரி விதிப்பு அமல்படுத்திய டிரம்ப்!

தனக்கு எதிராக தீர்ப்பளித்த 6 நீதிபதிகளால் முற்றிலும் வெட்கப்படுவதாக தெரிவித்துள்ள அமெரிக்க அதிபர் டிர்மப், சீனா உள்ளிட்ட நாடுகள் மீது புதிதாக 10 சதவீத வரி விதிப்பை அமல்படுத்தி உள்ளார்.
சீனா உள்ளிட்ட நாடுகளுக்கு அதிபர் டொனால்ட் டிரம்ப் விதித்த கூடுதல் வரிகளுக்கு அமெரிக்க உச்சநீதிமன்றம் தடை விதித்துள்ளது. அமெரிக்க நாடாளுமன்றத்தை மீறி சீனா, இந்தியா உள்ளிட்ட நாடுகளுக்கு எதிராக சர்வதேச அவசர பொருளாதார அதிகார சட்டத்தை பயன்படுத்தி அதிபர் டொனால்ட் டிரம்ப் கடும் வரி விதிப்புகளை அமல்படுத்தினார். இதற்கு எதிர்ப்பு தெரிவித்து அமெரிக்க உச்ச நீதிமன்றத்தில் வழக்கு தொடர்ப்பட்டது. இந்த மனுவை 9 நீதிபதிகள் கொண்ட அமர்வு விசாரித்த நிலையில் அதில் 6 நீதிபதிகள் டிரம்ப்பின் வரி விதிப்புக்கு எதிராகவும், 3 நீதிபதிகள் ஆதரவாகவும் கருத்து தெரிவித்தனர்.இறுதியில் 6-க்கு 3 என்ற வாக்குகளின் அடிப்படையில் அமெரிக்க அதிபர் டிரம்பின் வரி விதிப்புகளுக்கு உச்ச நீதிமன்றம் தடை விதித்தது. மேலும் நாடாளுமன்றத்தை மீறி தனிச்சையாக வரி விதிக்க டிரம்புக்கு அதிகாரமில்லை எனவும், சர்வதேச அவசர பொருளாதார அதிகார சட்டத்தை டிரம்ப் சட்டவிரோதமாக பயன்படுத்தியதாகவும் நீதிமன்றம் குற்றஞ்சாட்டியது.அமெரிக்க நீதிமன்றத்தின் உத்தரவால் அந்நாட்டு பங்குச் சந்தைகள் மீண்டும் எழுச்சியடையத் தொடங்கின. எஃகு, அலுமினியம், தினசரி நுகர்வு உள்ளிட்ட பொருட்களின் விலையும் கணிசமாக குறையும் என எதிர்ப்பார்க்கப்படுகிறது.

Author: Namadhu Arasu

தமிழகத்தில் பெட்ரோல், டீசல் தட்டுப்பாடு இல்லை: வதந்தி பரப்பினால் நடவடிக்கை என எச்சரிக்கை